I Ho 18:14 - Sơ̆p Hlabơar Nơ̆r 'Bok Kei-Dei

¹⁴ Đawit pơm pơtao pơgơ̆r đĭ-đăng bơngai Isơrael; sư pơm dôm tơdrong 'lơ̆ng tơpăt, tơdrong trŏ hăm đĭ-đăng lu kon pơlei sư.

I Ho 18:14 Referans Kwoze

Je 33:15

“Lăm lu 'năr noh păng kơplah ei kơnh, Inh gô ăn đei minh pôm dơng tơpăt sĭt chăt đơ̆ng adrĕch Đawit. 'Bok noh gô pơm tơdrong tơpăt hơnơ̆ng lăm teh đak.

Horiso 89:14

Tơdrong 'lơ̆ng tơpăt păng tơdrong tơpăt hơnơ̆ng jing hơnă tăng dŏ pơtao Ih. Tơdrong 'mêm, tơdrong 'lơ̆ng tơpăt năm 'bơ̆t anăp Ih.

Je 22:15

Hăm trŏ ih tơchĕng ih pơm pơtao, yua kơ ih pơm hnam hăm 'long hơngo 'lơ̆ng hloh kơ đe? Hăm trŏ kơ 'bă ih sơ̆ đei sŏng sa đak nhă? Sư pơm tơdrong 'lơ̆ng tơdrong tơpăt, na đei tơdrong 'lơ̆ng rŏ kơ sư.

Êsai 9:7

Nơ̆r Kră Yang hơtă hil kơ Jakôp păng nơ̆r noh tuh ăn kơ Isơrael.

I Ho 12:38

Lu bơngai 'nâu lu linh đei đon gơh hơgei kơ tơblah, đei jơhngơ̆m kơjăp nuih năm tơ Hêbrôn wă pôk Đawit pơm pơtao pơgơ̆r đĭ-đăng dêh char Isơrael. Đĭ-đăng lu bơngai Isơrael nai kư̆m dai minh jơhngơ̆m pôk Đawit pơm pơtao.

II Sam 8:15

Đawit pơm pơtao pơgơ̆r kơ đĭ-đăng dêh char Isơrael, pơgơ̆r kon pơlei sư hăm tơdrong juăt trŏ tơpăt.

I Ho 18:13

Sư pơm kơđông linh lăm char Eđôm; păng đĭ lu bơngai Eđôm chu kiơ̆ Đawit. Kră Yang ăn kơ Đawit tơblah jei sư ngăl tơ rim anih mă sư năm.

I Ho 18:15

Jôap kon drŏ-nglo Sêruia yŏng kơ đĭ-đăng lu linh, păng Jêhôsaphat, kon drŏ-nglo Ahilut jing tơ'ngla chih răk dôm tơdrong truh.

I Ho 29:26

Pơtao Đawit kon drŏ-nglo Jese, pơm pơtao pơgơ̆r đĭ-đăng lu bơngai Isơrael.

Horiso 72:1

Ơ Kră Yang 'Bok Kei-Dei, apinh Ih ăn kơ pơtao gơh sek tơlang, Păng ăn kơ kon pơtao tơdrong 'lơ̆ng tơpăt đơ̆ng Ih.