I Ho 11:23 - Sơ̆p Hlabơar Nơ̆r 'Bok Kei-Dei

²³ Sư kư̆m pơlôch minh 'nu bơngai Êyiptơ kơjung 'bar hlok minh hơgăt mă bơngai Êyiptơ ti sư chĕp tơju tih tŏ 'long hơtơ̆ng brai, Bênaia năm tơblah sư chĕp minh pôm 'long tơnôn, na tơgar iŏk tơju đơ̆ng ti bơngai Êyiptơ na 'bet pơlôch bơngai noh.

I Ho 11:23 Referans Kwoze

I Sam 17:7

Gôliat kư̆m đei tơju, pla dư tih tŏ khơng đe tanh brai, kơnhŏng tơju trăp loi kơ tơpơh kĭ.

I Ho 20:5

Păng đei tơblah dơ̆ng hăm lu bơngai Philistin; Êlhanan kon drŏ-nglo Jair pơlôch Lahmi oh drŏ-nglo Gôliat minh 'nu bơngai Gitit. Gơ̆r tơju sư tih tŏ 'long không đe tanh brai.

I Sam 17:51

Na Đawit kơdâu juă kơpal akâu bơngai Philistin iŏk đao sư toh đơ̆ng hơnglop, 'bet pơlôch sư, păng kăt kơ̆l sư hloi. Kon pơlei Philistin 'bôh bơngai pran tih kơjung sư lôch bơih, na kơdâu.

I Sam 17:4

Đei minh 'nu bơngai tih kơjung lĕch đơ̆ng kơđông Philistin, anăn sư Gôliat, đơ̆ng pơlei Gat; sư kơjung pêng hlok minh hơđa.

Both 3:11

Gah adrĕch Rêphaim oei đei minh 'nu Ôka arih pơtao char Basan, giơng sư pơm păng mam tor giơng tơsĭn hơgăt, wơ̆l giơng puăn hơgăt. Oei đei tơ Raba pơlei tih kon sâu Ammôn,

I Ho 11:24

'Noh jơ̆ tơdrong Bênaia, kon drŏ-nglo Jêhôiada đei pơm đe kư̆m ư-ang kơ sư thoi pêng 'nu bơngai nuih kơtang noh.