I Ho 19:9 - Sơ̆p Hlabơar Nơ̆r 'Bok Kei-Dei

⁹ Lu bơngai Ammôn lĕch năm tơblah 'bơ̆t 'măng jang pơlei, lu pơtao nai sư oei dan linh sư tơ lăm bri tơmăn.

I Ho 19:9 Referans Kwoze

Jôel 2:5

Lu sư pơplŏng truh tơ wĕch kông, thoi noh kơtơ̆ng thoi re gre aseh, kơtơ̆ng thoi pla ŭnh sa hơnong 'ba; noh thoi minh khŭl linh tih pran kơtang, săp pơrĕng wă năm tơblah.

Je 50:42

Lu sư chĕp hră, tơju, khĕnh dêh ưh kơ đei băt mơnat. Jơwa re lu sư thoi đak dơsĭ poh-yă; lu sư hao aseh. Lu sư hơmet lê̆ thoi linh năm tơblah wă tơblah hăm ih. Ơ kon adruh Babilôn.

Êsai 28:6

Sư bơih ăn kơ lu bơngai sek tơlang đei yŏng tơpăt păng ăn jơhngơ̆m nuih pran kơ lu bơngai wă blah tơweh lu ayăt đơ̆ng 'măng jang.

II Ho 14:10

Asa năm sơng tơ'bơ̆p sư, săp linh năm tơblah tơ lăm thŭng Sêphatha jê̆ pơlei Marêsa.

II Ho 13:3

Abija năm tơblah chĕp ba linh, puăn-hrĕng rơbâu linh nuih pran kơtang; gah Jêrôbôam năm tơblah hăm sư chĕp ba tơhngam-hrĕng rơbâu linh, 'nâu lu linh nuih pran kơtang

I Pot 20:24

Apinh pơtao athei pơm thoi âu: Tơjur đĭ lu pơtao 'noh đơ̆ng anih lu sư pơgơ̆r linh, na pôk atŏk lu yŏng linh pơgơ̆r tơplih lu sư.

I Pot 20:1

Ben Hadat pơtao dêh char Siri, sư krao akŭm đĭ-đăng lu linh sư; đei pêng-jĭt 'bar 'nu pơtao kiơ̆ sư. Aseh păng gre aseh kư̆m lơ, lu sư tŏk năm wang Pơlei Samari păng blah.

II Sam 18:4

Pơtao drơ̆ng: “Ơ, inh gô pơm kiơ̆ lu iĕm 'bôh khan 'lơ̆ng.” Na, pơtao dơ̆ng 'bơ̆t 'măng jang pơlei, kơplah khŭl linh lĕch năm kiơ̆ kơ khŭl minh-hrĕng khŭl minh-rơbâu,

II Sam 10:8

Khŭl linh Ammôn lĕch dă 'bơ̆t trong wă mơ̆t tơ pơlei tih, gah lu linh Siri dă 'bơ̆t Sôba păng oei tơ Rêhôp, lu linh oei tơ pơlei Top păng oei tơ Maaka lu sư dă kơdih pha tơ bri tơ tơmăn glă.

I Sam 17:2

Sôl păng lu bơngai Isơrael kư̆m akŭm băl mơ̆n pơm kơđông lăm thŭng Êlah na dă lu linh sư wă tơblah hăm lu kon pơlei bơngai Philistin.

I Ho 19:8

Đawit kơtơ̆ng thoi noh na sư wơh Jôap hăm đĭ-đăng lu linh nuih pran sư.

I Ho 19:10

Jôap 'bôh đe dă linh gah anăp gah rŏng sư, sư rơih lu linh hơgei đơ̆ng lăm bơngai Isơrael, năm găn tơblah hăm lu linh Siri.