I Kor 15:9 - Sơ̆p Hlabơar Nơ̆r 'Bok Kei-Dei

⁹ yua kơ inh bơngai jơ̆ng 'bang iĕ hloh kơ lu jơ̆ng 'bang nai. Inh ưh kơ hơnhŏ đe krao inh jơ̆ng 'bang Sư ôh, yua kơ inh đei pơrăm lu bơngai lui kơ 'Bok Kei-Dei.

I Kor 15:9 Referans Kwoze

II Kor 12:11

Kơlih kơ iĕm rai wă hiơt kơ inh bơngai mă pơm jơ̆ng 'bang Yêsu Krist, na inh đei pơma pơang kơ iĕm thoi noh, dang bơngai wơnh, dang bơngai kư̆ kă. Lu bơngai noh chă pơpơm jơ̆ng 'bang Yêsu Krist, lu sư khan lu sư bơngai hơgei dêh mă-lei inh ưh kơ thuơ, mă khan inh bơngai kơtul.

Jang 8:3

Mă-lei Sôl pơm kơnê̆ kơ lu bơngai lui wă kơ lu sư hiong răm. Sư năm jơ̆p jơ̆p mơ̆t tơ hnam đe, rôp lu bơngai lui kơ Yêsu, bơngai drŏ-nglo drŏ-kăn, tah hloi lu sư lăm hnam phak.

Galati 1:23

Mă-lei lu sư kơtơ̆ng ang đe khan thoi âu: “Pôl sơ̆ pơm kơnê̆ kơ bơ̆n dêh, sư wă pơrăm tơdrong bơ̆n lui, mă-lei dang ei đe khan sư bơtho tơdrong bơ̆n lui boih.”

Philip 3:6

Inh kư̆m pơm kơnê̆ kơ lu bơngai lui kơ Yêsu yua kơ inh ngêh kơ 'Bok Kei-Dei wă thoi noh tơpă; mă tơdrong juăt Môis inh ưh kơ pơm kơnê̆, pơm yoch ôh.

Galati 1:13

Iĕm kơtơ̆ng boih tơdrong arih inh thoi yơ sơ̆. Kơplah noh sơ̆ inh kiơ̆ tơdrong lu bơngai Juđê. Inh pơm kơnê̆ tơpă kơ lu bơngai lui kơ Kră Yang Yêsu Krist wă kơ tơdrong lui lu sư jah tôch.

II Kor 11:5

Iĕm tơchĕng lu bơngai noh jơ̆ng 'bang Yêsu Krist tơpă, lu sư hơgei tơpă hă? Inh hơgei mơ̆n, inh ưh kơ thuơ kơ lu sư ôh.

I Kor 10:32

Mă tôm tơdrong bơ̆n jang pơm tơdrong kiơ bơ̆n athei kơchăng hŏ, hli kơ bơ̆n pơơh đe, mă sư bơngai Juđê, mă sư bơngai dêh nai, mă tơduă bơngai lui kơ 'Bok Kei-Dei.