I Kor 3:1 - Sơ̆p Hlabơar Nơ̆r 'Bok Kei-Dei

¹ Ơ 'nhŏng oh, inh bơtho iĕm sơ̆, ưh kơ thoi inh juăt kơ bơtho lu bơngai mă đei Yang Bơhngol 'Lơ̆ng ôh. Inh bơtho iĕm sơ̆, lu iĕm thoi lĕ lu bơngai kiơ̆ kơ sĕch akar ala teh păng thoi lĕ kon nge, yua kơ iĕm thoi lĕ kơ bơngai mă 'nao lui kơ Yêsu Krist đĕch.

I Kor 3:1 Referans Kwoze

Hêbrơ 5:13

Bơngai bu oei gĭt kơ đak toh, bơngai 'noh oei 'lơ̆p tơpă. Sư ưh tam hlôh wao tơdrong 'lơ̆ng, tơdrong kơnê̆ ôh.

I Kor 2:6

Gah lu bơngai lui kơjăp boih inh bơtho mơ̆n kiơ̆ kơ tơdrong hơgei, mă-lei ưh kơ sĭ kiơ̆ kơ tơdrong hơgei ala teh âu, dah kiơ̆ kơ lu 'bok pơgơ̆r ala teh âu ôh, yua kơ lu sư rai wă tôch boih.

I Kor 14:20

Ơ 'nhŏng oh, gah tơdrong iĕm 'maih pơma nơ̆r hlĭch, iĕm athei tơchĕng kiơ̆ đon kră, 'nĕ pă kiơ̆ thoi đon bơngai nge. Bơ̆n băt kơ lu bơngai nge ưh kơ gơh pơm kơnê̆ kơ đe, dah bơ̆n kiơ̆ thoi noh 'lơ̆ng mơ̆n, mă-lei bơ̆n 'nĕ kơ kiơ̆ kơ đon sư tơchĕng, yua kơ sư ưh kơ hlôh ôh.

Rom 7:14

Bơ̆n băt mơ̆n tơdrong juăt 'Bok Kei-Dei pơkă trŏ tơpă; na kiơ̆ thoi inh bơngai tơrăn ưh kơ kĕ kiơ̆ tơdrong juăt noh, na jing đĭch kơ tơdrong yoch inh tơpă.

I Yo 2:12

Ơ lu kon hơ'lơ̆p, inh chih ăn kơ iĕm kơthơ âu kơlih kơ iĕm klaih đơ̆ng tơdrong yoch yua kơ Yêsu lôch tang bơ̆n.

Galati 6:1

Ơ 'nhŏng oh, dah iĕm 'bôh lu 'nhŏng oh bơ̆n bơngai lui pơm tơdrong yoch, na lu iĕm mă lui kơjăp, iĕm athei tơgŭm sư pơm mă 'lơ̆ng hŏ. Iĕm tơgŭm sư, iĕm kư̆m athei 'mêm mơnat kơ sư mơ̆n, 'nĕ hil kơ sư păng iĕm athei kơchăng akâu iĕm kơdih mơ̆n, hli kơ yang Satan kư̆m wă pơhlŭ pơlung iĕm.

Mathiơ 16:23

Na Yêsu hue lăng tơ Pêtrôs păng khan kơ sư: “Ơ Satan, jăk kơ e mă ataih đơ̆ng âu. Inh wă pơm kiơ̆ kơ 'Bok Kei-Dei mă e pơgăn. E ưh kơ tơchĕng kiơ̆ kơ 'Bok Kei-Dei ôh, e tơchĕng kiơ̆ kơ kon bơngai đĕch.”

I Kor 14:37

Bơngai bu băt kơdih sư khan sư bơngai pơtruh tơdrong 'Bok Kei-Dei kơ đe păng lu bơngai bu nai khan sư đei Yang Bơhngol 'Lơ̆ng tơgŭm sư hơgei gơh pơm tơdrong kiơ kiơ, lu bơngai noh sư athei băt tôm tơdrong inh chih ată đơ̆ng Yêsu Krist tơpă yơh.