I Ho 16:40 - Sơ̆p Hlabơar Nơ̆r 'Bok Kei-Dei

⁴⁰ Wă kơ pơyơ̆r tơmam soi 'buh kơ Kră Yang tơ kơpal chơnang soi 'buh ling-lang pơgê hăm kơsơ̆, kiơ̆ thoi đei chih lăm tơdrong juăt Kră Yang pơkă bơih kơ lu bơngai Isơrael.

I Ho 16:40 Referans Kwoze

Am 4:4

Năm bĕ tơ pơlei Bethel, na pơm yoch; năm bĕ tơ pơlei Gilgal, na pơm yoch rai thim dơ̆ng! Rim pơgê chĕp ba bĕ tơmam soi lu iĕm păng kư̆ kơtĕch pêng năr pơyơ̆r minh lăm mơjĭt đơ̆ng tơmam lu iĕm!

Da 9:21

thoi ei inh oei pơma lăm tơdrong krao khan âu, Gabrel, bơngai mă inh đei 'bôh lăm tơdrong tơ'bôh kơ inh blŭng-a, đei wơh păr hrĕnh năm hơtŭt kơ inh 'bơ̆t jơ đe pơyơ̆r tơmam soi 'buh kơsơ̆.

Esơra 3:3

Lu sư hli kơ kon pơlei kơtă, mă-lei pơm ming chơnang soi tơ hơnă so sư păng soi pơyơ̆r tơmam soi kơ Kră Yang tơ noh, wă khan tơmam soi 'buh gah pơgê păng kơsơ̆.

II Ho 31:3

Pơtao ăn tơmam soi sư kơdih wă pơyơ̆r pơm tơmam soi 'buh kiơ̆ pơgê kiơ̆ kơsơ̆, lăm năr giĕng Sa'bat, năr khei tơ'bang blŭng-a păng lăm lu năr giĕng tih kiơ̆ thoi đei chih răk lăm sơ̆p hla bơar khôi juăt Kră Yang.

II Ho 2:4

Dang ei inh wă pơm hnam kơ Anăn Kră Yang 'Bok Kei-Dei inh, wă 'măn lê̆ Hnam noh kơ Sư, wă soh 'long 'bâu phu 'bơ̆t anăp Sư, dan 'bĕng rơgoh ling-lang, pơyơ̆r tơmam soi 'buh kiơ̆ pơgê păng gah kơsơ̆, păng lăm năr Sa'bat, năr Khei Tơ'bang blŭng-a Khei Tơ'bang, păng lăm lu năr giĕng Kră Yang 'Bok Kei-Dei nhôn; noh bơih minh tơdrong pơkă kơ lu bơngai Isơrael athei kiơ̆ ling-lang hloi.

I Pot 18:29

Lăp 'năr kơsơ̆ glơh bơih lu sư krao ôr 'bơ̆r re păng truh jơ pơyơ̆r tơmam soi phe 'ba ăn kơ yang Baal 'bơ̆t jơ kơsơ̆ ei bơih, mă-lei ưh kơ kơtơ̆ng nơ̆r kiơ, kư̆m ưh kơ đei bu tơl păng ưh kơ đei bu mă hiơ̆k ăn.

II Sam 8:17

Sadok kon tơdăm, Ahitup păng Ahimelek kon tơdăm Abiathar pơm 'bok soi; păng Sêraia pơm 'bok yŏng chih hla bơar.

Lêwi 9:17

Đơ̆ng noh sư pơyơ̆r tơmam soi hăm phe 'ba, sư chup minh kơđôp anhăk ba soh tơ chơnang soi 'nguaih kơ tơmam soi 'buh til pơgê.