I Kor 1:11 - Sơ̆p Hlabơar Nơ̆r 'Bok Kei-Dei

¹¹ Ơ 'nhŏng oh, inh bơtho khan kơ iĕm thoi noh yua kơ inh kơtơ̆ng đơ̆ng hnam dơnŏ yă Klôwê roi kơ inh tơdrong iĕm đei pơjah băl.

I Kor 1:11 Referans Kwoze

Galati 5:26

Bơ̆n 'nĕ pơang akâu bơ̆n kơdih. Bơ̆n 'nĕ chă tơdrong wă tơhil dih băl păng 'nĕ kơ 'nhĕng dih băl.

I Kor 3:3

yua kơ iĕm oei kiơ̆ kơ sĕch akar thoi bơngai ala teh, iĕm oei tơklai băl, iĕm oei pơjah pơjăng tơhil băl. Iĕm pơm thoi noh dang lĕ oei lei-lăi kơ bơngai kiơ̆ kơ sĕch akar ala teh đĕch.

Tơdrông Pơđơk 18:6

'Bơ̆r lu bơngai kơwao ba tơdrong pơjah; 'Bơ̆r pơma pơgreh chă đe teh sư kơdih.

Galati 5:20

sư oei kơkuh kơ yang so, sư pơm pơjâu chă sol đe; sư kơnam băl tơdrong, sư tôn teh băl, sư tơgar băl, sư hil kơ đe, sư kret, sư kuă kơ jang hơdai đe, sư wă tơklah kiơ̆ tơdrong sư kơdih,

Galati 5:15

Thoi noh iĕm 'nĕ kơ pơrăm dih băl hli kơ hiong đĭ tơdrong lui iĕm. Dah iĕm pơm thoi noh dang lĕ kơ sem bri tơkăp dih băl jing lôch răm akâu kơdih.

II Kor 12:20

Inh hli kơ mưh năr inh truh tơ iĕm, iĕm ưh kơ lui kơjăp kiơ̆ thoi đon inh wă. Mă iĕm 'bôh inh iĕm kư̆m ưh kơ hiôk yua kơ iĕm hli kơ inh hil kơ iĕm. Păng inh hli kơ iĕm pơjah pơjăng dih băl, tơgar sa băl, tơhil băl, kret kuă kơ asong băl, pơjăm bôl buăl, bâu roi bôl buăl, pơang akâu kơdih păng hli kơ iĕm akŭm ưh kơ trŏ.

Tơdrông Pơđơk 13:10

Tơdrong pơang lĕch tơdrong pơjah; Gah tơdrong hơgei oei lăm bơngai băt mơ̆ng đe bơtho khan.

Bl 37:2

'Nâu roi tơdrong adrĕch adrung Jakôp. Jôsep sư mơjĭt-tơpơh sơnăm, sư wei triu hơdai hăm lu đe 'nhŏng oh sư, sư pơm buăl juăt hăm lu kon Bila hăm kon Yilpa, 'bar 'nu akăn kơnhŏng 'bă sư. Jôsep sư roi kơ 'bă sư tơdrong lu đe noh pơm kơnê̆.

Bl 27:42

Đe roi nơ̆r Êsâu, kon kơdră sư kơ Rê'bêka, na sư athei đe krao hloi Jakôp kon hơdruch sư, na sư khan thoi âu: 'Nâu, Êsâu, 'nhŏng e, wă pơlôch e, wă pơm 'mong.

Philip 2:14

Mă pơm tơdrong kiơ kiơ iĕm 'nĕ kơ jŏk, 'nĕ kơ pơjah pơjăng;

I Kor 11:18

Tơdrong mă mônh thoi âu: Inh kơtơ̆ng ang đơ̆ng đe khan lăm lu iĕm akŭm đei tơklah băl đon đei 'bar pêng khŭl. Đe khan kơ inh thoi noh inh kư̆m lui kơ sư 'biơ̆ mơ̆n.

I Kor 1:10

Ơ 'nhŏng oh, inh wă bơtho iĕm thoi âu: Đĭ-đăng kơ bơ̆n minh khŭl lui kơ Kră Yang Yêsu Krist, bơ̆n athei tơguăt băl minh jơhngơ̆m, pơm pôm 'bơ̆r đon mă hơnơ̆ng wă kơ bơ̆n huay kơ tơklah băl.

I Kor 1:12

Inh wă roi thoi nơ̆r iĕm khan: “Inh wă kiơ̆ Pôl.” Mơ'nah khan: “Inh wă kiơ̆ Apôlê.” Mơ'nah khan: “Inh wă kiơ̆ Pêtrôs.” Mơ'nah dơ̆ng khan: “Inh wă kiơ̆ Yêsu Krist.”

Tit 3:9

Ih 'nĕ ăn đe bơtho adrĕch adrung yă 'bok bơngai Juđê sơ̆ hŏ. Sư bơtho kư̆ kă đĕch, ưh kơ tơpă ôh. Lu sư kư̆m pơjah pơjăng tơhil băl gah tơdrong juăt 'Bok Kei-Dei pơkă sơ̆. Dôm tơdrong lu sư chă bơtho ưh kơ yua kiơ ôh.