I Kor 1:14 - Sơ̆p Hlabơar Nơ̆r 'Bok Kei-Dei

¹⁴ Inh bơnê kơ 'Bok Kei-Dei yua kơ inh ưh kơ đei pơm kơ iĕm 'batem ôh sơ̆. Hơtai ei sơ̆ inh pơm kơ bre Kripơ hăm Guơs đĕch đơ̆ng lu khŭl iĕm.

I Kor 1:14 Referans Kwoze

Jang 18:8

Kripơ kră wei-lăng hnam akŭm bơngai Juđê, sư tam mă lui kơ Kră Yang Yêsu na đơ̆ng Pôl bơtho sư, na sư păng đĭ-đăng hnam dơnŏ sư kư̆m lui mơ̆n. Kư̆m đei lơ bơngai nai dơ̆ng lăm Pơlei Kôrintô mơ̆ng Pôl bơtho lu sư, na lu sư lui hloi kơ Kră Yang Yêsu păng iŏk 'batem.

Rom 16:23

Na âu akâu inh kơdih Pôl pơma dơ̆ng. Inh oei tơ hnam Guơs păng đĭ kơ nhôn juăt akŭm tơ hnam sư, sư kư̆m đei nơ̆r jet gia pơma dơnuh hăm iĕm mơ̆n.

Kôlôsê 3:17

Mă dôm tơdrong kiơ kiơ bơ̆n wă pơma dah wă jang, bơ̆n athei pơma pơjao kơ Kră Yang Yêsu hăm gơnang kơ Sư wă bơnê kơ 'Bă tơm bơ̆n 'Bok Kei-Dei.

Kôlôsê 3:15

Yêsu Krist ăn kơ bơ̆n hiôk hơiă dih băl, na bơ̆n athei adrin kiơ̆ thoi noh, yua kơ 'Bok Kei-Dei rơih iŏk bơ̆n wă kơ bơ̆n pôm đon. Păng ling-lang 'nĕ kơ hiơt pơma bơnê kơ 'Bok Kei-Dei.

Êphêsô 5:20

Bơ̆n athei băt bơnê kơ 'Bă tơm bơ̆n 'Bok Kei-Dei lăm tôm tơdrong păng bơ̆n athei krao chă Yŏng bơ̆n Yêsu Krist na bơ̆n gơh krao khan bơnê kơ 'Bok Kei-Dei.

II Kor 2:14

Bơnê kơ 'Bok Kei-Dei tơgŭm nhôn bơtho tơdrong Yêsu Krist ling-lang, jei Yêsu Krist boih, jơ̆p kơ teh đak gô kơtơ̆ng tơdrong Yêsu Krist.

I Kor 14:18

Inh bơnê kơ 'Bok Kei-Dei Sư ăn kơ inh gơh pơma nơ̆r hlĭch lơ hloh kơ iĕm.

I Kor 1:4

Inh ling-lang bơnê kơ 'Bok Kei-Dei 'mêm kơ iĕm, Sư tơgŭm iĕm, yua kơ Sư mơnat đơ̆ng iĕm lui kơ Yêsu Krist.

Phil 1:4

Inh krao khan bơnê kơ 'Bă tơm bơ̆n 'Bok Kei-Dei ling-lang kơlih kơ inh kơtơ̆ng ang ih lui kơjăp kơ Kră Yang Yêsu Krist păng ih 'mêm kơ Sư hăm đĭ-đăng buăl lui mơ̆n.

I Tim 1:12

Inh bơnê kơ Kră Yang bơ̆n Yêsu Krist yua kơ Sư ăn kơ jơhngơ̆m inh pran kơtang jang tơdrong Sư. Păng inh bơnê kơ Sư tơchĕng đon Sư khan inh trŏ bơngai gơh jang tơdrong Sư, na Sư rơih iŏk inh jang kơ Sư hloi.

Jang 10:48

Đơ̆ng noh na Pêtrôs athei lu sư iŏk 'batem hăm anăn Yêsu Krist. Klaih kơ noh lu đe Kôrnei apinh Pêtrôs oei hăm sư 'bar pêng năr dơ̆ng.

I Kor 1:15

Thoi noh na inh ưh kơ wă ôh iĕm pơm khan iĕm iŏk 'batem hăm anăn inh.