I Ho 21:15 - Sơ̆p Hlabơar Nơ̆r 'Bok Kei-Dei

¹⁵ Kră Yang 'Bok Kei-Dei wơh linh jang 'lơ̆ng năm pơrăm pơlei Jêrusalem. Mă-lei kơplah lu linh jang 'lơ̆ng oei năm pơrăm pơlei Jêrusalem, Kră Yang sơ'ngon 'bôh kơ tơdrong pơrăm tih 'nâu; sư khan kơ linh jang 'lơ̆ng mă oei pơrăm: “Dôm bơih, gơ̆t ti ih.” Kơplah noh linh jang 'lơ̆ng dơ̆ng 'bơ̆t anih preh 'ba Ôrnan bơngai Jêbus.

I Ho 21:15 Referans Kwoze

Bl 6:6

Na Sư hmach kơdih Sư kơ tơdrong pơjing boih kon bơngai kơpal teh păng Sư sơ'ngon lăm jơhngơ̆m.

Le 32:14

Đơ̆ng noh Kră Yang tơplih tơdrong Sư tơchĕng wă pơm kơnê̆ lu kon pơlei pơla Sư.

Markôs 14:41

Lăp Yêsu wih đơ̆ng krao khan 'măng mă pêng Sư khan kơ lu đe noh: “Iĕm oei tep pơdơh 'biơ̆ hă? Thôi, dang ei truh jơ đe wă rôp Inh Kon Bơngai jao kơ lu bơngai yoch boih.

Je 26:18

Mika pơlei Môrêsêt, bơngai khan lê̆ adrol lăm chăl Hesekia, pơtao đe Juđa, kư̆m đei khan lê̆ adrol hăm lu bơngai Juđa: ‘Kră Yang Tih Hloh khan: Siôn đe gô choh rơuơ thoi chŭn, Jêrusalem gô pơchah răm jing juơ, păng kông đe man hnam akŭm jing bri kơdrơ̆ng.’

Je 7:12

“Thoi noh, năm bĕ tơ Silô anih Inh oei sơ̆, anih mă Anăn Inh oei blŭng-a na lăng Inh đei pơm kiơ kơ sư boih yua kơ tơdrong kơnê̆ lu bơngai Isơrael Inh;

Horiso 90:13

Ơ Kră Yang! Apinh Ih hơlơ̆k dơ̆ng. Ih wă hil dĭng dang yơ? Tơplih jơhngơ̆m Ih mơnat kơ đĭch đam Ih

Horiso 78:38

Mă-lei yua kơ tơdrong 'mêm mơnat Sư huay kơ jô̆ yoch, ưh kơ wă pơrăm lu sư; Lơ wơ̆t sư gơ̆t lê̆ kơ hil, Sư ưh kơ mah tơ'bôh dêh tơdrong Sư hil.

II Ho 3:1

Sôlômôn pơtơm pơm hnam akŭm kơ Kră Yang lăm pơlei Jêrusalem, kơpal kông Môria, anih mă Kră Yang đei jur tơ'bôh kơ Đawit, 'bă sư, tơ anih mă Đawit đei rơ̆ng hơmet, 'bơ̆t anih pơjuă 'ba Arauna, bơngai Jêbus.

I Pot 19:4

Gah Êli, sư năm tơ char glă dang minh năr kơ trong, sư hơ-oei ngôi 'bơ̆t yơ̆p tơm 'long hơngo, sư apinh 'maih wă kơ jah lôch. “Hrăp bơih, dang ei ơ Kră Yang! Jah iŏk bĕ tơdrong arih inh, yua kơ inh ưh kơ đei kiơ 'lơ̆ng hloh kơ lu 'bok kơdră inh.”

II Sam 24:18

Lăm năr noh, Gat bơngai khan lê̆ adrol năm khan kơ pơtao Đawit: “Apinh pơtao năm truh tơ dơnih pơjuă 'ba Arauna bơngai Jêbus păng tơiung pơdơ̆ng 'bơ̆t doh minh pôm chơnang soi kơkuh kơ Kră Yang.”

