I Kor 14:8 - Sơ̆p Hlabơar Nơ̆r 'Bok Kei-Dei

⁸ Pơtih gia kơ khŭl linh tơblah, tơdah bơngai mă chĕp keng hlôm ưh kơ tơdra kơ đe nai băt, lei thoi yơ bôl gơh kơchăng kơ tơdrong tơblah?

I Kor 14:8 Referans Kwoze

Jo 10:9

Layơ lăm dêh iĕm đei tơdrong lu iĕm wă năm blah lu ayăt dah ayăt năm blah iĕm, lei lu iĕm athei hlôm keng re pơtĕnh, Kră Yang 'Bok Kei-Dei gô 'blŏk kơ lu iĕm păng lu iĕm gô klaih đơ̆ng ti lu bơngai ayăt.

Je 4:19

Ô! Răm, inh chhŭr nuih, inh jĭ lăm jơhngơ̆m, jơhngơ̆m inh rŭng răng, ô plei nuih inh 'bôm dĕnh, inh ưh pă kĕ chơ̆n boih. Inh kơtơ̆ng đe hlôm keng roi tơbăt, tơdrong ôr tơblah wă truh.

Am 3:6

Dah đe hlôm keng lăm pơlei tih, hăm trŏ lu kon pơlei hli? Tơdah Kră Yang ưh kơ đei pơm lei hăm đei tơdrong truh kơ pơlei noh ưh?

Jôel 2:1

Hlôm bĕ keng tơ lăm pơlei Siôn, hlôm tơgiĕp krao bĕ wă kơ đe kơchăng tơ kông rơgoh Inh! Đĭ-đăng kon pơlei hli tơtơ̆ bĕ, yua kơ wă jê̆ truh năr Kră Yang wă phak. Tơpă năr Kră Yang wă jê̆ truh.

Êsai 27:13

Lăm năr noh đe gô hlôm tơgiĕp re tih: Kơplah noh lu bơngai wơ̆l jrok lăm dêh Asiri păng lu bơngai pơm đĭch đam đơ̆ng Êyiptơ, gô brŏk kơkuh 'bơ̆t anăp Kră Yang tơ kơpal kông rơgoh 'lơ̆ng tơ pơlei Jêrusalem.

I Kor 14:7

Pơtih gia tơdrong bơ̆n hlôm tơgiĕp dah reh brŏ, tơdah bơ̆n hlôm dah reh na re atŏ hloi, lei ưh kơ đei bu băt bơ̆n wă hlôm dah reh tơdrong kiơ ôh.