I Ho 24:3 - Sơ̆p Hlabơar Nơ̆r 'Bok Kei-Dei

³ Sađôk kon sâu Êlêasar păng Ahimelek kon sâu Ithamar tơgŭm Đawit klah asong khŭl 'bok soi ăn kơ lu sư kiơ̆ kơ tơdrong jang.

I Ho 24:3 Referans Kwoze

II Sam 8:17

Sadok kon tơdăm, Ahitup păng Ahimelek kon tơdăm Abiathar pơm 'bok soi; păng Sêraia pơm 'bok yŏng chih hla bơar.

I Ho 24:31

Lu sư kư̆m hlang iŏk thoi lĕ kơ 'nhŏng oh lu sư, kon sâu Arôn đei hlang lăng 'bơ̆t anăp pơtao Đawit Sađôk păng Ahimelek, hăm 'bơ̆t anăp lu yŏng kơdră adrĕch 'bă lu 'bok soi păng lu bơngai Lêwi: Lu yŏng kơdră adrĕch 'bă kư̆m athei hlang lăng lei-lăi thoi lu oh sư kơdih.

I Ho 24:6

Sêmaia bơngai chih hla bơar, kon drŏ-nglo Nethanel, sư lăm adrĕch adrung Lêwi, chih anăn lu sư tơmơ̆t lăm sơ̆p hla bơar 'bơ̆t anăp pơtao, lu yŏng pơgơ̆r noh 'bok soi Sađôk, Ahimelek, kon drŏ-nglo Abiathar, lu bơngai yŏng kơdră lăm adrĕch 'bă 'bok soi păng bơngai Lêwi; kư̆ rim adrĕch kon sâu Êlêasar hlang iŏk minh 'nu, đơ̆ng adrĕch kon sâu Ithamar kư̆m hlang iŏk minh 'nu.

I Ho 16:39

Sư lê̆ Sađok 'bok soi hăm lu 'nhŏng oh sư pơm 'bok soi 'bơ̆t anăp bơsŭn anih akŭm Kră Yang lăm anih kơjung tơ pơlei Gibeôn.

I Ho 15:11

Đawit krao 'bok soi Sađok, Abiathar păng lu bơngai Lêwi đei Uriel, Asaia, Jôel, Sêmaia, Êliel păng Aminađap.

I Pot 2:35

Pơtao Sôlômôn pôk Bênaia kon drŏ-nglo Jêhôiada pơm yŏng linh tơplih Jôap, pôk Sadok pơm 'bok soi tơplih Abiathar.

II Sam 20:25

Sêwa pơm bơngai chih hla bơar; Sađŏk păng Abiathar pơm 'bok soi.

I Sam 21:1

Đawit truh tơ pơlei Nŏp, tơ'bơ̆p 'bok soi tơm Ahimelek. Ahimelek hli tơtơ̆, kơdâu sơng iŏk sư, na jet: Liơ minh drô̆ ih đĕch ưh kơ đei bu kiơ̆ ih?

I Ho 24:4

Lăm lu kon sâu Êlêasar đei lơ bơngai pơgơ̆r lăm adrĕch adrung hloh kơ lăm kon sâu Ithamar; lei na lu sư asong khŭl thoi âu: Gah kon sâu Êlêasar đei mơjĭt-tơdrâu 'nu bơngai pơgơ̆r lăm adrĕch adrung; na gah kon sâu Ithamar đei tơhngam 'nu bơngai pơgơ̆r lăm adrĕch adrung sư.

I Ho 18:16

Sadok kon drŏ-nglo Ahitup păng Ahimalek kon drŏ-nglo Abiathar pơm 'bok soi, Sausa jing kră tơm chih hla bơar.

II Ho 8:14

Kiơ̆ thoi Đawit 'bă sư, tơtă, sư asong tơdrong jang ăn kơ lu 'bok soi kiơ̆ kơ tơdrong jang khŭl lu sư, jao kơ khŭl bơngai Lêwi hat hơri ư-ang păng bơ̆jang tơgŭm lu 'bok soi, jang kiơ̆ tơdrong jang rim năr; tơ rim kơ 'măng jang Sư kư̆m đei ăn kơ khŭl bơngai gak 'măng jang, yua kơ 'nâu nơ̆r Đawit tơtă, bơngai Kră Yang 'Bok Kei-Dei.