I Kor 10:32 - Sơ̆p Hlabơar Nơ̆r 'Bok Kei-Dei

³² Mă tôm tơdrong bơ̆n jang pơm tơdrong kiơ bơ̆n athei kơchăng hŏ, hli kơ bơ̆n pơơh đe, mă sư bơngai Juđê, mă sư bơngai dêh nai, mă tơduă bơngai lui kơ 'Bok Kei-Dei.

I Kor 10:32 Referans Kwoze

I Kor 10:33

Gah inh ling-lang pơm 'lơ̆ng tơpăt wă kơ đĭ-đăng bơngai lăp đon kơ inh lăm tôm tơdrong. Inh ưh kơ wă tơchĕng tơgŭm gah akâu inh kơdih ôh, inh wă tơgŭm pơyua lu bôl buăl wă kơ lơ bơngai lui kơ Yêsu Krist na klaih đơ̆ng tơdrong yoch.

Jang 20:28

Na iĕm athei kơchăng akâu kơdih hăm wei-lăng đĭ-đăng lu bơngai lui. Yang Bơhngol 'Lơ̆ng ăn kơ iĕm wei-lăng bơngai lui kư̆m thoi lĕ bơngai wei-lăng triu sư. Lu bơngai lui, sư kon 'Bok Kei-Dei, yua Kon pôm Sư Yêsu lôch tuh pham tang kon bơngai yoch.

Rom 14:13

Bơ̆n băt tơdrong noh thoi noh boih, na bơ̆n 'nĕ pă chă sek tơlang dih băl khan bơngai yoch bơngai ưh, bơ̆n 'nĕ kơ pơm kơ sư hơwơ̆l hli kơ sư jing yoch.

II Kor 6:3

Nhôn ưh kơ đei pơm kơnê̆ kơ đe minh tơdrong kiơ, wă kơ đe huay kơ pơjăm tơdrong jang nhôn.

I Kor 8:13

Dah inh sa tơmam đe sơmah kơ yang, na 'nhŏng oh bơ̆n hơdai sa kiơ̆ inh, lei tơdrong yoch noh yua kơ inh, na ning-mônh inh ưh pă layơ wă sa dôm tơmam đe sơmah kơ yang dơ̆ng boih.

Jang 24:16

Inh ling-lang adrin wă kơ đei jơhngơ̆m 'lơ̆ng 'bơ̆t anăp 'Bok Kei-Dei hăm kon bơngai.

I Tim 3:15

Dah inh ưh kơ yĕng năm, inh chih kơthơ âu boih wă kơ ih băt bơ̆n 'nhŏng oh bơngai lui wă pơm thoi yơ lăm hnam 'Bok Kei-Dei. Bơ̆n bơngai lui jing kon Kră Yang 'Bok Kei-Dei. Sư boih arih ling-lang ưh kơ đei layơ lôch, na lu bơ̆n bơngai lui mă răk tơdrong 'Bok Kei-Dei kơjăp, trŏ kơ bơ̆n bơtho tơdrong Sư kơ đe nai dơ̆ng.

I Kor 11:22

Dah iĕm wă sa et tơmam iĕm kơdih kuă kơ asong đe, lei iĕm kuă kơ kiơ kơ sa et tơ hnam iĕm kơdih? Kơlih kơ kiơ iĕm wă pơm kơnê̆ tơ lăm hnam 'Bok Kei-Dei păng wă pơjăm lu bơngai dơnuh? Inh 'nao pơma kiơ kơ iĕm dang ei hei, iĕm pơm thoi noh iĕm tơchĕng inh lăp đon kơ iĕm hă? Ưh ôh, inh ưh kơ lăp đon kơ iĕm ôh.

I Tim 3:5

Tơdah sư ưh kơ gơh pơgơ̆r hnam dơnŏ kon akăn sư, thoi yơ sư gơh wei-lăng kon 'Bok Kei-Dei lĕ?

