I Ho 21:17 - Sơ̆p Hlabơar Nơ̆r 'Bok Kei-Dei

¹⁷ Đawit Krao Kră Yang 'Bok Kei-Dei: “Hăm trŏ inh athei đe jô̆ kon pơlei? Inh bơih pơm tơdrong yoch kơnê̆ dêh? Bĕ lu triu âu hăm đei pơm kiơ ưh? Ơ Kră Yang 'Bok Kei-Dei inh, apinh ih phak inh păng hnam dơnŏ inh, 'nĕ ăn tơdrong jĭ lôch hơbuh pơm kơ kon pơlei pơla Ih.”

I Ho 21:17 Referans Kwoze

Êsêkiên 16:63

Na ih gô 'blŏk păng mơlâu kơplah Inh đei mơnat ăn tôm tơdrong mă ih đei pơm, ih pă gơh ha 'bơ̆r pơma dơ̆ng yua kơ mơlâu, Kră Yang tih hloh khan thoi noh.”

I Yo 3:16

Bơ̆n băt boih Kră Yang Yêsu Krist 'mêm mơnat kơ bơ̆n tơpă yua kơ Sư ăn akâu Sư kơdih lôch yua kơ bơ̆n. Thoi noh bơ̆n athei ăn akâu bơ̆n kơdih lôch yua kơ 'nhŏng oh bơ̆n mơ̆n.

Rom 9:3

Inh 'mêm ră kơ lu bơngai Isơrael tă kơ 'nhŏng oh inh ngăl. Đon inh hơdơ̆r kơ lu sư lui kơ Yêsu Krist đĭ, lê̆ kơ inh ưh, pŭ dôm tơdrong phak lu sư ning-mônh.

Horiso 74:1

Kră Yang 'Bok Kei-Dei, yua kơ kiơ Ih achăng lê̆ nhôn ling-lang? Liơ Ih hil kơ lu triu lăm tơmăn 'nhĕt hơdrih Ih?

Horiso 51:14

Ơ Kră Yang 'Bok Kei-Dei, jơ̆ Kră Yang 'Bok Kei-Dei dŏng pơklaih inh, Apinh ih pơklaih inh đơ̆ng tơdrong tơlĕch pham, Noh na hơpiĕt inh gô hơri bơnê kơ Kră Yang 'lơ̆ng tơpăt.

Horiso 51:4

Inh pơm yoch boih hăm Ih. Lăp minh 'nu Ih đĕch, păng pơm kơnê̆ boih 'bơ̆t anăp Ih. Ih tơpăt, mưh Ih sek tơdrong păng trŏ 'lơ̆ng dah Ih sek tơlang.

Horiso 44:11

Ih jao lu nhôn nhen thoi triu wă pơm 'nhĕm, Păng pơm ăn kơ lu nhôn tơklah tơklang tơ jơ̆p-jang dêh char.

I Ho 21:8

Đawit hơdrĭ 'bơ̆t anăp Kră Yang 'Bok Kei-Dei na khan: “Inh pơm yoch tih dêh bơih inh pơm tơdrong âu. Apinh ih 'nĕ jô̆ kơ tơdrong yoch đơ̆ng đĭch đam Ih, yua kơ inh pơm hăm tơdrong kơhlôh dêh.”

I Pot 22:17

Mikai khan: “Inh 'bôh đĭ-đăng bơngai Isơrael tơklah tơklang jơ̆p kơ kông kŏ thoi triu ưh kơ đei bơngai wei; păng Kră Yang khan: ‘Lu sư ưh kơ đei tơ'ngla, rim 'nu kơ lu sư athei brŏk tơ hnam kơdih hăm tơdrong hiôk-hian.’ ”

II Sam 24:17

Lăp pơtao Đawit 'bôh linh jang 'lơ̆ng pơlôch pơrăm kon pơlei pơla, na pơtao apinh Kră Yang khan: “Inh boih mă bơngai yoch, inh boih mă bơngai glăi dêh! Na mă lu kon triu 'nâu lu sư ưh kơ đei pơm tơdrong kiơ ôh? Apinh ti Kră Yang pơrăm inh hăm 'nhŏng oh hnam 'bă inh đĕch.”

II Sam 24:1

Kră Yang hil dơ̆ng kơ kon pơlei Isơrael. Kră Yang pơdrŭt pơtao Đawit pơrăm lu sư, Sư khan hăm pơtao Đawit: “Athei năm jô̆ kon pơlei Isơrael păng kon pơlei Juđa.”

II Sam 12:10

Thoi noh na, dao ưh kơ đei layơ pơdơh pơrăm hnam dơnŏ ih, yua kơ ih ưh kơ pơyom kơ Inh, tơgar iŏk akăn Uri, bơngai Hêtit, pơm akăn ih.”

II Sam 7:8

Thoi noh dang ei, ih athei roi kơ Đawit, đĭch đam Inh Kră Yang Tih Hloh đei khan thoi âu: “Inh boih đei krao ih đơ̆ng tơmăn 'nhĕt anih ih oei wei triu, pôk ih jing bơngai pơgơ̆r kon pơlei Inh.

Jôsuê 22:18

Na dang ei lu iĕm pơ̆n achăng lê̆ Kră Yang hă? Tơdah năr 'nâu lu iĕm hơyăt kơ Kră Yang, dơning Kră Yang gô hil mĭl kơ khŭl tơpôl Isơrael.

Le 20:5

Iĕm 'nĕ drap kơkuh 'bơ̆t anăp lu rup noh păng kư̆m 'nĕ kơ soi sơmah kơ lu sư, yua kơ Inh boih Kră Yang 'Bok Kei-Dei iĕm, Inh Kră Yang 'Bok Kei-Dei băt kơ gar, dah bơngai bu areh kơ Inh, Inh gô jô̆ yoch đơ̆ng sư na phak truh tơ kon sâu se sư pêng puăn jơhnơr,

Bl 44:33

Yua kơ thoi ei, na apinh lê̆ inh pơm đĭch ih tơplih kơ bơngai 'lơ̆p âu, wă kơ sư brŏk kiơ̆ lu 'nhŏng sư.

Jôna 1:12

Jôna khan: Lu iĕm rôp klơ̆m lê̆ inh bĕ! Klơ̆m lê̆ tơ lăm đak dơsĭ, lei đak dơsĭ huay pă tơdrŏ. Inh băt boih yua kơ đơ̆ng inh na đei kial hơbŭt tih thoi âu: