I Kor 2:6 - Sơ̆p Hlabơar Nơ̆r 'Bok Kei-Dei

⁶ Gah lu bơngai lui kơjăp boih inh bơtho mơ̆n kiơ̆ kơ tơdrong hơgei, mă-lei ưh kơ sĭ kiơ̆ kơ tơdrong hơgei ala teh âu, dah kiơ̆ kơ lu 'bok pơgơ̆r ala teh âu ôh, yua kơ lu sư rai wă tôch boih.

I Kor 2:6 Referans Kwoze

Hêbrơ 5:14

Pôm lu bơngai pơm kră đĕch gơh sa tơmam arăng, lu sư pơhrăm đunh boih, lu sư băt kơnăl kơ tơdrong 'lơ̆ng, tơdrong kơnê̆ boih.

Ya 3:15

Bơngai bu khan sư hơgei tơdrong 'Bok Kei-Dei mă sư oei pơm thoi noh, tơdrong sư hơgei noh ưh kơ sĭ đơ̆ng 'Bok Kei-Dei ăn ôh; sư hơgei đơ̆ng khŭl yang kơnê̆, sư hơgei kiơ̆ tơdrong ala teh, kiơ̆ kơ sĕch akar.

II Kor 4:4

Yŏng yang sơmăt pơgơ̆r tơ ala teh âu pơm kơ lu bơngai ưh kơ lui dang bơngai măt tol, wă kơ lu sư ưh kơ 'bôh tơdrong hơdah Yêsu Krist pơchrang kơ lu sư. Thoi noh na lu sư ưh kơ hlôh tơdrong 'nao 'lơ̆ng Yêsu Krist. Yêsu Krist boih hơbŏ thoi Kră Yang 'Bok Kei-Dei.

I Pet 5:10

Mă-lei 'Bok Kei-Dei krao iŏk bơ̆n Sư wă kơ bơ̆n oei hiôk hăm Sư ling-lang yua kơ bơ̆n lui kơ Yêsu Krist, na Sư ăn kơ bơ̆n pơmat tŏ sĕt đĕch ưh kơ đunh, Sư gô pơm kơ bơ̆n lui kơjăp jing bơngai tơpăt lăm tôm tơdrong. Yua kơ Sư mơnat na Sư tơgŭm bơ̆n tôm tơdrong thoi noh.

I Kor 2:8

Tơdrong 'noh lu bơngai pơgơ̆r ala teh âu lu sư ưh kơ đei bu băt; dah lu sư băt sơ̆ lei lu sư ưh kơ pơ̆ng pơlôch Kră Yang mơsêh tih-tin tơ 'long pơglang ôh.

I Kor 1:28

păng 'Bok Kei-Dei rơih iŏk boih lu bơngai mă pă jing jat pă-tat tơdrong wă pơthuơ lu bơngai pơm tih pơm yŏng.

Kôlôsê 4:12

Êpapra sư bơngai pôm pơlei hăm iĕm, sư kư̆m jang tơdrong Yêsu Krist na sư wă jet gia iĕm tơ âu. Sư krao khan apinh 'Bok Kei-Dei tơgŭm iĕm ling-lang, wă kơ iĕm lui kơjăp păng hlôh băt tôm tơdrong 'Bok Kei-Dei na pơm kiơ̆ hloi.

Êphêsô 2:2

Iĕm pơm kiơ̆ thoi lu bơngai tơ ala teh, hăm pơm kiơ̆ kơ yang Satan wă; yang Satan boih yŏng pơgơ̆r lu yang kơnê̆, sư boih pơgơ̆r lu bơngai mă ưh kơ chu 'Bok Kei-Dei.

Mathiơ 5:48

Thoi noh na iĕm athei 'mêm kơ đĭ-đăng bơngai kư̆m thoi 'Bă bơ̆n tơ plĕnh ti 'mêm kơ đĭ-đăng bơngai thoi noh mơ̆n.

