I Ho 23:5 - Sơ̆p Hlabơar Nơ̆r 'Bok Kei-Dei

⁵ Na puăn-rơbâu 'nu bơngai jang gak wei-lăng 'măng jang; păng puăn-rơbâu 'nu bơngai hơri ư-ang kơ Kră Yang păng brŏ inh ăn kơ bơngai hơri bơnê ư-ang.

I Ho 23:5 Referans Kwoze

Am 6:5

Tơpă, lu iĕm hơri nơ̆r kư̆ kă chă pơlăp kiơ̆ kơ brŏ chă pơm brŏ kơdih khan rok thoi pơtao Đawit.

Horiso 87:7

Lu bơngai hat hơri păng lu đe suang gô khan thoi âu: “Đĭ-đăng tơm tơdrong arih inh oei lăm Ih.”

II Ho 8:14

Kiơ̆ thoi Đawit 'bă sư, tơtă, sư asong tơdrong jang ăn kơ lu 'bok soi kiơ̆ kơ tơdrong jang khŭl lu sư, jao kơ khŭl bơngai Lêwi hat hơri ư-ang păng bơ̆jang tơgŭm lu 'bok soi, jang kiơ̆ tơdrong jang rim năr; tơ rim kơ 'măng jang Sư kư̆m đei ăn kơ khŭl bơngai gak 'măng jang, yua kơ 'nâu nơ̆r Đawit tơtă, bơngai Kră Yang 'Bok Kei-Dei.

Ne 7:73

Thoi noh lu 'bok soi, bơngai Lêwi, lu bơngai gak 'măng jang, lu bơngai hơri, lu kon pơlei păng bơngai đĭch đam kră hnam yang kư̆m đĭ-đăng bơngai Isơrael, oei lăm pơlei sư kơdih. Truh tơ khei tơpơh, na kon pơlei Isơrael đơ̆ng rim pơlei wih brŏk akŭm tơ pơlei sư kơdih Jêrusalem.

Esơra 7:7

'Blep lăm sơnăm mă tơpơh, chăl pơtao Artaserses, đei lu kon pơlei Isơrael, lu 'bok soi păng bơngai Lêwi, lu bơngai hơri, lu bơngai gak 'măng păng lu bơngai Nêthinim, đĭ-đăng wih brŏk hơdai sư tơ Pơlei Jêrusalem.

II Ho 35:15

Lu bơngai hơri, kon sâu Asap; Hêman păng Jêđuthun, 'bok 'bôh lê̆ adrol pơtao, kư̆m oei dơ̆ng lăm anih lu sư kơdih, kiơ̆ thoi tơdrong juăt Đawit tơtă; lu bơngai gak wei 'măng jang kư̆m ngôi tơ rim 'măng, ưh kơ weh đơ̆ng tơdrong jang sư kơdih, yua kơ 'nhŏng oh lu sư bơngai Lêwi đei hơmet ăn boih tơmam sa kơ lu sư.

I Ho 16:38

Lei-lăi mơ̆n sư kư̆m pôk Ôbêt Eđôm hăm tơdrâu-jĭt tơhngam 'nu 'nhŏng oh sư Ôbêt Eđôm kon drŏ-nglo Jêđuthun hăm Hôsa ăn kơ sư wei gak 'măng dur.

I Ho 9:33

'Nâu lu bơngai hơri, lu yŏng kơdră lăm adrĕch bơngai Lêwi lu sư oei rim anih lăm anih akŭm, yua kơ lu sư bơ̆jang măng păng năr na pơdơh tơdrong jang nai.

I Pot 10:12

Pơtao yua 'long kơte pơm jrăng tơm Hnam Kră Yang păng hnam pơtao, păng lu brŏ dung, tĭng-nĭng ăn kơ lu bơngai hơri. Đơ̆ng năr noh truh dang ei ưh kơ đei bu chơ ba 'long kơte lơ dang noh.

II Pot 7:10

Na lu sư năm hloi, krao lu linh gak 'măng dur pơlei, roi kơ lu sư: “Nhôn năm truh tơ kơđông linh Aram, rơhiăng ưh kơ 'bôh bơngai bu, kư̆m ưh kơ đei kơtơ̆ng 'bơ̆r bu mơ̆n, 'bôh lăp lu aseh, lu aseh iĕ oei chô̆ păng lu bơsŭn achăng lê̆ thoi so.”

I Ho 16:4

Sư ăn mơ'nah lu bơngai Lêwi bơ̆jang awih awăn 'bơ̆t anăp Hom Pơgơ̆p Kră Yang, wă krao khan bơnê kơkuh kơ Kră Yang 'Bok Kei-Dei Isơrael.

I Ho 23:30

Rim pơgê păng rim kơsơ̆, lu bơngai Lêwi athei dơ̆ng tơ noh kơkuh bơnê păng hơri ư-ang kơ Kră Yang

II Ho 20:28

Lu sư brŏk truh mơ̆t lăm pơlei Jêrusalem, năm truh tơ hnam akŭm tơm Kră Yang reh brŏ dung, tĭng-nĭng păng hlôm keng.

II Ho 34:13

Lu bơngai 'nâu wei-lăng lu bơngai jang păng wei-lăng tôm tơdrong jang; lu mơ'nah bơngai Lêwi chih hla bơar, lu kai păng lu bơngai gak 'măng.

Êsai 64:10

Lu pơlei rơgoh Kră Yang đĭ jing char glă; Siôn đĭ jing char glă, Jêrusalem đĭ jing bri juơ.