I Kor 10:13 - Sơ̆p Hlabơar Nơ̆r 'Bok Kei-Dei

¹³ Gah tơdrong đe pơhlŭ wă kơ iĕm kiơ̆ sư pơm yoch, lu 'nhŏng oh bơ̆n nai đe kư̆m pơhlŭ mơ̆n. Mă-lei 'Bok Kei-Dei wei-lăng bơ̆n, Sư ưh kơ ăn đe pơhlŭ bơ̆n truh tơ bơ̆n pơm tơdrong yoch ôh, Sư gô tơgŭm bơ̆n tơpă wă kơ bơ̆n huay kơ lui kơ đe pơhlŭ.

I Kor 10:13 Referans Kwoze

II Pet 2:9

Thoi noh bơ̆n băt nhên boih, 'Bok Kei-Dei băt, gơh pơklaih dôm lu bơngai kơkuh kơ Sư đơ̆ng tơdrong pơmat-tat; păng bơ̆n kư̆m băt Sư oei phak dôm lu bơngai pơm kơnê̆, truh tơ năr Sư wă sek tơlang ning-mônh.

II Tim 4:18

Păng Sư gô dŏng inh đơ̆ng dôm tơdrong kơnê̆ na atŏk inh tơ dêh char Sư tơ plĕnh. Thoi noh inh wă ư-ang kơ Sư ling-lang ưh kơ layơ hiơt. A-men.

II Tes 3:3

Kră Yang bơ̆n pơm trŏ thoi Sư pơkă tơpă. Sư tơgŭm iĕm ling-lang. Sư ăn kơ iĕm lui kơ Sư kơjăp, Sư kuă ăn yang Satan pơrăm iĕm.

Hêbrơ 12:4

Gah tơdrong lu bơngai yoch tơblah păng iĕm, iĕm ưh tam mă mah adrin truh kơ pham lĕch sĕch huŏng ôh.

I Tes 5:24

'Bok Kei-Dei krao iŏk iĕm Sư wei-lăng iĕm tơpă kư̆m thoi Sư pơkă khan wă wei-lăng.

Luka 22:46

Na Yêsu khan kơ lu sư: “Yua kơ kiơ iĕm tep? Iung adrin krao khan 'biơ̆ bĕ, wă kơ iĕm huay kơ lui kơ yang Satan pơhlŭ.”

Je 29:11

Kră Yang khan: “Yua kơ Inh băt tơdrong kiơ Inh pơkă wă pơm kơ lu iĕm. Inh đei pơkă ăn tơdrong hiôk-hian phĭ jơnap ưh kơ trŏ tơdrong kơnê̆ răm ôh, wă kơ lu iĕm đei tơdrong gơnang hơmĕng.

Da 3:17

'Nâu ơ pơtao! Kră Yang 'Bok Kei-Dei mă lu nhôn oei bơ̆jang, Sư gô dŏng pơklaih lu nhôn klaih đơ̆ng ŭnh kơdơ̆r noh. Păng sĭt gô pơklaih lu nhôn đơ̆ng ti ih.

Both 7:9

Thoi noh na iĕm athei băt kơnăl kơ Kră Yang 'Bok Kei-Dei iĕm, 'noh boih Kră Yang 'Bok Kei-Dei, wă khan Kră Yang 'Bok Kei-Dei tơpăt, wei tơdrong pơgơ̆p păng 'mêm truh tơ rơbâu jơhnơr kơ lu bơngai bu mă 'mêm kơ Sư păng wei răk dôm nơ̆r sư tơtă.

II Kor 1:10

Tơ̆ng Sư ưh kơ tơdŏng nhôn, nhôn lôch tơpă boih. Mă Sư kư̆m oei wă tơdŏng nhôn kơnh pơgê đơ̆ng tôm tơdrong hli hlơt. Lu nhôn oei wă sơđơ̆ng kơ Sư tơdŏng nhôn ling-lang.

Tơdrông Tơ'bôh 3:10

Inh 'bôh iĕm đei tơdrong gleh pơmat-tat, mă-lei iĕm kư̆m oei adrin kiơ̆ thoi Inh sơ̆. Yua kơ thoi noh na Inh 'mêm kơ iĕm, wei-lăng iĕm kơplah 'Bok Kei-Dei ăn tơdrong gleh truh kơ rim 'nu bơngai jơ̆p kơ teh đak wă pơlong lăng kon bơngai thoi yơ.

