I Ho 12:40 - Sơ̆p Hlabơar Nơ̆r 'Bok Kei-Dei

⁴⁰ Na lu 'nhŏng oh đơ̆ng ataih truh, đơ̆ng teh đak Isakar, Sabulôn păng Neptali lu sư chơ tơmam sa păng aseh iĕ, lăk-đa, aseh lai păng rơmo, lu sư ba lơ tơpŭng 'bĕng mi, 'bĕng pơlei hơra, hơmu kro, sik, đak rơmă, hăm dui ba rơmo păng triu lơlap lơlang, yua kơ đei tơdrong chơt hiôk lăm dêh char Isơrael.

I Ho 12:40 Referans Kwoze

I Sam 25:18

Abigail hăt hot iŏk 'bar-hrĕng tŏ tơpei 'bĕng, 'bar kơthŭng akar sik hơmu; 'nhĕm pơđăm tŏ triu pai sĭn boih. Pơđăm kơthŭng phe 'ba mi hơdrĕng. Minh-hrĕng hơie plei hơmu, 'bar-hrĕng tơpei 'bĕng plei hơra kro, sư hơtŏk tơ rŏng aseh iĕ.

II Sam 16:1

Đawit 'nao tŏk hlôi kơ kơ̆l kông, na tơ'bơ̆p Siba, đĭch đam Mephibôset, năm sơng chông ba 'bar tŏ aseh iĕ tah an đei tơlei pơhơ̆p păng kơpal rŏng aseh chơ 'bar-hrĕng tơpei 'bĕng, minh-hrĕng hơchô̆ plei hơmu, minh-hrĕng tŏ 'bĕng iĕ plei hơra, păng minh pôm get hơkar 'bĕnh kơ sik hơmu.

Tơdrông Pơđơk 29:2

Mưh bơngai tơpăt rai lơ, kon pơlei đei chơt hiôk; Mă-lei dah đei bơngai kơnê̆ pơgơ̆r, kon pơlei đei ôr krao.

Tơdrông Pơđơk 11:10

Kơplah lu bơngai tơpăt mơdrŏng, đĭ lu pơlei tih đei chơt hiôk. Mă-lei đei bơngai kơnê̆ hiong răm, đe gô jreo chơt hiôk.

II Pot 11:20

Đĭ-đăng kon pơlei chơt hiôk ngăl, păng pơlei ei gơh hiôk hơđơ̆ng, đơ̆ng rŏng kơ đe pơlôch yă Athalia hăm đao gưm 'bơ̆t anih hnam pơtao.

I Pot 1:40

Đĭ-đăng kon pơlei pơla kiơ̆ đơ̆ng rŏng, hlôm 'lal chhôk hơnôk dêh tơpă, teh mah pơpơ̆ kyĭng kyơ̆ng đơ̆ng jơwa nơ̆r lu sư ôr jreo.

I Ho 12:39

Lu sư oei hăm pơtao Đawit pêng năr păng sŏng sa hơdai tơ noh yua kơ 'nhŏng oh lu sư hơmet ăn.

I Ho 13:1

Đawit pơđâu hăm yŏng pơgơ̆r minh-rơbâu linh, yŏng pơgơ̆r minh-hrĕng linh, hăm rim kră pơgơ̆r.

Hôsia 3:1

Kră Yang khan kơ inh: “Năm 'mêm bĕ kơ akăn ih mă drŏ-kăn pơm đi, đei pơm pơyô boih; 'mêm kơ sư thoi Kră Yang oei 'mêm kơ kon pơlei Isơrael, mă khan lu sư kiơ̆ yang nai păng 'maih sa 'bĕng plei hơmu 'ngam.”

I Ho 29:22

lăm năr noh, lu sư sa et hiôk chơt 'bơ̆t anăp Kră Yang. Đơ̆ng rŏng noh wơ̆t mă 'bar lu sư pôk pơyom Sôlômôn kon drŏ-nglo Đawit pơm pơtao, lu sư tuh đak pơgang 'bâu phu kơ sư 'bơ̆t anăp Kră Yang, păng pôk ăn Sađôk pơm 'bok soi.