II Kor 1:12

Tơdrong nhôn hiôk, nhôn hiôk yua kơ tơdrong âu: Jơhngơ̆m đon nhôn mơn kơdih nhôn pơm 'lơ̆ng kơ đĭ-đăng bơngai; mă loi pơm 'lơ̆ng pơm tơpăt hăm iĕm. Mă-lei nhôn ưh kơ bơnê kơ akâu nhôn kơdih hơgei ôh, nhôn bơnê kơ 'Bok Kei-Dei tơgŭm nhôn pơm 'lơ̆ng thoi noh.

Horiso 33:10

Kră Yang pơrăm lê̆ lu dêh char chă đon wă pơm kơnê̆. Tơhiong lê̆ tơdrong kon bơngai pơđâu wă pơm.

Jop 12:21

Sư tuh tơdrong chhŭr nuih kơpal lu bơngai tih mơng. Yaih tơlei tơ̆n đơ̆ng lu bơngai pran.

Jop 12:19

Sư chông ba lu 'bok soi tơ nai, blơ̆ lê̆ lu bơngai pơm 'bok soi pơgơ̆r đunh.

Jop 1:1

Tơ lăm dêh char Usa đei minh 'nu bơngai drŏ-nglo anăn sư Jop, sư đei đon 'lơ̆ng tơpăt, băt hli yom kơ Kră Yang 'Bok Kei-Dei păng weh ataih đơ̆ng tơdrong kơnê̆.

Ya 3:2

Đĭ-đăng kơ kon bơngai bơ̆n tă kơ bơngai yoch ngăl. Pơtih gia, dah bơngai bu ưh kơ đei yoch lăm tơdrong sư pơma, bơngai noh bơ̆n băt kơ sư bơngai 'lơ̆ng 'biơ̆ mơ̆n păng lăm akâu sư gơh găt hăm bôl buăl tơpă.

II Kor 13:11

Ơ lu 'nhŏng oh, dôm tơdrong inh chă chih kơ iĕm dôm noh boih. Oei kơ iĕm mă 'lơ̆ng. Adrin pơm 'lơ̆ng, mơ̆ng dôm tơdrong inh pơma, băt chu dih băl, oei sa hiôk chơt; thoi noh na 'Bok Kei-Dei mă 'mêm mơnat kơ kon bơngai hăm ăn kon bơngai hiôk-hian, Sư gô oei hơdai iĕm.

I Kor 14:20

Ơ 'nhŏng oh, gah tơdrong iĕm 'maih pơma nơ̆r hlĭch, iĕm athei tơchĕng kiơ̆ đon kră, 'nĕ pă kiơ̆ thoi đon bơngai nge. Bơ̆n băt kơ lu bơngai nge ưh kơ gơh pơm kơnê̆ kơ đe, dah bơ̆n kiơ̆ thoi noh 'lơ̆ng mơ̆n, mă-lei bơ̆n 'nĕ kơ kiơ̆ kơ đon sư tơchĕng, yua kơ sư ưh kơ hlôh ôh.

I Kor 2:13

Tôm tơdrong bơtho ưh kơ sĭ nhôn pơhrăm đơ̆ng lu bơngai hơgei ala teh âu ôh, nhôn pơhrăm đơ̆ng Yang Bơhngol 'Lơ̆ng bơtho nhôn. Nhôn bơtho tơblơ̆ tơblang kiơ̆ kơ Yang Bơhngol 'Lơ̆ng bơtho mơ̆n.

I Kor 2:1

Ơ 'nhŏng oh, kơplah inh năm bơtho iĕm tơdrong 'Bok Kei-Dei sơ̆ inh ưh kơ đei bơtho kiơ̆ kơ 'bơ̆r đon inh hơgei ôh.

Luka 16:8

Bơngai đam kơiĕng ei pơm ưh kơ tơpăt ră, mă-lei yŏng sư kư̆m ngơnh kơ sư chă gơh găi pơm tơdrong arih akâu, yua kơ lu bơngai ala teh âu, lu sư hơgei hloh kơ bơngai lui gah tơdrong tơgŭm dih băl chă 'me akâu jăn wă kơ arih akâu.

