I Kor 12:6 - Sơ̆p Hlabơar Nơ̆r 'Bok Kei-Dei

⁶ 'Bok Kei-Dei ăn kơ Yang Bơhngol 'Lơ̆ng Sư gơh tơgŭm bơ̆n phara tơdrong hơgei, mă-lei lăp minh 'nu 'Bok Kei-Dei đĕch gơh tơgŭm đĭ-đăng kơ bơ̆n lăm tôm tơdrong.

I Kor 12:6 Referans Kwoze

I Kor 12:11

Đei minh 'nu Yang Bơhngol 'Lơ̆ng đĕch ăn kơ bơ̆n tôm tơdrong hơgei 'noh, Sư asong kơ rim 'nu bơngai bu kiơ̆ kơ Sư wă.

I Kor 3:7

Thoi noh bơ̆n ưh kơ gan kăl ôh kơ bơngai mă pơtăm păng pruih đak 'noh, bơ̆n kăl pôm 'Bok Kei-Dei đĕch ăn kơ tơmam noh gơh wơ̆ tih.

Yo 5:17

Yêsu khan kơ lu bơngai Juđê ei thoi âu: “'Bă Inh oei jang ling-lang truh dang ei ưh kơ đei pơdơh na Inh athei jang lei-lăi thoi Sư mơ̆n.”

Kôlôsê 3:11

Đĭ-đăng kơ bơ̆n dang minh khŭl bơngai đĕch; mă bơngai Grĕk, mă bơngai Juđê, mă bơngai kăt tơdra akar, mă bơngai ưh, mă bơngai tơmoi, mă bơngai pơlei kơtă, mă bơngai đĭch đe, mă bơngai rơngei, Yêsu Krist pơgơ̆r đĭ-đăng, hăm oei hơdai đĭ rim khŭl bơngai 'noh.

Êphêsô 4:6

Kră Yang bơ̆n kư̆m lăp minh 'nu 'Bok Kei-Dei đĕch, Sư 'Bă tơm kơ đĭ-đăng. Sư boih tih hloh, Sư pơgơ̆r đĭ-đăng kơ bơ̆n, tơgŭm đĭ-đăng kơ bơ̆n, oei hơdai đĭ-đăng kơ bơ̆n.

Hêbrơ 13:21

Na inh apinh 'Bok Kei-Dei oei păng iĕm, ăn kơ iĕm tôm tơdrong hiôk chơt, wă kơ iĕm gơh jang trŏ thoi Sư wă, Sư ăn kơ Yêsu Krist jang lăm jơhngơ̆m đon lu bơ̆n tôm tơdrong thoi Sư lăp đon, trŏ kơ bơ̆n ư-ang Sư ling-lang ưh kơ layơ tôch. A-men.

Kôlôsê 1:29

Inh gơnang kơ Yêsu Krist, na mă inh đei tơdrong anat anot dang ei, Sư ăn kơ inh jơhngơ̆m pran oei adrin jang tôch bơneh tơdrong Sư khŏm khŏm.

Philip 2:13

Tơdrong noh 'Bok Kei-Dei hơmet lăm jơhngơ̆m iĕm, tơgŭm iĕm pơm kiơ̆ 'blep thoi Sư wă.

I Kor 15:28

'Bok Kei-Dei ăn kơ Kon Sư pơgơ̆r tôm tơdrong đang boih, na Kon Sư pơjao ăn kơ 'Bă Sư pơđĭ tôm tơdrong păng ăn kơ 'Bă Sư pơgơ̆r akâu Sư hai.

Jop 33:29

Tơpă Kră Yang 'Bok Kei-Dei pơm tơdrong noh. Kơ kon bơngai kơ băt hơdôm 'măng.

I Kor 12:5

Rim 'nu kơ bơ̆n đei phara tơdrong jang, mă rim tơdrong jang bơ̆n tă jang tơdrong Kră Yang Yêsu Krist ngăl.