I Ho 18:2 - Sơ̆p Hlabơar Nơ̆r 'Bok Kei-Dei

² Đawit tơblah hăm Môap jei sư, bơngai Môap chu kiơ̆ Đawit păng ra jên ăn kơ sư.

I Ho 18:2 Referans Kwoze

Êsai 16:1

Ba ăn bĕ triu kon thuê̆ kơ bơngai pơgơ̆r teh đak 'nâu, đơ̆ng pơlei Sêla rok char glă, truh tơ kông kon pơlei Siôn.

Êsai 11:14

Mă-lei lu sư gô jur năm pơm kơ Philistin tơ gah bơmơ̆t, lu sư wang plah tơgar iŏk pơlei teh đak gah hơlĕch, lu sư yơ̆r ti pơm kơ Eđôm păng Môap, Ammôn gô chu kơ lu sư.

Horiso 60:8

Môap jơ̆ anih inh hum, 'nhao. Inh plôh chơkhŏ inh tơ Eđôm. Chơt hiôk bĕ yua kơ jei inh boih char Philistin.”

I Pot 10:25

Rim sơnăm, bu năm kư̆m chĕp ba tơmam pơyơ̆r ăn kơ pơtao, mơ'nah pơm păng hu mơ'nah pơm păng maih, hơbĕn ao, đao hơlă, đak pơgang 'bâu phu, aseh, aseh iĕ.

I Pot 10:2

Yă pơtao sư truh tơ pơlei Jêrusalem hơdai hăm lơ bơngai lơ aseh lăk-đa chơ pơgang 'bâu phu, đei maih lơ păng lu tơmo gĭt kư̆m lơ. Lăp sư năm truh tơ Sôlômôn bơih, sư roi kơ pơtao Sôlômôn dôm đon sư tơchĕng wă jet 'noh.

II Sam 8:2

Sư kư̆m blah bơngai Môap jei sư, rôp athei lu sư 'bĭch sap tơ teh na iŏk tơlei pơtŏ, mưh 'bar jăl tơlei pơlôch, minh jăl tơlei ăn arih, thoi noh bơngai Môap athei chu jang păng ăn thuê̆ kơ Đawit.

I Sam 10:27

Mă-lei đei lu bơngai mơ'nah pơjăm sư khan: Sư 'noh khan wă dŏng tơgŭm yă kiơ đei đăi? Lu sư pơjăm lăng Sôl ưh kơ rơ-a, ưh kơ wă chĕp ăn kơ sư tơmam kiơ ôh. Mă-lei Sôl sư ngăn hreh đĕch.

Jo 24:17

Inh 'bôh sư, mă-lei ưh kơ sĭ dang ei ôh; inh lăng tơ sư, mă-lei ưh kơ 'bôh jê̆ ôh; Đei minh pôm sơnglŏng lĕch đơ̆ng Jakôp. Đei minh pôm 'long jra pơtao lĕch dơ̆ng Isơrael; Gô teh pơchah kơ̆l Môap păng pơlôch đĭ kon bơngai mă ngăl iung blah sư.

I Ho 18:1

Đang kơ noh Đawit tơblah hăm lu bơngai Philistin jei sư, păng lu sư chu kiơ̆, păng blah iŏk pơlei Gat hăm đĭ-đăng lu pơlei iĕ jum dăr đơ̆ng lu Philistin.

I Ho 18:3

Đawit tơblah hăm Hadadêser pơtao Sôba truh tơ pơlei Hamat, kơplah sư pơjing kơjăp tơdrong sư wei-lăng truh tơ đak Krong Ơphrat.