I Kor 16:2 - Sơ̆p Hlabơar Nơ̆r 'Bok Kei-Dei

² Rim năr mônh, rim 'nu kơ iĕm pơyơ̆r jên kơdih kơdih, kiơ̆ kơ jơhngơ̆m iĕm wă păng kiơ̆ kơ tơmam iĕm đei. Thoi noh lăp inh truh tơ iĕm, na iĕm pơyơ̆r tôm boih, huay pă kăl pơyơ̆r dơ̆ng.

I Kor 16:2 Referans Kwoze

Jang 20:7

Kơsơ̆ năr mă mônh lăm giĕng nhôn akŭm wă kơkuh kơ 'Bok Kei-Dei păng sŏng sa hơpong dih băl. Na Pôl bơtho lu bơngai akŭm ei tơdrong 'Bok Kei-Dei. Sư bơtho đunh tơpă khŏm khŏm truh tơ mơjĭt-'bar jơ kơmăng, yua kơ sư wă tơklah dih băl năr dơning na nhôn athei ngôi hơpong dih băl mă hrăp.

Luka 16:10

“Bơngai bu pơm tơpăt mă tơdrong iĕ, bơngai noh sư kư̆m gô pơm tơpăt tơdrong tih mơ̆n. Bơngai bu pơm ưh kơ tơpăt đơ̆ng tơdrong iĕ, sư kư̆m ưh kơ tơpăt kơ tơdrong tih.

Both 8:18

Iĕm athei 'blŏk kơ Kră Yang 'Bok Kei-Dei iĕm, noh jơ̆ đơ̆ng Sư ăn kơ iĕm jing mơdrŏng; wă pơsĭt tơdrong pơgơ̆p Sư pơkă pơkăm hăm 'bok iĕm sơ̆.

Tơdrông Tơ'bôh 1:10

Đei minh năr, mă năr giĕng kơkuh kơ Kră Yang, na Yang Bơhngol 'Lơ̆ng tơ'bôh kơ inh tơdrong hlĭch. Inh kơtơ̆ng tơ rŏng inh nhen đei nơ̆r pơma re jơwa thoi đe hlôm keng

Yo 20:19

Hơdrơ̆m kơsơ̆ năr mă mônh lăm giĕng ei, lu bơngai pơhrăm păng Yêsu oei hơdai lăm hnam, 'măng chơkăl lê̆ ngăl yua kơ lu sư hli kơ khŭl Juđê. Thoi noh Yêsu mơ̆t dơ̆ng 'bơ̆t tŏk-bŏk lu đe ei păng khan: “Oei hiôk bĕ lu iĕm.”

Luka 24:1

Lăp 'brưch hơdah til pơgê năr mônh, lu drŏ-kăn ei chĕp ba pơgang 'bâu phu mă đêl lu sư hơmet lê̆ noh na năm tơ bơsat.

II Ho 31:10

Asaria 'bok soi tơm, đơ̆ng adrĕch Sadok, tơl sư khan: “Đơ̆ng lu kon pơlei pơtơm pơyơ̆r tơmam tơ Hnam Kră Yang lu nhôn đei sŏng sa mah păng kư̆m oei rơkah lơ, yua kơ Kră Yang ăn boih kơ kon pơlei sư đei pŭn hiôk; na mă đei rơkah lơ 'nâu.

Bl 26:12

Isăk choh jang lăm tơring noh; sơnăm noh sư đei kĕch yuă iŏk lơ hloh kơ adrol hrĕng wơ̆t, yua kơ Kră Yang ăn đei tơdrong pŭn hiôk.

Yo 20:26

Minh 'măng giĕng đơ̆ng rŏng kơ năr 'noh, lu bơngai pơhrăm păng Yêsu năm akŭm lăm hnam dơ̆ng. Thôm sư kư̆m akŭm hơdai mơ̆n. 'Măng hnam oei chơkăl lê̆, mă-lei Yêsu dơ̆ng 'bơ̆t tŏk-bŏk lu sư păng khan: “Oei hiôk bĕ lu iĕm.”

Markôs 14:8

Duch âu pơm tôch tơdrong sư 'mêm păng sư gơh pơm. Sư tuh đak pơgang 'bâu phu tơ akâu Inh hơdrol kơ đe wă 'bŭ Inh thoi đe juăt kơ pơm hơdrol kơ 'bŭ bơngai lôch.

Bl 33:11

Apinh 'nhŏng iŏk bĕ dôm tơmam mă oh đei pơyơ̆r ăn kơ 'nhŏng, yua kơ Kră Yang 'Bok Kei-Dei đei tơgŭm boih oh đei jang sa pŭn păng đei tôm mah rơkah kơ yua. Jakôp apinh lung 'bơ'bel athei iŏk, na Êsâu chu iŏk.

Bl 32:10

Inh âu ưh kơ rơ-a na ưh kơ hơnhŏ gơh đei pŭn hiôk păng dôm tơdrong 'lơ̆ng tơpăt Ih mă đei pơm boih kơ đĭch đam Ih adrol sơ̆. Wă tŏk găn đak Krong Jôrđăn inh đei lăp minh pôm 'long jra đĕch, kơna dang ei inh đei 'bar khŭl bơngai âu.

Bl 30:30

Adrol kơ inh truh, kon sem dơrong ih tŏ sĕt đĕch, mă-lei na đơ̆ng năr inh jang na đei rai lơ tơpă. Kră Yang đei tuh ăn pŭn hiôk kơ inh iŏk đơ̆ng năr inh juă jơ̆ng mơ̆t oei tơ lăm hnam âu; băt dang yơ inh gô pơjing sa hnam kơdih.

Bl 30:27

La'ban tơl sư: Apơi rŏ kơ inh đei pŭn hiôk đơ̆ng mon! Inh tơchĕng băt nhen yua kơ đơ̆ng mon mă Kră Yang đei ăn kơ inh pŭn hiôk noh.

II Kor 8:10

Sơnăm sơ̆ iĕm kư̆m đêl pơtơm boih tơdrong wă tơgŭm lu bơngai dơnuh hin noh, iĕm kư̆m wă tơpă; na dang ei inh wă kơ iĕm pơjing dơ̆ng tơdrong noh mă tơpă bĕ.