I Kor 1:2

chih hơpong kơ lu 'nhŏng oh bơngai lui tơ pơlei iĕm Kôrintô. 'Bok Kei-Dei rơih iŏk iĕm jing kon Sư, iĕm jing bơngai tơpăt yua kơ iĕm lui kơ Yêsu Krist, noh kư̆m thoi lĕ đĭ-đăng bơngai mă krao khan kơ Yŏng bơ̆n Yêsu Krist jơ̆p kơ anih; Sư Kră Yang đĭ-đăng kơ bơ̆n.

I Kor 7:17

Rim 'nu kơ bơ̆n athei pơm kiơ̆ gô mơ̆ng kơ 'Bok Kei-Dei asong. Sơ̆ 'Bok Kei-Dei krao bơ̆n lui kơ Sư kơplah bơ̆n oei pơm đĭch đe dah bơngai rơngei dah bơngai thoi yơ, bơ̆n athei kiơ̆ tơdrong 'noh đĕch. Inh bơtho tơ rim hnam akŭm thoi noh ngăl.

I Kor 12:28

'Bok Kei-Dei asong kơ lu bơngai lui tôm kơ bơngai jang kiơ̆ thoi âu: Mă mônh 'Bok Kei-Dei ăn bơngai pơm jơ̆ng 'bang Yêsu; mă 'bar Sư ăn bơngai pơtruh nơ̆r Sư; mă pêng Sư ăn bơngai bơtho tơdrong Sư; klaih kơ noh Sư ăn bơngai gơh pơm tơdrong mơsêh, bơngai gơh pơklaih đe jĭ jăn, đei bơngai gơh tơgŭm đe, đei bơngai gơh wei-lăng đe; Sư ăn kơ bơngai mơ'nah gơh pơma nơ̆r hlĭch wă ư-ang kơ 'Bok Kei-Dei.

I Kor 15:9

yua kơ inh bơngai jơ̆ng 'bang iĕ hloh kơ lu jơ̆ng 'bang nai. Inh ưh kơ hơnhŏ đe krao inh jơ̆ng 'bang Sư ôh, yua kơ inh đei pơrăm lu bơngai lui kơ 'Bok Kei-Dei.

II Kor 1:1

Inh Pôl bơngai mă 'Bok Kei-Dei rơih pơm jơ̆ng 'bang Yêsu Krist, na nhi oh bơ̆n Timôthê chih hơpong kơ lu 'nhŏng oh bơngai lui tơ pơlei iĕm Kôrintô, lu mă 'Bok Kei-Dei rơih iŏk, hăm đĭ-đăng kơ lu kon 'Bok Kei-Dei jơ̆p kơ dêh Grĕk.

Galati 1:13

Iĕm kơtơ̆ng boih tơdrong arih inh thoi yơ sơ̆. Kơplah noh sơ̆ inh kiơ̆ tơdrong lu bơngai Juđê. Inh pơm kơnê̆ tơpă kơ lu bơngai lui kơ Kră Yang Yêsu Krist wă kơ tơdrong lui lu sư jah tôch.

Philip 3:6

Inh kư̆m pơm kơnê̆ kơ lu bơngai lui kơ Yêsu yua kơ inh ngêh kơ 'Bok Kei-Dei wă thoi noh tơpă; mă tơdrong juăt Môis inh ưh kơ pơm kơnê̆, pơm yoch ôh.

I Tes 2:14

Ơ 'nhŏng oh, đe pơm kơnê̆ kơ iĕm kư̆m thoi đe pơm kơnê̆ kơ lu bơngai lui kơ 'Bok Kei-Dei hăm Kon Sư Yêsu Krist tơ dêh char Juđê sơ̆. Lu bơngai khŭl iĕm pơm kơnê̆ tơduă khŭl iĕm kư̆m thoi lu bơngai Juđê pơm kơnê̆ tơduă khŭl lu sư sơ̆ kơ lu bơngai lui kơ Yêsu mơ̆n.

Ru 3:14

Thoi noh Rut tep 'bơ̆t jơ̆ng sư ei dĭng truh pơgê, 'Bôô khan: 'Nĕ ăn kơ bu băt minh 'nu drŏ-kăn năm tơ anih preh 'ba âu, na Rut iung đơ̆ng hrôih oei măng kuă ăn đe băt.