I Ho 18:17 - Sơ̆p Hlabơar Nơ̆r 'Bok Kei-Dei

¹⁷ Bênaia kon drŏ-nglo Jêhôiada pơgơ̆r lu bơngai Kêrêthit hăm lu Pêlithit; lu kon drŏ-nglo Đawit jing yŏng pơgơ̆r lăm tơdrong jang pơtao.

I Ho 18:17 Referans Kwoze

II Sam 8:18

Bênaia kon tơdăm Jêhôiada pơm yŏng pơgơ̆r linh wei pơtao, lu kon pơlei Kêrêthit păng kon pơlei Pêlithit; gah lu kon drŏ-nglo Đawit tơgŭm sư chă đon.

II Sam 15:18

Đĭ-đăng đĭch đam pơtao păng đĭ lu bơngai Kêrêthit, bơngai Phêlêthit, păng tơdrâu-hrĕng bơngai Gitit, mă oei hơdai pơtao đơ̆ng pơlei Gat yak adrol kơ pơtao.

Jêphania 2:5

Răm-'băm tơpă kơ pơlei mă oei jê̆ đak dơsĭ, wă khan lu adrĕch Kêrêthit! Ơ Kanaan jơ̆ teh đak Philistin, nơ̆r Kră Yang kư̆m pơma blah lu iĕm; “Inh gô pơlôch pơgoh đĭ lu iĕm dĭng pă đei.”

I Ho 23:28

Tơdrong jang lu bơngai Lêwi tơgŭm kon sâu Arôn, wă bơ̆jang lăm hnam Kră Yang, wei-lăng lu cham hnam, păng lu anih cheng, pơm rơgoh lu tơmam 'lơ̆ng rơgoh păng lăng awih awăn lăm hnam Kră Yang 'Bok Kei-Dei.

I Pot 1:44

Pơtao Đawit đei wơh 'bok soi Sadok, Nathan bơngai khan lê̆ adrol, Bênaia kon drŏ-nglo Jêhôiada, lu bơngai Kêrêthit păng lu bơngai Phelêthit kiơ̆ Sôlômôn, đơ̆ng noh lu sư hiŏng atŏk Sôlômôn tơ kơpal aseh dăm pơtao.

I Pot 1:38

Thoi noh 'bok soi Sadok, Nathan bơngai khan lê̆ adrol, Bênaia kon drŏ-nglo Jêhôiada păng lu bơngai Kêrêthit, lu bơngai Phêlêthit jur năm hiŏng atŏk Sôlômôn tơ kơpal kơdŭ aseh dăm pơtao Đawit, klaih kơ noh năm ba sư tơ pơlei Gihôn.

II Sam 20:23

Jôap pơgơ̆r đĭ-đăng lu linh Isơrael; Bênaia kon drŏ-nglo Jêhôiada pơm yŏng lu bơngai Kêrêthit păng Pêlêthit;

II Sam 20:7

Abisai pơgơ̆r linh Jôap, khŭl linh sư bơngai Kêrêthit; păng bơngai Phêlêthit păng đĭ-đăng lu bơngai nuih kơtang lĕch dơ̆ng pơlei Jêrusalem, druh 'moi Sêba, kon Bikri.

I Sam 30:14

Lu nhôn năm blah tơgar tơ teh goh gơal kon pơlei Kêrêthit, lăm dêh Juđa păng kư̆m năm blah tơgar tơ teh gah gơal kơ Kalep lu nhôn soh pơđĭ Siklak.

I Ho 18:16

Sadok kon drŏ-nglo Ahitup păng Ahimalek kon drŏ-nglo Abiathar pơm 'bok soi, Sausa jing kră tơm chih hla bơar.

I Ho 19:1

Đunh 'biơ̆ đơ̆ng noh Nahas pơtao Ammôn lôch. Kon drŏ-nglo sư pơm pơtao pơgơ̆r pơtrơp sư.

Ne 11:24

Pêthahia, kon drŏ-nglo Mêsêsabel adrĕch Sêra kon drŏ-nglo Juđa, oei jê̆ pơtao lăm tôm tơdrong jang trŏ kơ kon pơlei.