I Kor 13:10 - Sơ̆p Hlabơar Nơ̆r 'Bok Kei-Dei

¹⁰ Mă-lei ning-mônh đĭ-đăng kơ bơ̆n gô hlôh wao tôm tơdrong, thoi noh na bơ̆n ưh pă kăl kơ đe bơtho bơ̆n dơ̆ng.

I Kor 13:10 Referans Kwoze

I Kor 13:12

Dang ei bơ̆n băt tơdrong 'Bok Kei-Dei ưh kơ nhên ôh, mă-lei ning-mônh bơ̆n gô băt nhên tơpă, kư̆m thoi bơ̆n lăng muh măt đe tơ lăm amĭl mam ưh kơ gan nhên, mă-lei dah bơ̆n lăng tơklă muh măt sư bơ̆n gô băt nhên tơpă yơh. Tơdrong 'Bok Kei-Dei dang ei inh kư̆m ưh kơ hlôh tôm ôh, mă-lei ning-mônh inh gô hlôh tôm, kư̆m thoi 'Bok Kei-Dei hlôh tôm tơdrong inh dang ei mơ̆n.

Êsai 24:23

Măt khei gô ưh pă hơđơ̆ng, măt 'năr gô kơdơ̆, Kră Yang Tih Hloh gô pơgơ̆r kơpal kông Siôn, tơ pơlei Jêrusalem păng tơdrong ư-ang rang mơnhal sư gô pơdah 'bơ̆t anăp lu đe kră.

I Kor 13:9

Dang ei lu buăl bơ̆n mơ'nah 'Bok Kei-Dei ăn kơ lu sư gơh hlôh wao tơdrong Sư, wă kơ chă năm bơtho đe; păng lu buăl bơ̆n mă Sư ăn pơtruh nơ̆r Sư, lu sư hlôh wao hloh kơ bơ̆n tơpă, na sư gơh bơtho ăn kơ bơ̆n.

I Kor 13:11

Inh pơma pơtih gia kơ tơdrong noh thoi âu: Kơplah inh oei 'lơ̆p sơ̆, inh pơma thoi lu hơ'lơ̆p, đon inh hlôh wao thoi đon tơduă hơ'lơ̆p, mă-lei truh inh kră boih inh ưh pă kăl kơ tơdrong hơ'lơ̆p dơ̆ng.

Philip 3:12

Mă-lei tôm tơdrong inh ưh tam mă pơm 'blep thoi 'Bok Kei-Dei ôh. Mă-lei lăm jơhngơ̆m klơm klak inh adrin tôch bơneh thoi bơngai kơdâu pơjei ră. Inh adrin khŏm khŏm wă kơ pơm tôm tơdrong đêl Yêsu pơkă kơ inh kơplah Sư iŏk inh sơ̆.