I Ho 17:14 - Sơ̆p Hlabơar Nơ̆r 'Bok Kei-Dei

¹⁴ Inh gô pơm kơ sư kơjăp lăm hnam Inh hăm lăm dêh char pơtao Inh ling-lang, tang-dŏ pơtao sư gô kơjăp ling-lang.”

I Ho 17:14 Referans Kwoze

Horiso 89:36

Adrĕch adrung sư oei oei ling-lang, Tang-dŏ pơtao sư gô sot thoi măt 'năr 'bơ̆t anăp Inh.

Horiso 72:17

Anăn sư gô oei đei ling-lang. Măt 'năr sư oei đei dang yơ, anăn sư gô oei dang noh; Kon pơlei đei pŭn hiôk đơ̆ng sư! Lu kon pơlei gô sơkat kơ sư đei pŭn hiôk.

Hêbrơ 3:6

Mă Yêsu Krist Sư kư̆m jang trŏ thoi 'Bok Kei-Dei pơkă mơ̆n, mă Sư jang wei-lăng đĭ-đăng kơ hnam dơnŏ 'Bok Kei-Dei hloi, yua kơ Sư Kon 'Bok Kei-Dei. Lu bơ̆n, tơ̆ng bơ̆n oei lui kơjăp, bơ̆n kư̆m hnam dơnŏ Sư mơ̆n, dah bơ̆n oei gơnang kơ Sư tơgŭm bơ̆n khŏm khŏm.

Horiso 2:6

“Mă-lei, Inh pơjing boih Tang-dŏ Tang-dŏ pơtao Inh tơ kơpal kông Siôn rơgoh.”

I Ho 17:13

Inh jing 'bă sư păng sư jing kon drŏ-nglo Inh, Inh ưh kơ đei pơdrâu iŏk ôh tơdrong Inh 'mêm đơ̆ng sư, thoi inh pơdrâu iŏk đơ̆ng bơngai adrol kơ ih.

I Ho 17:15

Nathan roi đĭ-đăng tơdrong tơ'bôh nơ̆r tơtă kơ Đawit.