I Kor 15:2 - Sơ̆p Hlabơar Nơ̆r 'Bok Kei-Dei

² Yua kơ tơdrong 'nao 'lơ̆ng 'nâu, na iĕm gơh klaih. Dang ei đĭ kơ iĕm hăm oei răk tơdrong 'nao 'lơ̆ng mă đêl inh bơtho kơ lu iĕm dah ưh? Tơ̆ng ưh, tơdrong lu iĕm lui ưh kơ đei yua kiơ ôh.

I Kor 15:2 Referans Kwoze

Hêbrơ 3:6

Mă Yêsu Krist Sư kư̆m jang trŏ thoi 'Bok Kei-Dei pơkă mơ̆n, mă Sư jang wei-lăng đĭ-đăng kơ hnam dơnŏ 'Bok Kei-Dei hloi, yua kơ Sư Kon 'Bok Kei-Dei. Lu bơ̆n, tơ̆ng bơ̆n oei lui kơjăp, bơ̆n kư̆m hnam dơnŏ Sư mơ̆n, dah bơ̆n oei gơnang kơ Sư tơgŭm bơ̆n khŏm khŏm.

Hêbrơ 2:1

Kơlih kơ thoi noh na dang ei bơ̆n kơtơ̆ng kơtăi boih dôm tơdrong đe bơtho, bơ̆n athei kơchăng 'biơ̆ hli kơ bơ̆n jrok trong nai dơ̆ng.

Hêbrơ 3:14

Tơdah bơ̆n lui kơjăp khŏm khŏm truh năr tôch, bơ̆n gô oei hơdai hăm Yêsu Krist ling-lang. Tơdah bơ̆n ưh kơ kiơ̆ Sư khŏm khŏm, bơ̆n ưh kơ gơh oei hơdai hăm Sư ôh.

II Tim 1:9

'Bok Kei-Dei pơklaih bơ̆n đơ̆ng tơdrong yoch. Sư krao iŏk bơ̆n wă kơ bơ̆n jing kon 'lơ̆ng tơpăt Sư. Sư krao bơ̆n ưh kơ sĭ bơ̆n pơm tơdrong 'lơ̆ng na Sư krao ôh, Sư krao bơ̆n yua kơ Sư 'mêm mơnat kơ bơ̆n. Đơ̆ng blŭng-a sơ̆ Sư tam mă pơjing plĕnh păng teh, đơ̆ng noh boih Sư 'mêm mơnat kơ bơ̆n wă ăn Yêsu Krist pơklaih bơ̆n.

Kôlôsê 1:23

Na iĕm kư̆ kơ lui mă kơjăp, lui khŏm khŏm na huay kơ achăng lê̆ tơdrong 'nao 'lơ̆ng Sư, tơdrong mă bơ̆n gô oei hiôk jơnap hăm 'Bok Kei-Dei. Iĕm kơtơ̆ng boih đe anăn tơdrong 'nao 'lơ̆ng; tơdrong 'nao 'lơ̆ng noh boih đe bơtho jơ̆p-jang kơ teh đak, na inh dang ei kư̆m bơtho tơdrong 'noh mơ̆n.

Êphêsô 2:8

Bơ̆n klaih đơ̆ng tơdrong yoch oei hiôk hăm 'Bok Kei-Dei, yua kơ 'Bok Kei-Dei 'mêm mơnat kơ bơ̆n na Sư pơklaih, yua kơ bơ̆n lui păng gơnang kơ Yêsu tơpă na Sư mơnat. Ưh kơ sĭ bơ̆n gơh klaih kơdih ôh, mă-lei tơdrong noh Sư ăn đĕch.

I Kor 1:18

Lu bơngai wă hiong răm, lu sư lăng tơdrong bơ̆n bơtho gah tơdrong Yêsu Krist lôch tơ 'long pơglang, lu sư lăng dang tơdrong kơtul đĕch. Mă-lei gah bơ̆n, bơ̆n băt tơpă tơdrong Yêsu lôch tơ 'long pơglang kăl dêh, noh tơdrong mơsêh mơyang 'Bok Kei-Dei pơklaih bơ̆n.

Ya 2:26

Na tơdrong lui bơ̆n, tơ̆ng bơ̆n ưh kơ pơm kiơ̆ kơ nơ̆r 'Bok Kei-Dei pơkă, ưh kơ yua kiơ ôh; bơ̆n kư̆m thoi akâu kon bơngai bơ̆n, ưh pă đei bơhngol, jing kơtĕch jơhngơ̆m lôch.

Ya 2:14

Ơ lu 'nhŏng oh inh, bơngai bu khan sư lui boih, mă-lei sư ưh kơ pơm kiơ̆ tơdrong 'lơ̆ng tơdrong trŏ, lui thoi sư noh ưh kơ yua kiơ ôh, sư ưh kơ klaih đơ̆ng tơdrong yoch 'Bok Kei-Dei wă phak ning-mônh ôh.

Hêbrơ 10:23

Bơ̆n athei wei mă kơjăp tơdrong mă bơ̆n chang sơmĕng ei, 'nĕ kơ lui pơngiĕl Sư. Yua kơ dôm nơ̆r Sư pơkă ưh kơ lah tŭk minh nơ̆r.

Luka 8:13

Lu găr mă huŏng tơ kơpal tơmo trêl wă pơtih gia kơ lu bơngai kơtơ̆ng đe bơtho tơdrong 'Bok Kei-Dei. Lu sư hưch hanh păng iŏk hloi mơ̆n. Kư̆m đei ră tơnơm 'ba mă-lei rơh sư chăt ưh kơ jrŭ, sư jing jô lôch hloi, 'noh wă khan lu sư đei ră đon lui mă-lei ưh kơ đunh lăp đei tơdrong pơlong lăng lu sư jing achăng lê̆.

