I Ho 14:15 - Sơ̆p Hlabơar Nơ̆r 'Bok Kei-Dei

¹⁵ Lăp ih kơtơ̆ng jơ̆ng sư nơnăm yak lăm kơdrơ̆ng 'long hơngo bri, lei ih năm blah hloi, yua kơ Kră Yang 'Bok Kei-Dei năm adrol kơ ih wă tơblah lu linh Philistin.”

I Ho 14:15 Referans Kwoze

Jang 2:2

Lu sư kơtơ̆ng grơu đei re jơwa đơ̆ng plĕnh thoi lĕ kial hơbŭt tih 'bĕnh kơ hnam hloi.

Êsai 13:4

Mơ̆ng bĕ, đei nơ̆r ơ-ôs ơ-as tơ kơpal lu kông noh, thoi đei nơ̆r kon pơlei lơlap! Mơ̆ng bĕ, đei ôr krao re đơ̆ng lu dêh char, thoi lu dêh char akŭm băl! Kră Yang Tih Hloh akŭm lu linh Sư wă năm tơblah.

II Pot 19:7

Inh gô ăn minh tơdrong tơchĕng truh tơ lăm sư, sư gô kơtơ̆ng ang đe roi đơ̆ng noh sư gô wơ̆t brŏk tơ dêh char sư kơdih; tơ noh, Inh gô ăn kơ sư gô pơ̆k lôch kơ đao gưm lăm char sư kơdih.”

II Pot 7:6

Yua kơ Kră Yang hlôi pơm kơ lu linh Aram kơtơ̆ng jơwa gre aseh păng aseh mơdrâp mơdrăp, păng kơtơ̆ng jơwa khŭl linh lơ na lu sư pơma dơnuh: “Ei, pơtao đe Isơrael mưng iŏk lu pơtao đe Hêtit păng pơtao đe Êyiptơ wă blah bơ̆n.”

Lu 7:15

Lăp Giđêôn kơtơ̆ng roi kơ tơdrong apo păng kơtơ̆ng nơ̆r tơlang kơ tơdrong apo noh, na sư drap kơkuh kơ Kră Yang 'Bok Kei-Dei. Na sư wih brŏk tơ kơđông linh bơngai Isơrael păng khan: Iung bĕ, yua kơ Kră Yang pơjao boih linh bơngai Miđian lăm ti lu iĕm!

Lu 7:9

Lăm măng noh Kră Yang khan kơ Giđêôn: Iung bĕ, năm jur blah bơngai Miđian, yua kơ Inh jao boih kon pơlei noh kơ iĕm.

Lu 4:14

Đêbôra pơma hăm Barak khan: Iung bĕ! Năr 'nâu boih năr mă Kră Yang pơjao Sisêra lăm ti ih. Hăm trŏ kơ Kră Yang năm adrol kơ ih? Thoi noh na Barak jur đơ̆ng kông Tabôr, đei mơjĭt-rơbâu 'nu bơngai kiơ̆ sư.

Lêwi 26:36

Lu bơngai mă oei arih inh gô ăn kơ lu sư rơdu lêl kơplah lu sư oei lăm teh đak bơngai ayăt kơ lu sư. Minh hlak hla kial dơhlu kư̆m pơm kơ sư kơdâu ôn, lu sư kơdâu thoi đe kơdâu kơ đao hơlă păng gô pơ̆k mă ưh kơ đei bu druh sư.

II Sam 5:23

Đawit krao apinh Kră Yang, Sư tơl: “Ih 'nĕ kơ năm tơpăt, mă-lei athei năm wer đơ̆ng rŏng blah lu sư tơklă kơdrơ̆ng 'long hơngo bri.

I Ho 14:14

Na Đawit krao apinh Kră Yang 'Bok Kei-Dei dơ̆ng; Kră Yang 'Bok Kei-Dei tơl nơ̆r sư: “Ih 'nĕ kơ năm tơpăt lu sư, athei năm dăr đơ̆ng rŏng na blah lu sư tơ anăp kơdrơ̆ng 'long hơngo bri.

I Ho 14:16

Na Đawit pơm thoi nơ̆r Kră Yang 'Bok Kei-Dei pơkă ăn; păng lu sư blah pơrăm lu linh Philistin đơ̆ng Gibeôn truh tơ Geser.

Both 20:4

Yua kơ Kră Yang 'Bok Kei-Dei lu iĕm gô năm hơdai hăm lu iĕm, tơblah lu ayăt dŏng lu iĕm păng ăn jei lu iĕm.