I Kor 3:10 - Sơ̆p Hlabơar Nơ̆r 'Bok Kei-Dei

¹⁰ 'Bok Kei-Dei mơnat kơ inh, ăn kơ inh hơgei gơh pơm hnam. Inh man anih hnam 'lơ̆ng boih, na đei bơngai nai pơm hnam 'bơ̆t ei. Mă-lei bơngai bu mă pơm hnam 'bơ̆t ei athei pơm mă 'lơ̆ng.

I Kor 3:10 Referans Kwoze

I Kor 3:11

Thoi noh na ưh kơ đei bu gơh pơm hnam sư tơ anih nai ôh, yua kơ 'Bok Kei-Dei hơmet lăp minh pôm anih noh đĕch. Anih noh wă khan Yêsu Krist.

Êphêsô 2:20

Bơ̆n thoi đe pơtăm keh minh pôm hnam. Lu jơ̆ng 'bang Yêsu hăm lu bơngai pơtruh nơ̆r 'Bok Kei-Dei lu sư thoi lu jrăng pơtăm tŏk-bŏk, na Yêsu Sư thoi jrăng mum.

Rom 15:20

Inh bơtho tơ anih mă đe ưh tam mă kơtơ̆ng. Inh ưh kơ bơtho tơ anih đe bơtho boih ôh, kơnh dang inh pơm hnam yua đêl jrăng đe chă.

Da 12:3

Lu bơngai hơgei gô thoi măt pơchră rang pơchrang hơdah đơ̆ng plĕnh; păng dôm lu bơngai mă đei chông anhăk brŏk gah tơdrong tơpăt gô hơdah thoi sơnglŏng ling-lang măng năr hlŏng hloi.

Mathiơ 24:45

“Bơngai đĭch, sư athei jang tơnăp kiơ̆ thoi yŏng sư pơkă, na yŏng sư lăp đon pơjao ăn kơ sư pơm kai wei-lăng lu buăl sư dơ̆ng na mưh trŏ kơ jơ sŏng sa sư chă asong kơ lu bôl sư tơmam sa.

Tơdrông Tơ'bôh 21:19

Tơmo đe trơn pơm dur pơlei ei, tơmo gĭt dêh, mă phara tơmo. Kiơ̆ kơ lu bơngai ei anăn sơ̆, tăl mônh tơmo jaspera, tăl 'bar tơmo sapphireb, tăl pêng tơmo kalsêđôc, tăl puăn tơmo sơmarađôd,

I Kor 9:2

Mă đe nai khan inh bơngai ưh kơ trŏ kơ jơ̆ng 'bang Yêsu kư̆m bưh mơ̆n, mă-lei gah iĕm, iĕm băt kơ inh bơngai jơ̆ng 'bang Yêsu tơpă, yua kơ iĕm lui kơ Sư đơ̆ng inh bơtho iĕm.

Mathiơ 7:24

“Bơngai bu mơ̆ng nơ̆r Inh bơtho, na kiơ̆ hloi, bơngai 'noh dang bơngai hơgei pơm hnam kơpal tơmo kŭk.

I Pet 4:11

Dah Sư ăn kơ bơ̆n hơgei bơtho đe tơdrong Sư, bơ̆n athei adrin bơtho tơbăt kơ đe tơdrong Sư tơpă. Dah Sư ăn kơ bơ̆n hơgei gah tơdrong tơgŭm đe, bơ̆n athei gơnang kơ Sư tơpă, na bơ̆n gơh jang tơdrong tơgŭm đe. Thoi noh na đe băt kơ tơdrong jang bơ̆n, na ư-ang 'Bok Kei-Dei păng đe gô băt kơ bơ̆n đơ̆ng Yêsu Krist tơgŭm, yua kơ Sư mơsêh mơyang pơgơ̆r tôm tơdrong ưh kơ layơ tôch. A-men.

II Tim 2:15

Ơ Timôthê, ih athei adrin jang tơdrong 'Bok Kei-Dei wă kơ Sư lăp đon kơ tơdrong jang ih tơpă. Ih jang thoi noh ih huay kơ mơlâu kơ tơdrong jang ih ôh, yua kơ ih bơtho trŏ tơdrong 'Bok Kei-Dei.

Kôlôsê 4:17

Păng iĕm khan kơ Achĭp athei sư jang mă keh tôm tơdrong jang sư, yua kơ Kră Yang Yêsu Krist pơjao kơ sư jang tơdrong 'noh boih.

Rom 12:3

'Bok Kei-Dei ăn kơ inh pơm jơ̆ng 'bang Sư wă kơ inh bơtho ăn kơ iĕm tơdrong Sư, Sư wă kơ iĕm huay kơ pơang kơ đe khan iĕm bơngai hơgei hloh kơ bơngai nai. 'Bok Kei-Dei ăn kơ iĕm hơgei pơm kiơ, gơh jang tơdrong kiơ, iĕm kư̆ kơ jang đĕch kăl kiơ pơang kơ đe.

Rom 1:5

Na Kră Yang Yêsu Krist mơnat kơ inh, ăn kơ inh pơm jơ̆ng 'bang Sư, wă kơ inh năm bơtho kơ đĭ-đăng khŭl bơngai jơ̆p kơ teh đak, wă kơ đĭ-đăng bơngai lui kơ Sư păng ư-ang kơ Sư ling-lang.

