I Ho 29:1 - Sơ̆p Hlabơar Nơ̆r 'Bok Kei-Dei

¹ Đawit khan kơ đĭ-đăng tơpôl akŭm: “Sôlômôn, kon drŏ-nglo inh mă Kră Yang 'Bok Kei-Dei đei rơih iŏk, oei hơ'lơ̆p, sư tam mă biơh băt tơdrong jang âu tih dêh, yua kơ pơm hnam ưh kơ trŏ pơm kơ bơngai ôh, mă-lei hnam 'noh pơm ăn kơ Kră Yang 'Bok Kei-Dei.

I Ho 29:1 Referans Kwoze

I Ho 22:5

Đawit khan: Sôlômôn kon drŏ-nglo inh oei tơdăm tam mă gơh jang ôh, mă pơm hnam Kră Yang athei pơm 'lơ̆ng rŏ krưp tơpă, đei tơdrong ư-ang, tơ jơ̆p-jang char, na inh gô chă hơmet lê̆ adrol. Thoi noh. Đawit chă hơmet tôm tơmam adrol kơ sư lôch.

I Pot 3:7

Dang ei ơ Kră Yang 'Bok Kei-Dei inh, Ih ăn bơih kơ inh đĭch đam Ih pơm pơtao pơtrơp đơ̆ng Đawit, 'bă inh; mă-lei inh bơngai oei 'lơ̆p, ưh kơ băt wă pơgơ̆r teh đak thoi yơ.

II Ho 13:7

Lu bơngai kơnê̆ kư̆ kă năm kiơ̆ ih; tơblah hăm Rêhôbôam, kon drŏ-nglo Sôlômôn; Rêhôbôam; sư oei mơlôh, ưh kơ kĕ tơblah hăm ih.

Tơdrông Pơđơk 4:3

Kơplah Inh oei 'lơ̆p, Inh jing kon drŏ-nglo 'bă inh, Păng kon pôm mĕ inh.

I Ho 29:19

Apinh Ih ăn kơ Sôlômôn, kon drŏ-nglo inh, đĭ jơhngơ̆m wei răk lu nơ̆r tơtă khôi juăt păng nơ̆r Ih pơkă pơkăm kư̆m pơm tôm tơdrong jang wă, man tơiung hnam mă inh đei chă hơmet lê̆ tơmam bơih.”

I Ho 28:10

Dang ei, lăng bĕ yua kơ Kră Yang rơih iŏk ih boih wă pơm tơiung minh pôm hnam 'măn anih 'lơ̆ng rơgoh. Nuih pran kơtang bĕ na pơm.”

I Ho 28:8

Na dang ei, 'bơ̆t anăp đĭ-đăng bơngai Isơrael kon pơlei Kră Yang păng đei Kră Yang 'Bok Kei-Dei lu bơ̆n mơ̆ng, lu iĕm wei răk bĕ dôm khôi juăt nơ̆r tơtă Kră Yang 'Bok Kei-Dei lu iĕm lei na lu iĕm gơh đei iŏk dêh char 'lơ̆ng rŏ 'nâu păng 'măn ăn kơ kon sâu đơ̆ng rŏng bơ̆jang sa ling-lang.

I Ho 28:1

Đawit krao akŭm đĭ-đăng lu bơngai pơgơ̆r Isơrael, brŏk tơ pơlei Jêrusalem. Lu bơngai yŏng kơdră lăm adrĕch adrung, lu bơngai pơgơ̆r lăm khŭl mă bơ̆jang kơ pơtao, lu yŏng wei-lăng minh-rơbâu păng minh-hrĕng linh, lu bơngai wei-lăng mŭk tơmam lu sem dơrong pơtao hăm lu kon drŏ-nglo sư, hơdai hăm lu bơngai bơ̆jang lăm hnam pơtao păng đĭ-đăng lu bơngai gơh hơgei nuih pran kơtang.

II Sam 3:39

Mă inh 'nâu đei tuh đak rơmă pôk pơm pơtao, mă-lei inh 'bôh inh rơdu tơrăn pơting hăm lu bơngai 'nâu, lu kon drŏ-nglo Sêruia; lu sư pơm kơtang hloh kơ inh Apinh Kră Yang pơm tơwih kơ lu bơngai pơm kơnê̆ 'nâu, kiơ̆ tơdrong kơnê̆ lu sư!”

Je 30:18

'Nâu Kră Yang khan: “Inh gô iŏk tơwih bơsŭn anih hnam Jakôp đơ̆ng lu sư pơm bơnă, Inh gô mơnat ăn kơ sơnăm dơnŏ lu sư; pơlei tơm tih đe gô pơdơ̆ng tơ đêl teh so sơ̆, hnam pơtao đe gô pơdơ̆ng trŏ 'bơ̆t anih so sơ̆.

I Pot 1:20

Ơ pơtao yŏng inh, dang ei măt bơngai Isơrael oei lăng tơ ih ngăl wă răp gô ih roi ăn kơ lu sư băt bơngai bu wă hơ-oei kơpal tang-dŏ pơtao tơplih ih.

I Ho 22:2

Đawit krao akŭm lu bơngai tơmoi oei lăm char Isơrael sư pơkă kơ lu bơngai teh blah tơmo wă pơm hnam Kră Yang 'Bok Kei-Dei.

II Ho 1:2

Sôlômôn pơma hăm đĭ-đăng bơngai Isơrael: Lu yŏng pơgơ̆r minh-rơbâu 'nu linh yŏng pơgơ̆r minh-hrĕng 'nu linh, lu 'bok sek tơlang păng lu yŏng kơdră lăm adrĕch bơngai Isơrael,