I Ho 21:18 - Sơ̆p Hlabơar Nơ̆r 'Bok Kei-Dei

¹⁸ Kơplah noh linh jang 'lơ̆ng Kră Yang khan kơ Gat athei khan kơ Đawit: Ih athei năm pơm minh pôm chơnang soi kơ Kră Yang tơ anih pơjuă 'ba Ôrnan bơngai Jêbus.”

I Ho 21:18 Referans Kwoze

II Ho 3:1

Sôlômôn pơtơm pơm hnam akŭm kơ Kră Yang lăm pơlei Jêrusalem, kơpal kông Môria, anih mă Kră Yang đei jur tơ'bôh kơ Đawit, 'bă sư, tơ anih mă Đawit đei rơ̆ng hơmet, 'bơ̆t anih pơjuă 'ba Arauna, bơngai Jêbus.

II Sam 24:18

Lăm năr noh, Gat bơngai khan lê̆ adrol năm khan kơ pơtao Đawit: “Apinh pơtao năm truh tơ dơnih pơjuă 'ba Arauna bơngai Jêbus păng tơiung pơdơ̆ng 'bơ̆t doh minh pôm chơnang soi kơkuh kơ Kră Yang.”

I Ho 21:15

Kră Yang 'Bok Kei-Dei wơh linh jang 'lơ̆ng năm pơrăm pơlei Jêrusalem. Mă-lei kơplah lu linh jang 'lơ̆ng oei năm pơrăm pơlei Jêrusalem, Kră Yang sơ'ngon 'bôh kơ tơdrong pơrăm tih 'nâu; sư khan kơ linh jang 'lơ̆ng mă oei pơrăm: “Dôm bơih, gơ̆t ti ih.” Kơplah noh linh jang 'lơ̆ng dơ̆ng 'bơ̆t anih preh 'ba Ôrnan bơngai Jêbus.

I Ho 21:11

Gat năm roi kơ Đawit. Kră Yang khan. ‘Ih athei rơih iŏk.’

I Ho 21:19

Thoi noh Đawit tŏk năm kiơ̆ thoi Gat khan hăm anăn Kră Yang.

I Ho 22:1

Na Đawit khan. “'Bơ̆t âu gô pơm hnam Kră Yang 'Bok Kei-Dei; păng 'bơ̆t âu boih anih chơnang soi 'buh kơ lu bơngai Isơrael.”