I Kor 15:43 - Sơ̆p Hlabơar Nơ̆r 'Bok Kei-Dei

⁴³ Đe 'bŭ akâu bơ̆n tơ teh ưh pă yua kiơ dơ̆ng, mă-lei mưh Sư tơiung arih, akâu bơ̆n jing 'lơ̆ng rŏ. Đe 'bŭ akâu bơ̆n tơ teh ưh kơ pran ôh, mă-lei mưh Sư tơiung arih, akâu bơ̆n jing pran.

I Kor 15:43 Referans Kwoze

Kôlôsê 3:4

Tơ̆ng bơ̆n băt kơ Yêsu Krist ăn kơ bơ̆n arih thoi Sư, lei ning-mônh bơ̆n gô 'bôh Sư jur tơ bơ̆n, bơ̆n gô oei hơdai hăm Sư hiôk jơnap ling-lang.

Philip 3:10

Inh wă gơnang kơ Sư đĕch, Sư mơsêh mơyang tơpă, Sư iung arih đơ̆ng lôch boih. Yua kơ thoi noh na inh chu iŏk tơdrong pơmat, chu iŏk tơdrong lôch thoi Sư. Tơdrong lôch wă khan tơdrong so inh lê̆ đĭ boih, ưh pă 'bơ'blŏk dơ̆ng.

II Kor 13:4

Sư lôch tơ 'long pơglang sơ̆ kư̆m thoi noh mơ̆n, bơ̆n lăng Sư lôch thoi Sư rơdu, mă-lei Sư đei mơsêh mơyang 'Bok Kei-Dei kơtang, ăn kơ Sư iung arih dơ̆ng. Nhôn kư̆m rơdu tơrăn thoi Sư sơ̆, mă-lei nhôn đei mơsêh mơyang 'Bok Kei-Dei kơtang, tơdrong arih nhôn năm tơ iĕm kơnh kư̆m thoi noh.

Da 12:1

Lăm chăl noh, Mikael, Linh jang tih, noh boih yŏng wă iung wei kơ kon pơlei ih. Kơplah noh gô đei tơdrong gleh truh, iŏk đơ̆ng đei pơjing dêh char truh tơ dang ei tam mă đei tơdrong truh tih thoi noh. Dang ei lăm lu kon pơlei ih, dôm lu bơngai mă đei chih măt lăm sơ̆p hla bơar noh gô klaih păng arih ling-lang.

I Kor 6:14

'Bok Kei-Dei tơiung arih Yŏng bơ̆n đơ̆ng lôch, na Sư kư̆m wă tơiung arih akâu bơ̆n hăm tơdrong mơsêh Sư mơ̆n.

Mathiơ 13:43

Gah lu bơngai mă 'lơ̆ng tơpăt, năr noh kơnh lu sư oei hiôk hơđơ̆ng tơ dêh char 'Bă bơ̆n, dang lu sư pơchrang hơdah thoi lĕ kơ măt 'năr. Bu đei đon athei tơchĕng kơdih bĕ.

Horiso 102:23

Sư pơm ăn jơhngơ̆m inh rơdu lăm chăl arih inh, Pơm ăn kơ lu năr arih inh rai djăl.

Jop 14:10

Mă-lei kon bơngai dah lôch bơih, pă đei kiơ, kon bơngai kơtĕch jơhngơ̆m năm tơ yơ?

Yo 8:49

Yêsu khan: “Inh ưh kơ đei yang mơ̆t ôh. Inh pơư pơang anăn 'Bă Inh ră, na iĕm nŏng kơ pơma pơjăm pơjuă Inh.