I Kor 15:12 - Sơ̆p Hlabơar Nơ̆r 'Bok Kei-Dei

¹² Thoi noh dah nhôn bơtho khan Yêsu Krist iung arih đơ̆ng lôch, lei lơliơ lăm lu iĕm mơ'nah khan ưh kơ đei bu gơh iung arih đơ̆ng lôch?

I Kor 15:12 Referans Kwoze

Jang 26:8

Ơ lu bơngai Juđê, yua kơ kiơ lu iĕm ưh kơ tơchĕng lui kơ 'Bok Kei-Dei tơiung arih kon bơngai đơ̆ng lôch?

Jang 17:32

Lăp lu bơngai Aten kơtơ̆ng Pôl bơtho thoi noh gah bơngai lôch iung arih noh, lu mơ'nah hiĕk kơ sư. Mă-lei đei lu mơ'nah khan kơ sư thoi âu: “Gô layơ dơ̆ng nhôn mơ̆ng ih bơtho tơdrong âu.”

II Tim 2:18

Thoi noh na bre sư tŭk lê̆ tơdrong 'Bok Kei-Dei. Bre sư kư̆m pơma pơtuah lu bơngai lui mơ'nah jing achăng lê̆ tơdrong lui mơ̆n. Bre sư bơtho ưh kơ trŏ gah tơdrong bơ̆n wă iung arih ning-mônh, bre sư khan bơ̆n ưh kơ iung arih đơ̆ng lôch ôh.

Jang 23:8

Đơ̆ng sơ̆ lu bơngai Pharisi khan kon bơngai gô iung arih đơ̆ng lôch ning-mônh. Na lu bơngai Sađusê khan ưh. Lu bơngai Pharisi khan đei linh jang 'lơ̆ng păng lu yang nai. Lu bơngai Sađusê khan ưh kơ đei ôh, đei 'Bok Kei-Dei đĕch. Yua kơ thoi noh na lu sư pơjah dih băl.

II Tes 2:17

Nhôn krao khan apinh Sư ăn kơ jơhngơ̆m iĕm hiôk chơt ling-lang păng ăn kơ iĕm nuih pran gơh pơm tôm tơdrong 'lơ̆ng tơpăt, nơ̆r pơma kư̆m athei pơma ling-lang mă tơpăt.

I Kor 15:11

Dôm tơdrong inh 'nao bơtho iĕm hei gah tơdrong Yêsu Krist iung arih đơ̆ng lôch, dôm lu nhôn bơngai jơ̆ng 'bang, mă inh, mă lu sư, tơdrong bơtho lu nhôn lei-lăi đĕch păng tơdrong lui iĕm kư̆m lei-lăi thoi noh mơ̆n.