I Ho 17:5 - Sơ̆p Hlabơar Nơ̆r 'Bok Kei-Dei

⁵ Inh ưh tam mă oei ôh lăm hnam đơ̆ng năr Inh chông tơlĕch lu bơngai Isơrael đơ̆ng dêh Êyiptơ truh tơ năr âu, Inh năm đơ̆ng bơsŭn âu tơ bơsŭn nai, đơ̆ng anih oei âu tơ anih oei nai.

I Ho 17:5 Referans Kwoze

II Sam 7:6

Đơ̆ng năr Inh anhăk kon pơlei Isơrael lĕch đơ̆ng dêh Êyiptơ truh tơ dang ei, Inh ưh kơ đei oei tơ lăm hnam ayơ, mă-lei kơplah chă năm tơ âu tơ noh Inh oei lăm bơsŭn đĕch.

I Pot 8:16

‘Iŏk đơ̆ng năr Ih pơklaih lu bơngai Isơrael đơ̆ng dêh Êyiptơ, Inh ưh kơ đei rơih iŏk ôh khŭl bơngai bu đơ̆ng lăm bơngai Isơrael, pơjing pơm Hnam akŭm wă kơ anăn Inh oei lăm noh. Mă-lei Inh đei iŏk bơih Đawit wă kơ sư pơgơ̆r lu bơngai Isơrael kon pơlei Inh.’

II Ho 6:18

Hăm tơpă Kră Yang 'Bok Kei-Dei oei hơdai hăm kon bơngai tơ ala teh âu? Tơ plĕnh mă đĭ hơtăl plĕnh, kư̆m ưh kơmah kơ Ih, pơma kiơ hnam mă inh pơm boih 'nâu!

II Ho 2:6

Lei na bu kĕ pơm ăn hnam kơ Kră Yang? Mă lu plĕnh, plĕnh kơ lu tăl plĕnh kư̆m ưh kơ gơh 'măn kơ Sư mơ̆n! Lei inh âu bu, mă gơh pơm hnam ăn kơ Kră Yang? Pơm hnam lăp wă soh 'long 'bâu phu 'bơ̆t anăp Sư.

I Pot 8:27

Mă-lei Kră Yang, tơpă Ih wă oei tơ lăm teh âu? Mă đĭ-đăng lu plĕnh jơ̆p-jang kơpal plĕnh kư̆m tam mă mah kơ oei, pơma kơ kiơ Hnam akŭm âu đơ̆ng inh pơjing ăn kơ Ih.

I Pot 8:4

Lu sư tung ba hloi hnam khăn anih akŭm. Hom Pơgơ̆p chĕp ba dôm tơmam rơgoh năm hloi tơ anih noh; lu 'bok soi păng bơngai Lêwi tung hom pơgơ̆p 'noh.

II Sam 6:17

Lu sư ba Hom pơgơ̆p Kră Yang ming tơ anih bơsŭn Đawit đei hơmet lê̆ boih anih kơ Hom pơgơ̆p; đơ̆ng noh Đawit pơyơ̆r tơmam soi 'buh pơkhôi kơ Kră Yang păng tơmam soi et sa chơt hiôk.

II Ho 6:5

‘Đơ̆ng năr Inh chông tơlĕch kon pơlei pơla inh đơ̆ng dêh char Êyiptơ, Inh ưh tam mă đei rơih iŏk ôh pơlei ayơ đơ̆ng lăm lu adrĕch Isơrael wă pơm hnam kơ Anăn Inh tơ noh păng Inh kư̆m tam mă đei rơih bu pơm pơtao pơgơ̆r lu bơngai Isơrael Inh;

II Ho 6:6

Mă-lei Inh đei rơih boih Jêrusalem, wă kơ Anăn Inh tơ noh păng rơih Đawit wă pơgơ̆r kon pơlei pơla Inh Isơrael.’ ”