I Kor 11:23 - Sơ̆p Hlabơar Nơ̆r 'Bok Kei-Dei

²³ Tơdrong sa et 'blŏk hơdơ̆r kơ Yêsu 'noh, inh kơtơ̆ng đơ̆ng tơ'ngla Yêsu Krist tơpă păng inh kư̆m roi ăn boih kơ iĕm tơdrong 'noh đơ̆ng sơ̆ thoi âu: Măng đe wă rôp Yêsu sơ̆, tơ'ngla Kră Yang Yêsu Krist iŏk 'bĕng mi,

I Kor 11:23 Referans Kwoze

I Kor 15:3

Inh bơtho kơ iĕm sơ̆ tơdrong mă kăl dêh đêl Kră Yang Yêsu Krist ăn kơ inh, khan 'Bok Krist lôch yua kơ tơdrong yoch bơ̆n 'blep thoi đe chih khan lê̆ hơdrol boih lăm sơ̆p hla bơar 'Bok Kei-Dei.

I Tes 4:2

Iĕm băt boih dôm tơdrong Kră Yang Yêsu ăn kơ nhôn wă kơ nhôn bơtho iĕm.

Both 4:5

Inh đei bơtho lu iĕm lu nơ̆r tơtă păng khôi juăt Kră Yang 'Bok Kei-Dei inh tơtă boih kơ inh, wă kơ lu iĕm pơm kiơ̆ mưh iĕm mơ̆t oei boih tơ lăm dêh char noh.

Mathiơ 28:20

Bơtho kơ lu sư pơm kiơ̆ tôm tơdrong Inh đei pơkă kơ lu iĕm. Inh oei hơdai hăm lu iĕm ling-lang truh năr tôch ning-mônh.”

Galati 1:1

Inh Pôl chih hơpong kơ lu bơngai lui tơ dêh char Galati. Jet gia 'nhŏng oh. Lu 'nhŏng oh bơngai lui tơ inh âu kư̆m đei nơ̆r jet gia kơ iĕm mơ̆n. Inh pơm jơ̆ng 'bang Yêsu Krist yua kơ Sư ăn inh pơm jơ̆ng 'bang Sư. 'Bă Sư 'Bok Kei-Dei tơiung arih Sư đơ̆ng lôch păng Sư kư̆m ăn kơ inh pơm jơ̆ng 'bang Yêsu mơ̆n. Ưh kơ sĭ kon bơngai ăn kơ inh ôh. Ưh kơ sĭ kon bơngai pơtruh ăn kơ inh nơ̆r 'Bok Kei-Dei athei inh pơm jơ̆ng 'bang Yêsu ôh, inh kơtơ̆ng đơ̆ng Sư đĕch khan kơ inh.

Jang 20:7

Kơsơ̆ năr mă mônh lăm giĕng nhôn akŭm wă kơkuh kơ 'Bok Kei-Dei păng sŏng sa hơpong dih băl. Na Pôl bơtho lu bơngai akŭm ei tơdrong 'Bok Kei-Dei. Sư bơtho đunh tơpă khŏm khŏm truh tơ mơjĭt-'bar jơ kơmăng, yua kơ sư wă tơklah dih băl năr dơning na nhôn athei ngôi hơpong dih băl mă hrăp.

Mathiơ 26:34

Yêsu khan kơ Pêtrôs: “Inh khan kơ ih tơpă, măng kơnh boih hơdrol kơ iĕr ŏ, ih gô sơngah kơ Inh pêng 'măng khan ih ưh kơ băt kơ Inh.”

Mathiơ 26:17

Đe juăt kơ pơm giĕng sa 'Bĕng Mi Ưh Kơ Đei 'Buih Pông tơhngam năr. Na năr mă mônh lăm giĕng noh đe kư̆m juăt kơ sa Giĕng Năm Brih. Na trŏ kơ năr noh lu bơngai pơhrăm păng Yêsu năm jet Sư: “Ih wă kơ nhôn hơmet kơ Ih tơmam sa Giĕng Năm Brih tơ yơ?”

Mathiơ 26:2

“Iĕm băt mơ̆n oei pă 'bar năr truh kơ năr đe pơm Giĕng Năm Brih. Na đe wă rôp jao Inh Kon Bơngai ăn kơ đe pơ̆ng pơlôch tơ 'long pơglang.”

Luka 22:17

Klaih kơ noh Yêsu iŏk minh pôm kơchŏk đak hơmu, krao khan bơnê kơ 'Bok Kei-Dei na khan: “Iĕm iŏk kơchŏk đak hơmu âu asong dih băl huch.

I Kor 10:16

Kơplah năr bơ̆n akŭm krao khan 'blŏk hơdơ̆r gah tơdrong Yêsu, bơ̆n iŏk kơchŏk đak hơmu huch, 'noh dang bơ̆n huch pham Yêsu; păng bơ̆n iŏk phĕ sa 'bĕng mi, 'noh dang bơ̆n iŏk sa akâu Sư.

Kôlôsê 3:24

Tơdrong iĕm jang gô đei sa apah, ưh kơ sĭ iĕm jang hoh hoh đĕch ôh. Iĕm jang tơdrong Yŏng bơ̆n Yêsu Krist na Sư gô ăn kơ iĕm dôm tơdrong hiôk 'lơ̆ng mă Sư wă ăn kơ dôm lu kon 'Bok Kei-Dei.