I Kor 12:3 - Sơ̆p Hlabơar Nơ̆r 'Bok Kei-Dei

³ Na inh wă roi ăn kơ iĕm dang ei thoi âu: Bơngai bu gơnang kơ Yang Bơhngol 'Lơ̆ng tơgŭm ăn kơ Sư pơma, bơngai 'noh sư ưh kơ đei layơ wă pơjăm pơjuă Yêsu ôh. Păng dôm lu bơngai mă krao Yêsu Kră Yang sư, sư pơma thoi noh yua kơ Yang Bơhngol 'Lơ̆ng bơtho sư pơma thoi noh. Bơngai bu ưh kơ đei Yang Bơhngol 'Lơ̆ng, bơngai 'noh sư ưh kơ đei layơ pơma thoi noh ôh.

I Kor 12:3 Referans Kwoze

II Kor 3:5

Dôm tơdrong noh ưh kơ sĭ đơ̆ng akâu nhôn gơh pơm ôh, yua kơ akâu nhôn kơdih ưh kơ gơh pơm minh tơdrong kiơ. Tôm tơdrong lu nhôn gơh pơm noh đơ̆ng 'Bok Kei-Dei ăn ngăl.

Rom 10:9

'Noh wă khan dah 'bơ̆r bơ̆n ră roi kơ đe khan bơ̆n lui kơ Yêsu Krist Kră Yang bơ̆n, noh jơhngơ̆m đon bơ̆n lui kơ 'Bok Kei-Dei tơiung arih Yêsu đơ̆ng lôch boih, dôm noh đĕch bơ̆n klaih boih đơ̆ng tơdrong yoch.

Yo 13:13

Iĕm krao Inh 'Bok Thây iĕm păng Yŏng iĕm. Iĕm krao Inh thoi noh bưh mơ̆n yua kơ Inh 'Bok Thây iĕm păng Yŏng iĕm tơpă.

I Kor 8:6

Gah lu bơ̆n, bơ̆n đei minh 'nu Kră Yang 'Bok Kei-Dei đĕch Tơ'ngla 'Bă tơm lu bơ̆n. Sư boih pơjing tôm tĕch tơdrong, Sư ăn lu bơ̆n arih wă jang tơdrong Sư. Păng bơ̆n đei minh 'nu Yŏng mơ̆n anăn Sư Yêsu Krist. Sơ̆ 'Bok Kei-Dei yua Sư pơjing tôm tơdrong na dang ei bơ̆n arih yua kơ đơ̆ng Sư.

Yo 15:26

“'Bok Dŏng Mơnat gô truh tơ iĕm, anăn Sư Yang Bơhngol 'Lơ̆ng. Sư tơbăt ăn kơ iĕm tơdrong 'Bok Kei-Dei. Sư gô jur đơ̆ng 'Bă Inh yua kơ Inh wơh Sư đơ̆ng anih 'Bă Inh; na Sư gô bơtho tơdrong Inh.

Mathiơ 22:43

Yêsu khan dơ̆ng kơ lu sư: “Trŏ mơ̆n mă-lei liơ Yang Bơhngol 'Lơ̆ng athei Đawit krao kơ 'Bok Krist Yŏng Kơdră sư na Đawit khan sơ̆ thoi âu:

Markôs 9:39

Mă-lei Yêsu khan: “'Nĕ pă khă sư, yua kơ bơngai mă gơnang kơ Inh tơgŭm sư pơm tơdrong mơsêh mơyang, kơplah noh sư ưh kơ bâu roi Inh ôh.

I Kor 16:22

Bơngai bu ưh kơ 'mêm kơ Kră Yang Yêsu, bơngai 'noh sư đei tơdrong 'Bok Kei-Dei wă phak sư. Ơ Kră Yang Yêsu, jur bĕ, dah jur tơ nhôn.

Both 21:23

atâu sư 'nĕ kơ lê̆ kơpal gơ̆ng 'long noh truh minh măng, athei 'bŭ lăm năr noh hloi, yua bơngai đe hrek atol noh Kră Yang 'Bok Kei-Dei hiap pơtê̆ boih, na iĕm 'nĕ kơ pơm 'mê̆-'mach kơ teh đak iĕm mă Kră Yang 'Bok Kei-Dei ăn kơ iĕm jang sa.

II Kor 11:4

Yua kơ inh băt kơ iĕm bơngai 'bônh kơ put đe, inh hli kơ đe bơtho iĕm tơdrong Yêsu Krist ưh pă thoi inh bơtho, mă iĕm wă lui hloi; đe bơtho iĕm tơdrong nai, ưh kơ thoi tơdrong Yang Bơhngol 'Lơ̆ng bơtho mă iĕm sơng iŏk sơ̆, mă iĕm wă mơ̆ng hloi; đe khan wă bơtho iĕm tơdrong 'nao 'lơ̆ng mă tơdrong noh ưh pă thoi iĕm lui sơ̆, mă iĕm wă chu hloi.

Rom 9:3

Inh 'mêm ră kơ lu bơngai Isơrael tă kơ 'nhŏng oh inh ngăl. Đon inh hơdơ̆r kơ lu sư lui kơ Yêsu Krist đĭ, lê̆ kơ inh ưh, pŭ dôm tơdrong phak lu sư ning-mônh.

Tơdrông Tơ'bôh 1:10

Đei minh năr, mă năr giĕng kơkuh kơ Kră Yang, na Yang Bơhngol 'Lơ̆ng tơ'bôh kơ inh tơdrong hlĭch. Inh kơtơ̆ng tơ rŏng inh nhen đei nơ̆r pơma re jơwa thoi đe hlôm keng

Galati 3:13

Bơ̆n ưh kơ kĕ ôh kiơ̆ tôm tơdrong juăt 'Bok Kei-Dei, na trŏ yơh kơ 'Bok Kei-Dei wă phak bơ̆n, mă-lei Yêsu Krist dŏng pơklaih bơ̆n wă huai iŏk bơ̆n đơ̆ng tơdrong yoch wă kơ 'Bok Kei-Dei huay kơ phak bơ̆n. Sơ̆p hla bơar 'Bok Kei-Dei khan boih thoi âu: “Kon bơngai bu pơm yoch na tơduă kon bơngai phak pơlôch bơngai mă pơm yoch noh atol sư tơ kơpal 'long, 'Bok Kei-Dei kư̆m wă kơ phak bơngai mă pơm yoch noh tơpă mơ̆n.” Na Yêsu lôch tơ 'long pơglang kư̆m trŏ kơ phak thoi noh yua kơ tơdrong yoch bơ̆n.

Yo 13:14

Inh 'Bok Thây iĕm păng Yŏng iĕm, mă-lei Inh ôp jơ̆ng iĕm dang Inh pơm đĭch iĕm đĕch, mă iĕm athei ôp dih băl jơ̆ng iĕm.

Horiso 109:20

Rŏ kơ Kră Yang pơm 'mong thoi noh kơ lu bơngai mă pơm kơnê̆ kơ inh. Păng lu bơngai mă pơma kơnê̆ kơ bơhngol inh.

Jang 8:37

Philip khan: “Dah ih lui hăm đĭ jơhngơ̆m klơm klak ih, gơh mơ̆n pơm.” Na bơngai pơm tih ei khan: “Inh lui kơ Yêsu Krist Kon 'Bok Kei-Dei.”