II Sam 24:16

Linh jang 'lơ̆ng chro ti sư tơ gah pơlei Jêrusalem wă pơrăm lê̆ pơlei, mă-lei Kră Yang ưh pă wă pơmat lu sư dơ̆ng, na Sư khan kơ linh jang 'lơ̆ng mă oei pơrăm kon pơlei pơla: “Tôm boih! Dui ti ih brŏk bĕ!” Kơplah noh linh jang 'lơ̆ng Kră Yang oei 'bơ̆t dơnih pơjuă 'ba, Arauna, bơngai Jêbus.

Lu 10:16

Lu sư hŭt lê̆ đĭ lu yang nai đêl lu sư kơkuh păng awih awăn chu kiơ̆ Kră Yang. Kră Yang Sư sơ'ngon dêh 'bôh lu bơngai Isơrael pơmat-tat.

Lu 2:18

Kơplah Kră Yang rơih lu 'bok sek tơlang ăn kơ lu bơngai Isơrael, Sư oei hơdai hăm lu 'bok sek tơlang noh păng yua lu sư pơklaih lu bơngai Isơrael đơ̆ng ti lu bơngai mă ayăt kơ lu sư Kră Yang mơnat kơ lu sư ôr krao yua kơ ayăt lu bơngai pơm kơnê̆ pơjuă pơđep lu sư.

Le 9:28

Krao khan bĕ kơ Kră Yang, wă kơ jah huay kơ grơ̆m glaih păng 'mi prĕl; na inh gô lê̆ lu iĕm năm, ưh pă gô đunh dơ̆ng boih.

Jôna 4:2

Sư krao khan kơ Kră Yang thoi âu: Ơ Kră Yang, noh hăm trŏ inh đei băt boih kơplah inh oei lăm dêh char nhôn sơ̆? Yua kơ noh na inh hăt hot kơdâu klĕnh tơ pơlei Tarisi. Yua kơ inh băt boih Ih jơ̆ Kră Yang 'Bok Kei-Dei iơ̆m dim, băt mơnat, hiơ̆ kơ hil, 'bĕnh hăm tơdrong 'mêm mơnat, ưh kơ wă pơrăm.

Je 26:9

“Liơ ih pơ̆n yua anăn Kră Yang pơma lê̆ adrol khan: Hnam akŭm âu gô thoi Silô, pơlei âu gô juơ ưh kơ đei bơngai oei?” Na đĭ-đăng kon pơlei akŭm wang Jêrêmi lăm hnam Kră Yang.

I Kor 10:10

Bơ̆n 'nĕ ơh kơ 'Bok Kei-Dei thoi lu yă 'bok bơ̆n sơ̆; lu sư ơh kơ 'Bok Kei-Dei na 'Bok Kei-Dei pơrăm lu sư, ăn linh jang 'lơ̆ng jur pơlôch.

Bl 19:13

Nhi wă pơrăm lê̆ anih âu, yua kơ đei nơ̆r roi tơdrong kơnê̆ kơtơ̆ng truh tơ Kră Yang, thoi noh na Sư wơh nhi jur tơ âu wă pơrăm.”

I Sam 15:11

Inh hmach dêh pôk boih Sôl pơm pơtao; yua kơ sư achăng lê̆ Inh, ưh kơ pơm kiơ̆ nơ̆r Inh. Samuel blĕk krao khan kơ Kră Yang prăt măng.

Jôna 3:10

Kơplah noh Kră Yang 'Bok Kei-Dei 'bôh tơdrong lu sư hŭt achăng lê̆ đĭ trong kơnê̆, Kră Yang 'Bok Kei-Dei 'mêm mơnat ưh kơ pơrăm lu sư kiơ̆ thoi sư đei pơkă wă pơrăm.

Am 7:3

Kră Yang tơplih đon tơchĕng. Kră Yang khan thoi âu: Tơdrong noh huay pă đei truh dơ̆ng.

Am 7:6

Kră Yang khan: Tơdrong noh huay pă truh dơ̆ng.