Ya 2:17

Kư̆m thoi noh mơ̆n, bơngai bu khan sư lui boih, mă-lei sư ưh kơ pơm 'lơ̆ng pơm trŏ, sư lui thoi noh ưh kơ yua kiơ kơ sư.

Hêbrơ 4:14

Bơ̆n đei minh 'nu 'bok soi tih wei-lăng bơ̆n, Sư tŏk ưh kơ băt hơdôm tăl plĕnh, anăn Sư Yêsu Kon 'Bok Kei-Dei; noh na bơ̆n athei lui kơ Sư khŏm khŏm.

II Tes 2:15

Kơlih kơ thoi noh na iĕm athei adrin lui kơjăp khŏm khŏm 'nĕ kơ achăng dôm tơdrong 'Bok Kei-Dei mă nhôn bơtho iĕm, mă nhôn bơtho păng 'bơ̆r, mă nhôn bơtho lăm kơthơ.

Galati 3:4

Kơplah iĕm gơnang kơ Yêsu sơ̆ 'Bok Kei-Dei tơgŭm iĕm tôm tơdrong tơpă. Mă-lei dang ei iĕm pơm khan sơ̆ Sư ưh kơ tơgŭm iĕm dah kiơ? Dôm tơdrong noh Sư tơgŭm iĕm tơpă yơh.

II Kor 6:1

Kơlih kơ thoi noh na nhôn bơngai jang tơgŭm tơdrong 'Bok Kei-Dei, nhôn wă khan kơ iĕm thoi âu: Iĕm sơng iŏk Yêsu Krist boih, iĕm 'nĕ kơ pơ'mêm tŭk Sư kư̆ kă;

Rom 1:16

Tơdrong 'nao 'lơ̆ng Yêsu Krist kăl tơpă na inh bơtho đe ưh kơ mơlâu. Tơdrong noh tơbăt ăn kơ bơ̆n 'Bok Kei-Dei mơsêh mơyang tơpă pơklaih bơ̆n đơ̆ng tơdrong yoch na ăn kơ bơ̆n oei hiôk hăm Sư. Thoi noh dôm lu bơngai lui kơ tơdrong noh 'Bok Kei-Dei pơklaih ngăl. Lu bơngai Juđê lui hơdrol, đơ̆ng noh lu bơngai nai lui.

Tơdrông Pơđơk 4:13

Rôp kơjăp bĕ tơdrong bơtho khan, 'nĕ kơ achăng lê̆; Bơwei sư, yua kơ noh boih tơdrong arih ih.

Tơdrông Pơđơk 3:1

Ơ dăm, 'nĕ kơ hiơt ôh tơdrong Inh bơtho khan; Răk bĕ tơdrong Inh tơtă lăm jơhngơ̆m ih.

II Kor 2:15

Nhôn bơtho đe dang lĕ tơmam 'bâu phu Yêsu Krist soh pơyơ̆r kơ 'Bok Kei-Dei, wă kơ đĭ rim 'nu bơngai mă 'Bok Kei-Dei wă iŏk, hăm lu bơngai mă wă hiong răm 'bâu tôm.

I Kor 15:14

Dah Yêsu Krist ưh kơ iung arih đơ̆ng lôch, thoi noh tơdrong nhôn bơtho jing tơdrong kơđei păng bơ̆n ưh kơ gơh gơnang kơ Yêsu ôh.

I Kor 1:21

'Bok Kei-Dei hơgei tơpă, na Sư ưh kơ wă kơ kon bơngai bơ̆n chă Sư kiơ̆ kơ đon kon bơngai bơ̆n tơchĕng ôh. 'Bok Kei-Dei Sư lăp đon gah tơdrong dŏng pơklaih dôm lu bơngai mă lui kơ Yêsu lôch tang bơ̆n tơ 'long pơglang. Mă-lei lu bơngai mă ưh kơ lui, lu sư tơchĕng tơdrong bơ̆n bơtho 'noh nhen lĕ tơdrong kơtul đĕch.

Rom 11:22

'Bok Kei-Dei 'mêm tơpă kơ kon bơngai, mă-lei Sư kư̆m hil kơ kon bơngai mơ̆n. Sư hil kơ lu bơngai mă kuă kơ lui kơ Sư. Gah lu iĕm Sư ưh kơ hil ôh yua kơ iĕm oei lui păng gơnang kơ Sư tơpă. Dah iĕm kuă kơ lui, Sư kư̆m chre hŭt dơng iĕm mơ̆n.

Jang 8:13

Simôn kư̆m lui mơ̆n păng iŏk 'batem. Klaih kơ noh sư oei păng Philip ling-lang. Sư 'bôh tơdrong mơsêh mơyang đơ̆ng 'Bok Kei-Dei ăn kơ Philip pơm, na sư sơleng kơ đon ưh kơ băt thoi yơ dơ̆ng.

Jang 2:47

Lu sư bơnê kơkuh kơ 'Bok Kei-Dei. Lu kon tơring tơrang kư̆m hơiă kơ lu sư. Rim năr đei bơngai lui na Kră Yang pơklaih lu sư păng tơmơ̆t lu đe noh tơ lăm khŭl bơngai lui.

Tơdrông Pơđơk 23:23

Răt bĕ tơdrong sĭt tơpă, 'nĕ kơ tĕch lê̆. Iŏk tơdrong hơgei wei nơ̆r bơtho pơhrăm păng hlôh wao,

I Kor 11:2

Inh bơnê kơ iĕm tơpă yua kơ iĕm 'blŏk hơdơ̆r kơ inh ling-lang lăm tôm tơdrong păng iĕm kư̆m kiơ̆ dôm tơdrong juăt bơngai lui mă inh bơtho đơ̆ng sơ̆.