I Kor 15:4 - Sơ̆p Hlabơar Nơ̆r 'Bok Kei-Dei

⁴ Đe 'bŭ Sư; kơtĕch pêng năr Sư iung arih dơ̆ng 'blep thoi đe chih khan lê̆ hơdrol boih lăm sơ̆p hla bơar 'Bok Kei-Dei tơpă.

I Kor 15:4 Referans Kwoze

Hôsia 6:2

Đơ̆ng rŏng kơ 'bar năr Sư gô pơrih bơ̆n; truh năr mă pêng Sư gô tơiung bơ̆n, na bơ̆n gô arih 'bơ̆t anăp Sư.

Mathiơ 12:40

Jôna sơ̆ sư oei lăm klak ka tih pêng măng pêng năr, na Inh Kon Bơngai gô oei lăm trôm teh pêng măng pêng năr kư̆m thoi noh mơ̆n.

Jôna 1:17

Mă-lei Kră Yang hơmet lê̆ ka tih luăn Jôna. Jôna oei lăm klak ka pêng năr pêng măng.

Horiso 2:7

Inh gô roi tơblang nơ̆r tơtă mă Kră Yang khan kơ inh: “Ih boih kon inh; Năr âu inh pơjing ih.

Hêbrơ 13:20

'Bok Kei-Dei oei hăm bơ̆n, ăn kơ bơ̆n hiôk-hian. Sư tơiung arih Yŏng bơ̆n Yêsu Krist, 'Bok mă wei triu 'lơ̆ng rŏ tơpă, yua kơ 'Bok noh soi kơ 'Bok Kei-Dei pham Sư kơdih wă pơgơ̆p bơ̆n hăm 'Bok Kei-Dei ling-lang.

Rom 6:4

Đe pơm 'batem kơ bơ̆n tơmôch bơ̆n lăm đak, noh dang đe 'bŭ bơ̆n minh pôm bong hăm Sư boih. Na 'Bok Kei-Dei yua mơsêh mơyang Sư tơiung arih Yêsu Krist đơ̆ng lôch, noh wă khan bơ̆n đei tơdrong arih 'nao ưh pă kiơ̆ tơdrong so dơ̆ng.

Luka 24:46

Yêsu khan kơ lu sư: “Tơdrong đe chih lê̆ hơdrol noh sơ̆ thoi âu: 'Bok Krist gô đei tơdrong pơmat-tat na lôch, kơtĕch pêng năr Sư iung arih dơ̆ng.

Luka 24:26

Đe pơlôch 'Bok Krist thoi noh trŏ tơpă boih, na dang ei Sư iung arih wă tŏk tơ plĕnh ti pơgơ̆r.”

Luka 9:22

Na Sư khan dơ̆ng: “Inh Kon Bơngai gô đei tơdrong pơmat-tat. Lu đe kră dêh char Juđê, lu đe 'bok soi tih, lu thây bơtho tơdrong juăt đe Juđê kuă chu yom kơ Inh na athei đe pơlôch Inh. Mă-lei kơtĕch kơ pêng năr đơ̆ng rŏng kơnh 'Bok Kei-Dei gô tơiung arih Inh dơ̆ng.”

Kôlôsê 2:12

'Noh thoi đe pơm kơ bơ̆n 'batem tơmôch lăm đak, dang 'bŭ akâu bơ̆n hơdai Yêsu minh pôm bong. Bơ̆n iung đơ̆ng đak, kư̆m dang bơ̆n iung arih thoi Sư mơ̆n. Dang ei bơ̆n jing bơngai 'nao boih yua kơ bơ̆n lui păng gơnang kơ tơdrong mơsêh mơyang 'Bok Kei-Dei mă tơiung arih Sư đơ̆ng lôch noh.

Jang 17:31

yua kơ Sư pơkă năr boih wă kơ sek tơlang tơpăt kơ đĭ-đăng kon bơngai jơ̆p kơ teh đak. Sư rơih minh 'nu bơngai wă sek tơlang tơgŭm 'Bă Sư boih. Bơngai sek tơlang ei, anăn Sư Yêsu Krist. 'Bă Sư ăn kơ Sư lôch iung arih wă tơbăt kơ đĭ-đăng bơngai Yêsu gô sek tơlang kon bơngai tơpă.”

Jang 1:3

Đơ̆ng rŏng kơ Yêsu lôch tam mă tŏk tơ plĕnh noh Sư năm tơ'bôh akâu Sư tơ jơ̆ng 'bang Sư ei. Yêsu tơbăt kơ lu sư akâu Sư kơdih oei arih. Kơplah puăn-jĭt năr noh Sư tơ'bôh akâu păng bơtho lu sư gah tơdrong 'Bok Kei-Dei wă pơgơ̆r.

Markôs 9:31

kơlih kơ Sư bơtho lu bơngai pơhrăm păng Sư khan: “Đe gô rôp pơjao Inh Kon Bơngai tơ ti kon bơngai tơ ala teh âu. Lu đe ei boih pơlôch Inh. Lăp đe pơlôch Inh boih, kơtĕch pêng năr đơ̆ng rŏng Inh iung arih dơ̆ng.”

Mathiơ 20:19

păng jao Inh kơ lu bơngai dêh đe pơlôch. Lu dêh đe ei gô hiĕk achơ̆ kơ Inh păng teh tach pơjĭ Inh, klaih kơ noh sư pơ̆ng pơlôch hloi tơ 'long pơglang. Mă-lei kơtĕch pêng năr đơ̆ng rŏng Inh gô iung arih dơ̆ng.”

Mathiơ 16:21

Đơ̆ng năr noh boih Yêsu mă đe anăn 'Bok Krist, Sư roi kơ lu bơngai pơhrăm păng Sư khan: “Inh chu năm tơ Pơlei Jêrusalem, tơ ei kơnh lu đe kră sek tơlang, lu 'bok soi tih păng lu thây bơtho tơdrong juăt đe Juđê gô pơm kơ Inh lơ tơdrong kơnê̆ păng pơlôch hloi Inh. Mă-lei kơtĕch pêng năr đơ̆ng rŏng 'Bok Kei-Dei gô tơiung arih Inh dơ̆ng.”

I Pet 1:11

Yang Bơhngol 'Lơ̆ng Yêsu Krist oei hơdai hăm lu sư, ăn kơ lu sư jing bơngai khan lê̆ hơdrol gah tơdrong 'Bok Krist gô đei tơdrong pơmat, klaih kơ noh Sư gô pơgơ̆r đĭ-đăng. Mă-lei lu sư ưh kơ băt tơdrong noh wă truh layơ, sư thoi yơ, na lu sư adrin pơhrăm wă kơ băt tơdrong noh.

Yo 19:38

Đei minh 'nu bơngai đơ̆ng Pơlei Armơthê, anăn sư Yôsep, sư bơngai lui kơ Yêsu mơ̆n, mă-lei sư ôn tơdrong lui sư yua kơ sư hli kơ lu bơngai Juđê. Yôsep 'noh năm apinh Pilat wă iŏk 'bŭ atâu Yêsu. Pilat kư̆m ăn mơ̆n. Thoi noh sư iŏk atâu Yêsu.

Horiso 16:8

Inh 'măn Kră Yang ling-lang 'bơ̆t anăp inh; Inh ưh kơ đei hli kiơ, yua kơ Sư oei gah 'ma kơ inh.