I Ho 14:1 - Sơ̆p Hlabơar Nơ̆r 'Bok Kei-Dei

¹ Hiram, pơtao Tirơ, wơh bơngai năm tơ pơtao Đawit, hăm gơih ăn kơ sư 'long hơngo, bơngai man, bơngai jang 'long, wă pơm hnam pơtao ăn kơ sư.

I Ho 14:1 Referans Kwoze

Esơra 3:7

Lu sư asong ăn jên kơ lu bơngai gơh blah tơmo man păng lu bơngai gơh jang 'long păng ăn lu tơmam sa, đak nhă păng đak rơmă ăn kơ kon pơlei Siđôn păng kon pơlei Tirơ wă wơh lu sư chă 'long hơngo đơ̆ng Liban dui trong đak dơsĭ truh tơ Jôpa, đơ̆ng chơ truh tơ pơlei Jêrusalem kiơ̆ kơ Sirus pơtao đe Phersia đei tơjur athei.

II Ho 2:3

Sôlômôn gơih nơ̆r kơ Hiram pơtao dêh Tirơ khan: “Ih đei tơgŭm bơih 'bă inh, Đawit, ăn boih, 'long hơngo wă pơm hnam pơtao sư; apinh ih kư̆m tơgŭm inh thoi noh.

I Ho 22:2

Đawit krao akŭm lu bơngai tơmoi oei lăm char Isơrael sư pơkă kơ lu bơngai teh blah tơmo wă pơm hnam Kră Yang 'Bok Kei-Dei.

I Ho 17:1

Lăp Đawit oei lăm hnam pơtao sư boih, Đawit khan kơ Nathan bơngai khan lê̆ adrol: “Âu inh oei lăm hnam pơtao pơm păng 'long hơngo, mă-lei Hom Pơgơ̆p Kră Yang tơ lăm bơsŭn.”

I Pot 5:18

Lu bơngai thơ̆ jang kơ pơtao Sôlômôn păng pơtao Hiram, hăm lu bơngai Gêbal, lu sư teh tơmo păng kăl 'long wă pơm tơiung Hnam Akŭm.

I Pot 5:6

Thoi noh na ih athei lu đĭch đam ih kăl tơgŭm inh 'long hơngo đơ̆ng char Liban, na inh kư̆m gô athei lu đĭch đam inh hai dai wang jang tơgŭm đĭch đam ih, inh gô apah lu đĭch đam ih gô mơ̆ng kơ đơ̆ng ih hơgăt, yua kơ ih kư̆m băt mơ̆n lu nhôn ưh kơ juăt kơ kăl 'long thoi lu kon pơlei Siđôn ôh.”

I Pot 5:1

Kơplah Hiram pơtao Tirơ sư kơtơ̆ng Sôlômôn đe tuh đak rơmă 'bâu phu pôk pơm pơtao pơtrơp đơ̆ng 'bă sư Đawit, na sư wơh hloi lu đĭch đam sư năm tơ Sôlômôn, yua kơ Hiram ling-lang pơm buăl juăt pơtao Đawit.

II Sam 7:2

na pơtao khan kơ Nathan bơngai khan lê̆ adrol: “Lăng deh inh oei lăm hnam pơm păng 'long hơngo, gah Hom pơgơ̆p Kră Yang 'Bok Kei-Dei oei lăm bơsŭn pơm hăm che.”

I Ho 14:2

Đawit băt kơ Kră Yang ăn kơ sư pơm pơtao lu bơngai Isơrael. Teh đak sư rai tih rai să yua kơ Isơrael kon pơlei Kră Yang.

I Pot 5:15

Pơtao Sôlômôn đei tơpơh-jĭt rơbâu 'nu bơngai tung tôi, păng tơhngam-rơbâu 'nu bơngai teh tơmo kơpal kông.

II Ho 2:2

Sôlômôn krao pơtơm đei tơpơh hơngan 'nu bơngai wă kơ tung tơ'mơn, tơhngam hơngan thơ̆ teh blah tơmo kơpal kông păng pêng-rơbâu tơdrâu-hrĕng 'nu bơngai lăng wơh đe jang.