Jang 18:27

Apôlê kư̆m wă năm tơ dêh char Grĕk mơ̆n. Na lu bơngai lui tơ Pơlei Êphêsô tơgŭm sư chih kơ sư kơthơ wă chĕp ba ăn kơ lu buăl lui tơ dêh char Grĕk, apinh lu bơngai lui ei sơng iŏk sư. Lăp Apôlê truh tơ char Grĕk boih, Apôlê bơtho tơgŭm tơpă kơ lu bơngai 'Bok Kei-Dei mơnat ăn lui kơ Yêsu boih.

Luka 11:35

Thoi noh na iĕm athei kơchăng hli kơ ŭnh iĕm păt.

Bôk Bơthô 12:9

Minh 'nu bơngai hơgei, 'bok bơtho sư oei bơtho tơ'bôh tơdrong hơgei ăn kơ kon pơlei. Sư kăl kơ tơ'blŏk hơlen păng pơkeh dôm tơdrong pơđơ̆k.

Ya 3:1

Ơ lu 'nhŏng oh, iĕm 'nĕ ăn lu buăl bơ̆n pơm 'bok bơtho tơdrong 'Bok Kei-Dei lơ dêh hŏ. Iĕm băt boih lu nhôn 'bok bơtho iĕm, dah lu nhôn ưh kơ bơtho khan kơ iĕm pơm mă 'blep trŏ, ning-mônh 'Bok Kei-Dei sek tơlang lu nhôn hloh loi kơ lu bơngai nai.

I Tim 4:16

Ih athei kơchăng gah akâu ih kơdih păng gah tơdrong ih bơtho mơ̆n. Ih kư̆ kơ adrin pơm khŏm khŏm kiơ̆ thoi inh pơkă na ih gô klaih đơ̆ng tơdrong yoch păng lu bơngai mơ̆ng ih kư̆m klaih mơ̆n.

Kôlôsê 1:29

Inh gơnang kơ Yêsu Krist, na mă inh đei tơdrong anat anot dang ei, Sư ăn kơ inh jơhngơ̆m pran oei adrin jang tôch bơneh tơdrong Sư khŏm khŏm.

Rom 15:15

Mă-lei inh pơ̆n bơtho iĕm yua kơ Sư rơih iŏk inh wă kơ inh jang tơdrong Sư, bơtho lu bơngai tơmoi khŭl iĕm. Thoi noh na inh pơ̆n chih kơ iĕm 'bar pêng tơdrong kơ âu boih wă kơ iĕm 'blŏk hơdơ̆r kơ tơdrong Sư.

Luka 21:8

Na Yêsu khan: “Iĕm athei kơchăng kơdih hli kơ đe wă pơhlŭ pơlung iĕm kiơ̆ sư. Ning-mônh gô đei lơ bơngai truh, na lu sư anăn măt Inh khan sư kơdih 'Bok Krist păng khan wă jê̆ truh năr tôch boih. 'Noh iĕm 'nĕ kiơ̆ kơ lu sư hŏ.

Sa 4:9

“Đơ̆ng ti Sôrôbabel đei pơjing hnam 'nâu păng ti sư kư̆m gô pơm keh mơ̆n.” Kơplah noh ih gô băt Kră Yang Tih Hloh đei wơh inh năm tơ lu iĕm.

II Ho 2:12

Hiram khan dơ̆ng: “Bơnê kơ Kră Yang 'Bok Kei-Dei Isơrael, Kră Yang Tơ'ngla pơjing kơ plĕnh teh, Sư đei ăn boih kơ pơtao Đawit minh 'nu kon drŏ-nglo gơh hơgei, hlôh wao wă pơm hnam kơ Kră Yang păng wă pơm minh pôm hnam pơtao kơ sư.

Tơdrông Tơ'bôh 21:14

Đe trơn tơmo pơm pơlei ei, đei mơjĭt-'bar tăl tơmo. Mơjĭt-'bar tăl tơmo ei đe chih anăn mơjĭt-'bar 'nu jơ̆ng 'bang Kon Triu.

II Kor 10:15

Dôm lu bơngai khŭl nai lui kơjăp đơ̆ng đe bơtho, nhôn ưh kơ đei pơma khan đơ̆ng nhôn bơtho ôh. Mă iĕm âu đơ̆ng anăp nhôn bơtho tơpă, na nhôn chang iĕm jah lui kơjăp, wă kơ iĕm jah tơgŭm nhôn bơtho jơ̆p kơ tơring iĕm.

Tơdrông Pơđơk 9:1

Tơdrong gơh hơgei đei boih pơjing hnam kơdih. Sư traih boih tơpơh tŏ jrăng sư.

II Pet 3:15

Iĕm 'nĕ pơma kơ tơdrong Sư ưh kơ dah jur, yua kơ Sư mơnat kơ kon tơring tơrang lu tam mă lui, wă kơ lu sư lui thoi iĕm 'mơ̆i, na 'Bok Kei-Dei pơklaih tơdrong yoch lu sư, thoi Sư pơklaih iĕm boih. Pôl, 'nhŏng oh bơ̆n mă bơ̆n 'mêm, 'Bok Kei-Dei ăn kơ sư hơgei gah tơdrong bơtho, sư chih roi kơ iĕm kư̆m lei-lăi thoi noh mơ̆n.

Le 36:4

Thoi noh lu bơngai hơgei gơh pơm tôm tơdrong jang lăm anih noh, lu sư pơdơh 'bơ̆t anih lu sư oei jang.

Tơdrông Pơđơk 12:8

Bơngai bu gơh hơgei đei đon tơpăt đe bơnê. Mă-lei bơngai bu jơhngơ̆m kơnê̆ đe pơchê pơjăm.