Mathiơ 19:21

Yêsu khan kơ sư: “Dah ih wă kiơ̆ tôm tơdrong 'Bok Kei-Dei pơkă lei ih athei tĕch đĭ mŭk tơmam ih chă asong kơ lu bơngai dơnuh hin, na kiơ̆ hloi Inh. Thoi noh na ih gô đei mŭk tơmam tơ kơpal plĕnh ti ning-mônh.”

Mathiơ 13:22

Lu mơ'nah thoi lĕ kơ găr 'ba huŏng 'bơ̆t 'nhĕt jơla. Lu sư kơtơ̆ng đe bơtho tơdrong 'Bok Kei-Dei ră mă-lei lu sư wă tơchĕng tơdrong arih sư kăl hloh, sư wă kơ mơdrŏng; thoi noh na tơdrong 'Bok Kei-Dei ưh kơ gơh wơ̆ păng ưh kơ đei plei.

Êsai 40:23

Sư bơih pơm kơ lu yŏng pơgơ̆r jing tơdrong kơ đei păng lu Kră pơgơ̆r tơ kơpal teh âu jing ưh kơ đei yua.

Horiso 37:37

Lăng bĕ tơ lu bơngai 'lơ̆ng păng lăng lu bơngai tơpăt; Yua kơ tuch-luch lu bơngai tơpăt gô đei tơdrong hiôk-hian.e

Horiso 146:4

Bơhngola lĕch boih, akâu lu sư brŏk hơlơ̆k tơ teh, Lăm năr noh hloi dôm tơdrong lu sư wă pơm kư̆m hiong đĭ

I Kor 3:1

Ơ 'nhŏng oh, inh bơtho iĕm sơ̆, ưh kơ thoi inh juăt kơ bơtho lu bơngai mă đei Yang Bơhngol 'Lơ̆ng ôh. Inh bơtho iĕm sơ̆, lu iĕm thoi lĕ lu bơngai kiơ̆ kơ sĕch akar ala teh păng thoi lĕ kon nge, yua kơ iĕm thoi lĕ kơ bơngai mă 'nao lui kơ Yêsu Krist đĕch.

I Kor 12:8

Yang Bơhngol 'Lơ̆ng ăn kơ bơngai âu đon hơgei wă kơ năm chă bơtho tơdrong 'Bok Kei-Dei; Sư kư̆m ăn kơ bơngai to hlôh wao tôm tơdrong 'Bok Kei-Dei wă kơ gơh năm chă bơtho đe mơ̆n.

II Kor 4:3

Tơ̆ng tơdrong 'nao 'lơ̆ng nhôn bơtho ưh kơ mơ̆t tơ jơhngơ̆m đon đe, noh jơhngơ̆m đon lu bơngai mă oei kơlŭk lum khăn, lu bơngai mă wă hiong răm.

Kôlôsê 1:28

Tơdrong 'Bok noh boih nhôn bơtho dang ei, 'Bok noh boih mă nhôn gơnang kơ 'Bok Kei-Dei, wă kơ 'Bok Kei-Dei ăn kơ nhôn hơgei tôm tơdrong Sư na gơh năm bơtho khan kơ jơ̆p-jang bơngai. Yua kơ tơdrong 'Bok noh boih na nhôn pơjao kon bơngai kơ 'Bok Kei-Dei wă kơ kon bơngai wih đĭ tơ 'Bok Kei-Dei jing bơngai 'lơ̆ng tơpăt hăm Sư boih, pôm đon hăm Yêsu Krist.

Hêbrơ 6:1

Thoi noh dang ei bơ̆n ưh kơ kăl boih pơhrăm dơ̆ng dôm tơdrong mă bơ̆n 'nao pơtơm lui kơ Yêsu, tơdrong mă tơbral kơdih tơdrong yoch, tơdrong lui kơ 'Bok Kei-Dei,