I Kor 1:8 - Sơ̆p Hlabơar Nơ̆r 'Bok Kei-Dei

⁸ Sư ăn kơ iĕm oei lui kơjăp truh năr tôch, wă kơ iĕm oei 'lơ̆ng tơpăt huay kơ đei tơdrong yoch kiơ kơplah năr Kră Yang Yêsu Krist jur.

I Kor 1:8 Referans Kwoze

I Tes 3:13

Thoi noh boih na jơhngơ̆m iĕm jing pran kơtang, na lăp Kră Yang bơ̆n Yêsu Krist jur đơ̆ng plĕnh hơdai păng lu bơngai lui kơ Sư ning-mônh, na 'Bă tơm bơ̆n 'Bok Kei-Dei 'bôh iĕm bơngai 'lơ̆ng tơpăt huay kơ đei tơdrong yoch.

Kôlôsê 1:22

Mă dang ei đei Yêsu Krist ăn akâu Sư kơdih lôch tang bơ̆n na iĕm jing hiôk hơiă hăm 'Bok Kei-Dei boih. Sư pơm thoi noh Sư dang pơjao lu iĕm kơ 'Bok Kei-Dei khan iĕm bơngai 'lơ̆ng tơpăt ưh pă đei tơdrong yoch boih.

Philip 1:6

'Bok Kei-Dei jô̆ iĕm jing bơngai 'lơ̆ng boih, na inh băt tơpă Sư gô tơgŭm iĕm ling-lang truh tơ năr Yêsu Krist jur ning-mônh.

II Tes 3:3

Kră Yang bơ̆n pơm trŏ thoi Sư pơkă tơpă. Sư tơgŭm iĕm ling-lang. Sư ăn kơ iĕm lui kơ Sư kơjăp, Sư kuă ăn yang Satan pơrăm iĕm.

Êphêsô 5:27

Sư pơm thoi noh wă kơ bơ̆n jing bơngai 'lơ̆ng tơpăt gơh oei hơdai hăm Sư. Bơ̆n thoi bơngai pơm akăn mă 'mêm kơ klo sư, na sư hrŭk hơbĕn ao rơgoh 'lơ̆ng ling-lang wă kơ klo sư lăp đon.

Rom 16:25

Bơnê kơ 'Bok Kei-Dei, Sư boih gơh tơgŭm iĕm lui kơjăp, inh bơtho iĕm tơdrong 'nao 'lơ̆ng Yêsu Krist wă kơ iĕm băt Sư gơh ăn kơ iĕm lui kơjăp. Tơdrong Yêsu Krist âu lu kră sơ̆ ưh tam kơtơ̆ng ôh.

I Pet 5:10

Mă-lei 'Bok Kei-Dei krao iŏk bơ̆n Sư wă kơ bơ̆n oei hiôk hăm Sư ling-lang yua kơ bơ̆n lui kơ Yêsu Krist, na Sư ăn kơ bơ̆n pơmat tŏ sĕt đĕch ưh kơ đunh, Sư gô pơm kơ bơ̆n lui kơjăp jing bơngai tơpăt lăm tôm tơdrong. Yua kơ Sư mơnat na Sư tơgŭm bơ̆n tôm tơdrong thoi noh.

II Pet 3:14

Ơ 'nhŏng oh mă inh 'mêm kơeng, kơlih kơ thoi noh na kơplah bơ̆n oei chang gô năr noh, bơ̆n athei adrin pơm 'lơ̆ng ling-lang hŏ, wă kơ Sư 'bôh tơdrong iĕm adrin păng 'bôh tơdrong iĕm pơm 'lơ̆ng huay kơ đei tơdrong yoch, oei hiôk dih băl kư̆m dang oei hiôk hăm Sư mơ̆n.

Rom 14:4

Dah bơ̆n pơjăm sư, dang bơ̆n sek tơlang đĭch đe, khan bơngai đĭch noh pơm ưh kơ lăp kơ yŏng sư. Bơ̆n gô mơ̆ng kơ yŏng sư sek tơlang kơdih đĕch, gơh jô̆ kơ sư pơm 'lơ̆ng pơm ưh. Yŏng sư noh wă khan Yêsu Krist, Yŏng sư noh gơh tơgŭm sư lui kơjăp khŏm khŏm.

Horiso 37:28

Kră Yang lăp đon kơ tơdrong tơpăt, Ưh kơ đei achăng lê̆ lu bơngai 'lơ̆ng rơgoh Sư; Lu sư đei Kră Yang wei-lăng ling-lang: Mă-lei gah lu adrĕch adrung bơngai kơnê̆ gô răm đĭ.

II Pet 3:10

Gah tơdrong Kră Yang Yêsu Krist wă jur, Sư wă jur tơpă, mă Sư wă jur thoi bơngai tơtông ưh kơ ăn đe băt. Kơplah noh kơnh plĕnh gô đôh hiong đĭ minh 'măng, re jơwa dêh, pă băt dang yơ. Ŭnh gô sa kơngla kơdơ̆r jơ̆p teh, teh jing hiong pă 'bôh kiơ. Lu sơnglŏng, khei păng đĭ dôm tơmam ala teh kư̆m lek hiong lei-lăi.

