I Ho 25:8 - Sơ̆p Hlabơar Nơ̆r 'Bok Kei-Dei

⁸ Lu sư hlang lăng wă kơ bơ̆jang. Bơngai 'lŏ thoi lĕ bơngai 'lơ̆p, 'bok thây kư̆m thoi bơngai pơhrăm.

I Ho 25:8 Referans Kwoze

I Ho 26:13

Lu sư kiơ̆ kơ adrĕch adrung kơdih na hlang lăng iŏk 'măng jang bơngai 'lơ̆p thoi bơngai 'lŏ.

Tơdrông Pơđơk 16:33

Đe hlang lăng iŏk đơ̆ng kơpal tơdrơi ao. Mă-lei dôm tơdrong trŏ dah glăi tă lĕch đơ̆ng Kră Yang ngăl.

Jang 1:26

Klaih kơ noh lu sư hlang lăng na 'blep trŏ hloi kơ Mathias. Na đe jô̆ sư lăm mơjĭt-'bar 'nu jơ̆ng 'bang Yêsu dơ̆ng.

Ne 12:24

Lu kră kơdră lăm bơngai Lêwi: Đei Hasabia, Serêbia păng Jêsua kon drŏ-nglo Katmiel, hơdai hăm 'nhŏng oh lu sư dơ̆ng tơklă băl pơrĕng kiơ̆ khŭl, wă kơkuh bơnê pơm kiơ̆ thoi nơ̆r Đawit bơngai Kră Yang 'Bok Kei-Dei.

II Ho 23:13

Sư 'bôh pơtao dơ̆ng jê̆ jrăng 'bơ̆t trong wă mơ̆t; lu yŏng linh păng lu bơngai hlôm keng dơ̆ng jê̆ pơtao; đĭ-đăng kon pơlei oei lăm char chơt hiôk 'nă hal hlôm keng, kư̆m đei lu bơngai hơri pơtơm pôk pơư reh brŏ, na kơkuh bơnê ư-ang kơ pơtao. Athalia hơloh hek ao sư kơdih na ôr re khan: Blah blơ̆, blơ̆ boih.

I Ho 26:16

Suppim păng Hôsa hlang lăng trŏ 'măng jang Bơmơ̆t, 'măng jang Salêket, 'bơ̆t trong suăn năm tơ 'bar tŏ anih gak.

I Ho 24:31

Lu sư kư̆m hlang iŏk thoi lĕ kơ 'nhŏng oh lu sư, kon sâu Arôn đei hlang lăng 'bơ̆t anăp pơtao Đawit Sađôk păng Ahimelek, hăm 'bơ̆t anăp lu yŏng kơdră adrĕch 'bă lu 'bok soi păng lu bơngai Lêwi: Lu yŏng kơdră adrĕch 'bă kư̆m athei hlang lăng lei-lăi thoi lu oh sư kơdih.

I Ho 24:5

Đe asong lu sư kiơ̆ kơ đe hlang lăng lei-lăi yua kơ lu sư đei bơngai wei-lăng lăm anih rơgoh păng lu sư bơngai bơ̆jang kơ Kră Yang 'Bok Kei-Dei lăm kon sâu Êlêasar păng kon sâu Ithamar.

I Ho 15:22

Kênania yŏng pơgơ̆r bơngai Lêwi, wei-lăng tơdrong hơri păng noh tơdrong jang sư, yua kơ sư gơh hơgei gah tơdrong noh.

Lêwi 16:8

Arôn gô hlang lăng kơ 'bar tŏ bơbe tơno noh, mă minh wă 'măn kơ Kră Yang, minh dơ̆ng kơ Asasên wă khan pŭ iŏk đĭ tơdrong yoch.

I Ho 25:9

Lăm adrĕch adrung Asap hlang lăng mă minh trŏ kơ Jôsep kon drŏ-nglo sư hăm lu 'nhŏng oh sư. Đĭ-đăng mơjĭt-'bar 'nu. Hlang lăng mă 'bar trŏ kơ Gêđalia 'nhŏng oh păng kon drŏ-nglo sư, đĭ-đăng đei mơjĭt-'bar 'nu.

I Ho 25:2

Gah kon drŏ-nglo Asap, đei Sakur, Jôsep, Nêthania păng Asarêla. Kon drŏ-nglo Asap bơ̆jang ala Asap wei-lăng sư pơma khan lê̆ adrol mơ̆ng kiơ̆ kơ pơtao pơgơ̆r.