I Kor 15:15 - Sơ̆p Hlabơar Nơ̆r 'Bok Kei-Dei

¹⁵ Dah ưh kơ đei bu iung arih đơ̆ng lôch, thoi noh 'Bok Kei-Dei kư̆m ưh kơ tơiung arih Yêsu Krist ôh păng lu nhôn dang lĕ bơngai pơm kơdranh hơlĕnh kơ 'Bok Kei-Dei đĕch, yua kơ nhôn khan 'Bok Kei-Dei tơiung arih Yêsu Krist đơ̆ng lôch boih.

I Kor 15:15 Referans Kwoze

Jang 2:24

Mă-lei 'Bok Kei-Dei kuă ăn Sư lôch răm na pơklaih Sư đơ̆ng tơdrong 'noh, ăn Sư iung arih dơ̆ng, yua kơ Sư ưh kơ đei lôch ling-lang ôh. Đe ưh kơ gơh rôp pơkơ̆ng Sư lăm tơdrong lôch ôh.

I Kor 15:13

Dah ưh kơ đei bu gơh iung arih, lei Yêsu Krist kư̆m ưh kơ đei iung arih ôh.

I Kor 15:20

Mă tơpă 'Bok Kei-Dei tơiung arih Yêsu Krist boih, thoi noh bơ̆n băt 'Bok Kei-Dei kư̆m wă tơiung arih lu bơ̆n mơ̆n. Pơtih gia, Yêsu Krist thoi lĕ 'ba hrôih kơ lu bơngai mă lôch boih.

Jang 4:33

Lu bơngai jơ̆ng 'bang Yêsu roi kơ đe lu sư 'bôh Yêsu iung arih boih. Lu sư kư̆m gơh pơm tơdrong mơsêh mơyang mơ̆n đơ̆ng Yêsu ăn kơ lu sư gơh tơgŭm đe. Păng 'Bok Kei-Dei kư̆m tơgŭm lu sư lăm tôm tơdrong mơ̆n.

Jang 2:32

“Bơngai Yêsu mă nhôn bơtho âu, 'Bok Kei-Dei tơiung arih Sư đơ̆ng lôch boih. Nhôn 'bôh Sư iung arih tơpă.

Le 23:3

Ih kư̆m ưh kơ gơh mơ̆t bơngai dơnuh tơdah wă sek tơlang kơ sư.

Jang 20:21

Inh bơtho bơngai Juđê hăm bơngai nai lei-lăi đĕch mơ̆n, khan kơ sư athei tơbral kơdih tơdrong yoch sư, na brŏk tơ 'Bok Kei-Dei păng lui kơ Kră Yang bơ̆n Yêsu Krist.

I Kor 15:16

Dah ưh kơ đei bu gơh iung arih đơ̆ng lôch, thoi noh Yêsu Krist kư̆m ưh kơ gơh iung arih đơ̆ng lôch mơ̆n.