II Kor 1:21

'Bok Kei-Dei boih pơm kơ nhôn hăm iĕm lui kơ Yêsu Krist kơjăp. Kư̆m Sư boih ăn kơ nhôn Yang Bơhngol 'Lơ̆ng wă kơ nhôn hơgei jang tơdrong Sư.

Horiso 37:17

Yua kơ kơkŏng ti lu bơngai kơnê̆ gô tơgơ̆, Mă-lei Kră Yang gô tưk pơkơ̆ng ti lu bơngai tơpăt.

II Kor 1:14

Dang ei iĕm tam mă băt nhên nhôn bơngai thoi yơ, layơ kơnh iĕm kư̆m hlôh mơ̆n. Thoi noh na mưh Kră Yang Yêsu Krist jur, iĕm hiôk yua kơ nhôn pơm 'lơ̆ng; nhôn kư̆m hiôk yua kơ iĕm lui đơ̆ng nhôn bơtho.

I Kor 5:5

Na bơ̆n athei pơjao kơ yang Satan ăn tơdrong gleh kơ bơngai mă pơm yoch noh, wă kơ bơngai noh tơbral kơdih tơdrong yoch wă kơ 'Bok Kei-Dei iŏk sư kơplah năr Yêsu jur ning-mônh.

Luka 17:24

yua kơ năr ei kơnh đĭ-đăng kon bơngai gô 'bôh Inh jur thoi lĕ kơmlat, chêr 'blêt 'bôh jơ̆p-jang kơ teh đak, mă đơ̆ng hơlĕch truh tơ bơmơ̆t.

Luka 17:30

Năr Inh Kon Bơngai jur dơ̆ng ning-mônh, kư̆m lei-lăi thoi noh mơ̆n. Kon bơngai ưh kơ ê Inh wă jur, na 'bơ̆t ei boih Inh jur hloi.

Rom 8:19

Bĭ lu tơmam 'Bok Kei-Dei pơjing, lu sư kư̆m dang băt chang gô 'Bok Kei-Dei wă ăn kơ bơ̆n jing kon Sư hiôk jơnap ning-mônh.

I Kor 3:13

Na mưh truh năr sek tơlang ning-mônh, 'Bok Kei-Dei wă pơlong lăng hnam mă bơ̆n pơm noh hăm kơjăp dah ưh. Tơdrong pơlong noh thoi lĕ kơ ŭnh sa, na sư wă pơlong lăng tơdrong bơ̆n jang kơ Sư hăm yua ưh.

II Kor 1:13

Dôm tơdrong nhôn chih kơ iĕm, nhôn ưh kơ đei chih pơjuang ôh; nhôn chih roi tơpăt hloi. Nhôn chih thoi yơ, iĕm đŏk iĕm hlôh thoi ei.

Kôlôsê 2:7

Sư pơm tơm kơ bơ̆n na iĕm athei gơnang kơ Sư mă tơpă wă kơ lui kơjăp kiơ̆ thoi đe bơtho iĕm sơ̆, na tơdrong lui iĕm rai đunh rai wơ̆. Mă tôm tơdrong kiơ kiơ athei bơnê kơ 'Bok Kei-Dei ngăl.

I Tes 5:2

Mă iĕm kư̆m băt nhên mơ̆n tơdrong ưh kơ đei bu băt Kră Yang Yêsu wă jur layơ, kư̆m thoi bơ̆n ưh kơ băt kơ bơngai wă tơtông klĕ sư wă truh măng ayơ.

II Tes 2:2

Tơ pơlei iĕm đei bơngai jô̆ kơ nhôn bơtho khan năr tôch wă jê̆ truh boih. Iĕm 'nĕ kơ lui hŏ. Dah iĕm lui kơ Sư, iĕm jing hơwơ̆l kơ đon. Nhôn ưh kơ đei bơtho khan năr tôch wă jê̆ truh boih ôh. Yang Bơhngol 'Lơ̆ng ưh kơ đei pơtruh nơ̆r Sư kơ nhôn, khan năr tôch wă jê̆ truh boih ôh. Hăm nhôn ưh kơ đei chih roi lăm kơthơ nhôn ôh.

II Tim 1:12

Yua kơ inh bơtho tơdrong 'noh yơh na dang ei inh đei tơdrong pơmat-tat âu. Mă-lei inh ưh kơ mơlâu kơ đe ôh yua kơ inh băt kơdih inh lui kơ Kră Yang păng inh băt Sư tơgŭm inh jang tơdrong Sư khŏm khŏm truh năr Yêsu Krist jur tơ teh âu ning-mônh dơ̆ng.

II Tim 1:18

Inh apinh 'Bok Kei-Dei mơnat kơ Ônêsip lăm năr Sư wă sek tơlang ning-mônh. Ih băt boih Ônêsip tơgŭm inh lơ tơpă kơplah tơ Pơlei Êphêsô sơ̆.