Nhom 3:23

Rim pơgê jing 'nao plơ̆ng, tơdrong pơmat Sư tih tơpă.

Tơdrông Tơ'bôh 2:10

Iĕm 'nĕ hli mă tơdrong wă truh kơ iĕm kơnh pơgê, yua kơ yang kơnê̆ wă tah lu iĕm mơ'nah tơ lăm hnam phak, wă pơlong lăng tơdrong lui iĕm. Iĕm oei tơ lăm hnam phak dang mơjĭt năr đe đei pơm kơ iĕm pơmat-tat dêh, mă-lei apinh iĕm adrin bĕ truh lôch, đơ̆ng noh na Inh gô tơ'băk kơ iĕm agăl pơkao tơdrong arih ling-lang.

I Pet 4:19

Mă 'Bok Kei-Dei ăn tơdrong gleh truh kơ bơ̆n, bơ̆n athei pơm 'lơ̆ng hơnơ̆ng păng pơjao kơ Sư tơdrong arih bơ̆n; yua kơ Sư pơjing bơ̆n, Sư ưh kơ lê̆ bơ̆n ôh.

I Yo 1:9

'Bok Kei-Dei pơm trŏ thoi Sư pơkă, Sư pơm tơpăt ling-lang. Kơlih kơ thoi noh na bơ̆n dah roi tơdrong yoch bơ̆n kơ Sư, na Sư gô pơklaih bơ̆n đơ̆ng tơdrong yoch tơpă păng 'nhao jơhngơ̆m bơ̆n đơ̆ng dôm tơdrong kơnê̆.

I Kor 1:9

'Bok Kei-Dei ling-lang pơm trŏ thoi Sư pơkă, na Sư gô tơgŭm iĕm tơpă păng Sư boih rơih iŏk iĕm pơgơ̆p hăm Kon Sư Yêsu Krist Kră Yang bơ̆n.

Hêbrơ 11:11

Yua kơ sư đei đon lui na mă klo kăn bre sư kră pă kĕ, 'Bok Kei-Dei ăn kơ bre sư yă Sara gơh pơjing kon. Na sư lui hloi kơ 'Bok Kei-Dei wă ăn kơ bre sư kon kiơ̆ thoi 'Bok Kei-Dei pơkă.

Hêbrơ 10:23

Bơ̆n athei wei mă kơjăp tơdrong mă bơ̆n chang sơmĕng ei, 'nĕ kơ lui pơngiĕl Sư. Yua kơ dôm nơ̆r Sư pơkă ưh kơ lah tŭk minh nơ̆r.

Luka 11:4

Apinh Ih 'nĕ jô̆ yo kơ nhôn, thoi nhôn ưh kơ jô̆ yo kơ đe pơm yoch păng nhôn. Apinh Ih 'nĕ ăn kơ nhôn lui kơ đe pơhlŭ pơlung.’ ”

Horiso 125:3

Yua kơ 'long jra lu bơngai kơnê̆ ưh kơ gơh pơgơ̆r lu bơngai 'lơ̆ng tơpăt, Wă kơ ti lu bơngai tơpăt huay kơ pơm tơ tơdrong kơnê̆.

Hêbrơ 6:18

'Bok Kei-Dei pơkă wă tơgŭm bơ̆n tơdrong noh, Sư pao anăn Sư kơdih hloi, na bơ̆n băt kơ tơdrong Sư pơkă noh Sư ưh kơ gơh lê̆ ôh, yua kơ Sư ưh kơ lah hơlĕnh. Thoi noh na lu bơ̆n mă kơdâu kơ'nơp tơ akâu Sư, bơ̆n băt kơ Sư wă tơgŭm bơ̆n tơpă.

Horiso 124:7

Lu bơ̆n klaih hloi thoi sem klaih đơ̆ng hơnhuăl lu đe dăng. Hơnhuăl kơtĕch hloi, na lu bơ̆n lĕch hlôi hloi,

Êsai 11:5

Tơdrong 'lơ̆ng tơpăt noh thoi tơlei tơ̆n Sư, tơdrong tơnăp sĭt noh thoi tơlei tơ̆n tơ kơiĕng Sư.

