I Kor 2:12 - Sơ̆p Hlabơar Nơ̆r 'Bok Kei-Dei

¹² Mă-lei bơ̆n bơngai lui ưh kơ wă iŏk ôh tơdrong tơchĕng ala teh âu. Bơ̆n đei Yang Bơhngol 'Lơ̆ng jur tơ bơ̆n, wă kơ bơ̆n băt tôm tơdrong 'Bok Kei-Dei pơkă khan wă ăn kơ bơ̆n.

I Kor 2:12 Referans Kwoze

I Yo 2:27

Gah iĕm Yêsu Krist ăn kơ iĕm Yang Bơhngol 'Lơ̆ng boih. Na lăp Yang Bơhngol 'Lơ̆ng oei lơ̆m jơhngơ̆m iĕm, iĕm ưh pă wă kơ lu đe noh bơtho iĕm dơ̆ng ôh, kơlih kơ Yang Bơhngol 'Lơ̆ng bơtho iĕm tôm tơdrong. Dôm tơdrong Sư bơtho tơpăt ngăl, ưh kơ sĭ Sư bơtho tơdrong hơlĕnh ôh. Thoi noh na iĕm athei răk dôm tơdrong Sư pơkă hŏ wă kơ iĕm lui kơjăp kơ Yêsu Krist.

I Yo 2:20

Gah iĕm, Yêsu Krist mă 'lơ̆ng tơpăt, Sư ăn kơ iĕm Yang Bơhngol 'Lơ̆ng na đĭ dôm iĕm băt nhên tơpă gah tơdrong 'Bok Kei-Dei.

Rom 8:1

Yua kơ thoi noh na dôm lu bơ̆n bơngai mă lui kơ Yêsu Krist, 'Bok Kei-Dei ưh pă wă phak lu bơ̆n dơ̆ng boih.

II Kor 4:4

Yŏng yang sơmăt pơgơ̆r tơ ala teh âu pơm kơ lu bơngai ưh kơ lui dang bơngai măt tol, wă kơ lu sư ưh kơ 'bôh tơdrong hơdah Yêsu Krist pơchrang kơ lu sư. Thoi noh na lu sư ưh kơ hlôh tơdrong 'nao 'lơ̆ng Yêsu Krist. Yêsu Krist boih hơbŏ thoi Kră Yang 'Bok Kei-Dei.

Ya 4:5

Na tơdrong noh kư̆m thoi sơ̆p hla bơar 'Bok Kei-Dei khan: “'Bok Kei-Dei ăn Yang Bơhngol 'Lơ̆ng Sư oei lăm bơ̆n wei-lăng bơ̆n tơnăp dêh, wă kơ đe huay kơ tơgar iŏk bơ̆n.”

Rom 8:32

Sư 'mêm kơ bơ̆n tơpă na Sư mah ăn Kon pôm Sư lôch tang kon bơngai. Thoi noh bơ̆n băt Sư wă tơgŭm bơ̆n tôm tơdrong nai hai mơ̆n.

Tơdrông Tơ'bôh 22:6

Linh jang ei khan dơ̆ng kơ inh: “Tôm tơdrong âu gô đei tơpă bơ̆n gơh lui. Sơ̆ 'Bok Kei-Dei wơh lu bơngai pơtruh nơ̆r Sư, mă dang ei kư̆m thoi noh Sư kư̆m wơh inh mă linh jang 'lơ̆ng Sư hai, năm chă pơtruh kơ lu đĭch đam Sư tơdrong wă jê̆ truh noh.”

I Kor 3:22

Iĕm đei Pôl, đei Apôlê, đei Pêtrôs, iĕm đei tôm tơdrong ala teh âu, iĕm kư̆m arih ling-lang ưh pă lôch boih; iĕm kư̆m đei tôm tơdrong ahrei păng kư̆m đei tôm tơdrong ning-mônh. Dôm tơdrong noh tơmam iĕm ngăl

Êphêsô 2:2

Iĕm pơm kiơ̆ thoi lu bơngai tơ ala teh, hăm pơm kiơ̆ kơ yang Satan wă; yang Satan boih yŏng pơgơ̆r lu yang kơnê̆, sư boih pơgơ̆r lu bơngai mă ưh kơ chu 'Bok Kei-Dei.

I Kor 2:6

Gah lu bơngai lui kơjăp boih inh bơtho mơ̆n kiơ̆ kơ tơdrong hơgei, mă-lei ưh kơ sĭ kiơ̆ kơ tơdrong hơgei ala teh âu, dah kiơ̆ kơ lu 'bok pơgơ̆r ala teh âu ôh, yua kơ lu sư rai wă tôch boih.

I Kor 1:27

Mă-lei 'Bok Kei-Dei rơih iŏk boih lu bơngai ưh kơ hơgei ala teh âu wă pơm kơ lu bơngai hơgei mơlâu; 'Bok Kei-Dei kư̆m rơih iŏk boih lu bơngai tơrăn ala teh âu wă pơm kơ lu bơngai pran kơtang mơlâu;

Tơdrông Tơ'bôh 12:9

Na đe tơhuŏng sư păng đĭ lu linh sư tơ teh. Prao noh boih 'bih so sơ̆ mă đe anăn yŏng yang sơmăt păng yang Satan. Sư pơhlŭ đe jơ̆p kơ teh đak. Đe blah tơhuŏng sư păng lu linh sư đơ̆ng plĕnh tơ teh.