II Yo 1:6 - Sơ̆p Hlabơar Nơ̆r 'Bok Kei-Dei

⁶ Dah bơ̆n băt tơpă tơdrong 'mêm mơnat dih băl păng 'mêm kơ 'Bok Kei-Dei, lei bơ̆n athei răk dôm tơdrong Sư pơkă. Tơdrong pơkă noh hei iĕm kơtơ̆ng đơ̆ng tơm hmơm sơ̆ boih thoi âu: Bơ̆n athei 'mêm kơ 'Bok Kei-Dei păng bôl buăl mơ̆n.

II Yo 1:6 Referans Kwoze

I Yo 5:3

Dah bơ̆n 'mêm kơ 'Bok Kei-Dei lei bơ̆n athei răk dôm tơdrong Sư pơkă. Dôm tơdrong Sư pơkă noh ưh kơ gleh ôh.

I Yo 2:24

Thoi noh na iĕm athei răk tơdrong 'Bok Kei-Dei lăm đon iĕm đơ̆ng iĕm kơtơ̆ng tơm hmơm sơ̆. Dah iĕm răk tơdrong 'Bok Kei-Dei lăm đon iĕm ling-lang lei 'noh iĕm pôm đon păng Kon Sư păng 'Bă Sư 'Bok Kei-Dei mơ̆n.

I Yo 2:5

Sơmă dah bơngai bu răk dôm nơ̆r Sư pơkă, bơngai 'noh băt 'mêm kơ 'Bok Kei-Dei. Wă kơ bơ̆n băt tơdrong bơ̆n lui kơ Yêsu Krist, bơ̆n athei kiơ̆ thoi Sư oei tơ ala teh âu sơ̆.

Yo 15:10

Dah iĕm răk dôm tơdrong Inh bơtho, lei inh 'mêm kơ iĕm tơpă, wei-lăng iĕm khŏm khŏm, kư̆m thoi Inh răk dôm tơdrong 'Bă Inh bơtho na Sư 'mêm kơ Inh tơpă păng wei-lăng Inh khŏm khŏm mơ̆n.

Yo 14:15

“Dah iĕm 'mêm kơ Inh, lei iĕm chu dôm tơdrong Inh pơkă hŏ,

Yo 15:14

Dah iĕm răk dôm tơdrong Inh pơkă lei iĕm buăl juăt Inh tơpă.

Yo 14:21

“Bơngai bu răk dôm tơdrong Inh pơkă, bơngai 'noh boih 'mêm kơ Inh tơpă. Bơngai bu 'mêm kơ Inh, 'Bă Inh kư̆m 'mêm kơ sư mơ̆n; păng Inh kư̆m 'mêm kơ sư na Inh tơbăt kơ sư akâu Inh.”

I Yo 5:15

Dah bơ̆n băt kơ Sư mơ̆ng bơ̆n apinh tơdrong kiơ kiơ, lei bơ̆n kư̆m băt kơ Sư ăn kơ bơ̆n tơdrong noh mơ̆n.

II Yo 1:5

Na inh wă apinh athei iĕm băt pơm thoi âu: Bơ̆n athei adrin tơpă gah tơdrong 'mêm mơnat dih băl. Tơdrong pơkă noh ưh kơ sĭ tơdrong pơkă 'nao ôh. Bơ̆n đei tơdrong pơkă noh đơ̆ng tơm hmơm sơ̆ boih.

Both 13:4

Lu iĕm athei yak kiơ̆ Kră Yang 'Bok Kei-Dei lu iĕm păng hli yom kơkuh kơ Sư, wei răk dôm nơ̆r Sư tơtă, mơ̆ng kiơ̆ nơ̆r Sư khan, bơ̆jang kơ Sư păng pơgơ̆p kơjăp hăm Sư.

Yo 14:23

Yêsu khan kơ sư: “Bơngai bu 'mêm kơ Inh, bơngai 'noh sư gô lui yom kơ tơdrong Inh bơtho. 'Bă Inh 'mêm kơ sư, na nhi 'Bă Inh jur oei hăm sư.

I Yo 2:7

Ơ 'nhŏng oh mă juăt păng inh, tơdrong inh chih pơkă kơ iĕm âu ưh kơ sĭ tơdrong 'nao ôh. Tơdrong âu tơdrong so mơ̆n mă đêl pơkă kơ iĕm sơ̆. Tơdrong pơkă so âu tơdrong đe bơtho iĕm boih păng iĕm kơtơ̆ng boih.