Horiso 89:33

Mă-lei inh ưh kơ đei lê̆ ôh tơdrong 'mêm kơ lu sư. Păng inh kư̆m ưh kơ lê̆ mơ̆n pơm 'lơ̆ng tơpăt hăm sư.

Le 3:17

na Inh khan: Inh gô iŏk tơlĕch iĕm đơ̆ng pơmat-tat lăm dêh Êyiptơ, wă anhăk ba iĕm tơ dêh Kanaan, đei kon pơlei Hêtit, kon pơlei Amôrit, kon pơlei Phêrêsit, kon pơlei Hêwit păng kon pơlei Jêbus, wă khan minh dêh char đak toh, đak sut.

Tơdrông Tơ'bôh 19:11

Inh kư̆m 'bôh plĕnh tơpơih păng 'bôh hloi aseh kok tơ noh. 'Bok mă oei hao aseh ei đe anăn Sư 'Bok 'Lơ̆ng Tơpăt. Tơdrong Sư sek tơlang đe kư̆m tơpăt, mă Sư blah rôp lu bơngai ayăt kơ Sư kư̆m kiơ̆ tơdrong tơpăt.

Hôsia 2:20

Tơpă Inh gô tơ'bôh kơ ih tơdrong tơpăt sĭt, na ih gô băt kơ Kră Yang.

Êsai 25:1

Ơ Kră Yang Ih bơih Kră Yang 'Bok Kei-Dei inh! Inh ư-ang kơ Ih, inh bơnê pôk pơư kơ anăn Ih, Ih đei pơm boih tơdrong hlĭch, tơdrong Ih pơkă lê̆ đơ̆ng sơ̆, hăm tơdrong tơpăt sĭt.

Luka 16:26

Păng kư̆m đei sơlŭng jrŭ păng să tăm sơlam bơ̆n, na mă nhôn wă năm tơ iĕm ưh kơ gơh păng iĕm wă năm tơ nhôn kư̆m ưh kơ gơh mơ̆n.’

Je 12:5

Tơdah ih kơdâu pơlong jơ̆ng hoh hăm đe boih, na jei đe, Liơ ih kĕ kơdâu pơlong hăm aseh lĕ? Kơplah lăm char oei hiôk-hian mă ih pơ̆k boih, liơ ih kĕ tŏk lăm bri brah đak Krong Jôrđăn?

Êsai 49:7

Kră Yang, Tơ'ngla dŏng pơklaih, Kră Yang 'Lơ̆ng Rơgoh Isơrael khan kơ bơngai mă kon bơngai pơjăm mă teh đak areh, hăm bơngai pơm đĭch kơ lu bơngai yŏng pơgơ̆r thoi âu: Lu pơtao gô 'bôh ih na iung; lu kon pơtao gô hơtơ̆p kŭl-tăng kơkuh. Yua kơ Kră Yang jơ̆ Tơ'ngla tơpăt, Tơ'ngla Rơgoh 'Lơ̆ng Isơrael, jơ̆ Tơ'ngla rơih iŏk ih.

Jang 27:44

Đơ̆ng rŏng kơ noh sư athei lu bơngai mă ưh kơ gơh glơi đak iŏk tơ̆r dah đơ̆ng tơmam thŏng-nan pơchah, na sư gơh tŏk. Thoi noh đĭ-đăng kơ nhôn tŏk tơ kông huay kơ đei tơdrong răm kiơ ôh.

Horiso 36:5

Ơ Kră Yang, tơdrong 'mêm Ih kơjung tĭk kơ plĕnh Tơdrong tơpăt ih truh tơ hơmơ̆l kok.

Mathiơ 6:13

Apinh Ih 'nĕ ăn kơ nhôn lui kơ đe pơhlŭ pơlung. Apinh Ih dŏng pơklaih nhôn đơ̆ng tơdrong kơnê̆, kơlih kơ dêh char Ih, tơdrong mơsêh mơyang Ih, tơdrong 'lơ̆ng rŏ Ih oei tơ Ih ling-lang. A-men.’

I Sam 29:10

Ih păng lu đĭch đam yŏng tơ'ngla ih lu bơngai mă đei năm kiơ̆ ih, athei iung đơ̆ng hrôih păng lăp 'năr hơdah năm hloi.