Biblia Todo Logo
Bib sou entènèt

- Piblisite -




I Ho 17:8 - Sơ̆p Hlabơar Nơ̆r 'Bok Kei-Dei

8 Inh đei oei hơdai hăm ih boih tơ rim anih ih năm păng Inh pơlôch đĭ-đăng lu ayăt 'bơ̆t anăp ih; păng Inh gô ăn anăn ih ư-ang nhen thoi anăn lu bơngai pơm tih hloh lăm teh đak,

Gade chapit la Kopi




I Ho 17:8
24 Referans Kwoze  

Nathan tơl Đawit. “Pơm bĕ tơdrong kiơ ih wă, yua kơ Kră Yang 'Bok Kei-Dei oei hơdai hăm ih.”


Đawit năm tơblah mă tơ yơ yơ kư̆m jei sư ngăl yua kơ Kră Yang oei hơdai hăm sư.


Mă-lei Kră Yang 'Bok Kei-Dei Tơ'ngla sek tơlang; Sư tơjur đe âu păng hơtŏk đe noh.


Ih gô pơư kơ inh rai dêh tơdrong 'lơ̆ng rŏ rai dêh. Hơlơ̆k pơlung inh dơ̆ng.


Kră Yang Tih Hloh oei hơdai lu nhôn. Kră Yang 'Bok Kei-Dei Jakôp jơ̆ anih mă lu nhôn kơ'nơp. Sêla


Wă Sôl lăng băt Kră Yang oei hơdai hăm Đawit, Mikal kon drŏ-kăn Sôl hưch 'mêm kơ Đawit


'Nâu, inh gô oei hơdai ih, mă ih năm tơ yơ, inh gô kiơ̆ wei-lăng ih tơ noh păng gô anhăk ih wih brŏk tơ dêh âu; yua kơ Inh ưh kơ đei layơ wă achăng lê̆ ih dĭng mă Inh pơm keh dôm nơ̆r Inh đei pơkă boih hăm ih.


Sư tơjur tŭk đĭ lu bơngai mă pơm tih sơ̆, na atŏk dơ̆ng lu bơngai mă pơm iĕ hloh kơ đe.


Ơ Kră Yang, inh 'mêm kơ Ih boih jơhngơ̆m inh pran.


Tơ pơlei Jêrusalem kư̆m đei boih lu pơtao pran kơtang, wei-lăng pơgơ̆r đĭ jơ̆p kơ dêh char gah to đak krong păng lu đe tuh pơyơ̆r ăn tơmam, ăn jên thuê̆ păng ăn jên trong kơ lu pơtao noh.


Tơdrong âu Ih lăng thoi oei iĕ đĕch 'bơ̆t anăp Ih, Ơ Kră Yang 'Bok Kei-Dei, Ih kư̆m đei roi mơ̆n kơ dêh char pơtao đĭch đam Ih tơ anăp âu kơnh păng lăng inh thoi bơngai đei đe pơyom hloh, Ơ Kră Yang 'Bok Kei-Dei.


Pơtao Đawit pơyơ̆r kơ Kră Yang lu nơ̆r hơri 'nâu, đơ̆ng rŏng kơ Kră Yang dŏng pơklaih sư đơ̆ng ti bơngai ayăt păng đơ̆ng ti pơtao Sôl.


Pơtao Đawit kư̆m đei thu iŏk lơ mam kong pơtao Hadadêser đơ̆ng pơlei Beta păng pơlei Bêrôthai.


Pơtao Đawit pơm kơđông lăm pơlei Đamas, kon pơlei Siri jing bơngai bơ̆jang ăn kơ Đawit, păng ăn thuê̆ kơ Đawit; Kră Yang ăn kơ Đawit kĕ jei tơ rim anih sư tơblah.


Inh đei oei hơdai hăm ih, lăm rim anih ih năm pơrăm lê̆ lu ayăt kơ ih đơ̆ng anăp ih; Inh gô ăn kơ anăn ih đe ư-ang tih kư̆m thoi anăn bơngai yŏng mơng lăm teh đak.


Sư khan dơ̆ng: Đei Kră Yang mă arih ling-lang, inh pơkă hăm ih, tơpă Kră Yang gô ăn kơ sư lôch, dah trŏ kơ măng năr sư gô lôch, dah sư lôch kơ tơblah,


Kră Yang Tih Hloh oei hăm lu nhôn, Kră Yang 'Bok Kei-Dei Jakôp jơ̆ anih lu nhôn kơ'nơp. Sêla


Na dang ei khan bĕ kơ Đawit đĭch đam Inh Kră Yang Tih Hloh khan: Inh iŏk ih đơ̆ng dơnih 'nhĕt, đơ̆ng bơngai wei triu wă kơ ih pơm kră wei-lăng pơgơ̆r kon pơlei Inh bơngai Isơrael.


Inh gô ăn anih kơ kon pơlei pơla Inh Isơrael. Inh gô pơtăm lu sư tơ noh, wă kơ lu sư đei pơlei oei wă kơ đe huay pă đei pơrŭng lu sư boih, hăm wă kơ lu bơngai kơnê̆ pă đei năm pơrăm lu sư dơ̆ng, thoi chăl adrol sơ̆,


Anăn Đawit kơtơ̆ng ư-ang jơ̆p-jang kơ teh đak; Kră Yang pơm ăn kơ lu khŭl kon pơlei pơla hli kơ Đawit.


Swiv nou:

Piblisite


Piblisite