I Ho 22:9 - Sơ̆p Hlabơar Nơ̆r 'Bok Kei-Dei

⁹ Ih gô đei minh 'nu kon drŏ-nglo; sư gô jing minh 'nu bơngai drŏ-nglo hiôk rơnŭk, inh gô ăn kơ sư rơnŭk rơnua păng ăn pơdơh đơ̆ng đĭ-đăng ayăt tăp dăr kơ sư. Krao anăn sư Sôlômôn, Inh gô ăn tơdrong hiôk rơnŭk kơ lu bơngai Isơrael lăm chăl sư pơgơ̆r.

I Ho 22:9 Referans Kwoze

I Pot 4:25

Lăm chăl pơtao Sôlômôn pơgơ̆r, bơngai Juđa păng bơngai Isơrael oei hiôk-hian, đơ̆ng pơlei Đan truh tơ pơlei Bêrsêba, rim 'nu kơ lu sư arih jang sa chơt hiôk ala tơnơm hơmu păng tơm hơra sư.

I Pot 5:4

Mă-lei dang ei Kră Yang 'Bok Kei-Dei inh, ăn boih kơ inh rơngei hiôk-hian tăp pang pă đei bu blah păng kư̆m pă đei tơdrong kiơ truh.

I Pot 4:20

Kon pơlei bơngai Juđa păng kon pơlei bơngai Isơrael lơlap lơlang thoi chuơh đak dơsĭ, lu sư sŏng sa păng chơt hiôk tơpă.

Hagai 2:9

Tơdrong ư-ang kơ hnam đơ̆ng rŏng âu, gô tih hloh kơ ư-ang hnam adrol ki sơ̆, Kră Yang khan thoi noh păng Inh gô ăn tơdrong rơnŭk rơnua lăm anih 'nâu.’ Kră Yang Tih Hloh khan thoi noh.”

Êsai 66:12

Kră Yang khan thoi âu: “'Nâu, Inh gô ba ăn tơdrong hiôk-hian ro thoi đak krong, ba tơmam gĭt lu teh đak thoi đak glung 'bĕnh blai; lu iĕm gô mŏm păng pôk kơ'mĭn tơ kơtơh, păng tơoei hơ-on kơpal kŭl-tăng.

Êsai 57:19

wă khan: Ăn nơ̆r hơri bơnê tơ 'bơ̆r lu bơngai nhơ̆m hmoi lăm lu bơngai Isơrael. Kră Yang khan: Hiôk-hian, hiôk-hian bĕ kơ bơngai oei ataih păng lu bơngai oei jê̆, Inh gô pơklaih lu sư.

Êsai 45:7

Inh bơih Tơ'ngla pơm đei tơdrong hơdah păng pơjing tơdrong măng mu, pơm đei tơdrong hiôk-hian păng kư̆m ăn đei tơdrong pơrăm, Inh bơih Kră Yang Tơ'ngla pơm dôm tơdrong noh.

Êsai 26:12

Ơ Kră Yang Ih gô pơjing tơdrong hiôk-hian ăn kơ lu nhôn. Dôm tơdrong lu nhôn pơm noh jơ̆ Ih pơm ăn kơ nhôn bơih!

Horiso 72:7

Lăm kơplah pơtao oei pơgơ̆r ăn kơ bơngai tơpăt hiôk jơnap. Ăn tơdrong rơnŭk rơnua dĭng măt khei pă đei.

Jop 34:29

Tơdah Kră Yang oei ngăn hreh. Bu gô pơ̆n chrih kơ Sư? Tơdah Kră Yang ôn muh măt Sư, bu gơh đei 'bôh Sư? Kră Yang wei rong đĭ-đăng kon pơlei, đĭ-đăng bơngai,

I Ho 17:11

Truh năr ih wă tôch lôch năm oei hơdai hăm lu 'bok ih, Inh gô pôk hơtŏk minh 'nu pơtrơp ih, minh 'nu lăm lu kon drŏ-nglo ih pơtrơp đơ̆ng ih, păng Inh gô ăn kơ dêh char sư kơjăp.

Lu 6:24

Giđêôn pơm minh pơm chơnang soi kơ Kră Yang tơ noh. Păng anăn anih noh Kră Yang Ăn Hiôk-Hian. Chơnang noh oei đei truh tơ năr 'nâu tơ pơlei Ôphra, lăm dêh lu bơngai Abierit.

I Pot 1:13

Ih năm hloi bĕ tơ pơtao Đawit păng khan kơ sư: Ơ pơtao, yŏng inh! Ih hăm pơkă pơkăm hăm đam drŏ-kăn ih khan: Sôlômôn kon drŏ-nglo inh, ih gô pơtrơp pơm pơtao tơplih inh, sư oei kơpal tang-dŏ pơtao dah kiơ? Liơ dang ei tă tơ Adonija pơm pơtao?

I Pot 2:15

Sư pơma: “Ih băt boih dêh char pơtao 'nâu trŏ kơ inh pơgơ̆r ră păng đĭ-đăng bơngai Isơrael chang wă kơ 'bôh inh pơgơ̆r ngăl, mă-lei dang ei dêh char âu jing oh inh pơgơ̆r, yua kơ đơ̆ng Kră Yang ăn kơ sư.

I Pot 3:7

Dang ei ơ Kră Yang 'Bok Kei-Dei inh, Ih ăn bơih kơ inh đĭch đam Ih pơm pơtao pơtrơp đơ̆ng Đawit, 'bă inh; mă-lei inh bơngai oei 'lơ̆p, ưh kơ băt wă pơgơ̆r teh đak thoi yơ.

I Pot 4:24

Sôlômôn pơgơ̆r jơ̆p kơ dêh char gah bơmơ̆t kơ đak Krong Ơphrat, sư pơgơ̆r hloi lu pơtao dêh char noh, đơ̆ng pơlei Tipsa truh tơ pơlei Gasa păng sư oei hiôk hơiă hăm kon pơlei pơla jum dăr kơ sư.a

I Ho 22:18

Đawit khan: “Ưh kơ trŏ Kră Yang 'Bok Kei-Dei iĕm oei hơdai hăm lu iĕm hă? Sư ăn kơ iĕm tơdrong rơnŭk rơnua puăn pah yua kơ Sư ăn kơ inh kon pơlei oei lăm char 'nâu păng tơring 'nâu, chu kiơ̆ 'bơ̆t anăp Kră Yang păng 'bơ̆t anăp lu kon pơlei pơla Sư.

II Ho 6:15

Hăm đĭch đam Ih Đawit, 'bă inh, Ih oei răk dôm nơ̆r mă Ih đei pơkăm hăm sư sĭt tơpă đơ̆ng nơ̆r Ih đei pơkă hăm ti Ih pơm pơkeh hloi thoi mă đei boih dang ei.

I Pot 8:56

“Bơnê kơkuh ư-ang kơ Kră Yang mă ăn tơdrong hiôk hơđơ̆ng kơ lu bơngai Isơrael, kiơ̆ thoi dôm nơ̆r ih pơkă! Nơ̆r 'lơ̆ng tơpăt, mă ih yua 'bơ̆r Môis đĭch đam Ih bơtho, Ih khan ưh kơ đei nơ̆r ayơ mă ưh kơ đei pơm pơkeh.

Horiso 72:1

Ơ Kră Yang 'Bok Kei-Dei, apinh Ih ăn kơ pơtao gơh sek tơlang, Păng ăn kơ kon pơtao tơdrong 'lơ̆ng tơpăt đơ̆ng Ih.