II Yo 1:4 - Sơ̆p Hlabơar Nơ̆r 'Bok Kei-Dei

⁴ Inh hiôk chơt tơpă kơlih kơ inh kơtơ̆ng lu iĕm mơ'nah kiơ̆ tơdrong 'Bă tơm bơ̆n 'Bok Kei-Dei tơpă, noh thoi 'Bok Kei-Dei pơkă kơ bơ̆n sơ̆.

II Yo 1:4 Referans Kwoze

Êphêsô 5:8

Yua kơ dang ei iĕm ưh pă oei lăm măng mu thoi lu bơngai noh boih, iĕm oei lăm hơdah Kră Yang Yêsu Krist pơchrang ăn. Thoi noh na iĕm athei oei kiơ̆ kơ tơdrong hơdah Sư noh.

Êphêsô 5:2

Păng bơ̆n athei băt 'mêm mơnat kơ bôl buăl, thoi Yêsu Krist 'mêm mơnat kơ bơ̆n mah ăn akâu Sư kơdih lôch tang bơ̆n. Sư pơyơ̆r akâu Sư kơ 'Bok Kei-Dei jur lôch tang bơ̆n tơ 'long pơglang kiơ̆ thoi 'Bok Kei-Dei lăp đon, thoi lu bơngai soi sơmah kơ 'Bok Kei-Dei lu sư pơyơ̆r dôm tơmam 'bâu phu.

Hôsia 14:9

Bu jing bơngai hơgei, sư athei băt hlôh dôm tơdrong âu? Bu mă băt lăng hơlen, sư athei lăng bĕ lu tơdrong noh. Trong Kră Yang 'lơ̆ng tơpăt, lu bơngai tơpăt gô yak trong noh; mă-lei lu bơngai pơm yoch glăi gô yak kơtơih pơ̆k tơ noh.

Malachi 2:6

Tơdrong khôi juăt tơdrong tơpăt oei boih tơ lăm 'bơ̆r lu sư bơtho, lăm hơkŭng lu sư ưh pă đei tơdrong kơnê̆ boih; lu sư yak hơdai hăm Inh lăm tơdrong hiôk-hian păng tơpăt, pơm ăn kơ lơ bơngai weh achăng đơ̆ng tơdrong kơnê̆.

Philip 4:10

Inh hiôk tơpă păng bơnê kơ Kră Yang, inh 'bôh dơ̆ng tơmam iĕm tơgŭm inh. Thoi noh inh băt kơ iĕm wă tơgŭm inh ling-lang tơpă; kơlih kơ iĕm ưh kơ yĕng kơ năm ăn đĕch na kơplah âu đunh 'biơ̆.

Galati 2:14

Inh 'bôh lu sư kiơ̆ tơdrong 'nao 'lơ̆ng Yêsu ưh kơ 'blep trŏ thoi noh boih na inh bơtho Pêtrôs 'bơ̆t anăp lu sư thoi âu: “Ih bơngai Juđê, krô hmă ih ưh pă wă kiơ̆ boih tơdrong juăt bơngai Juđê, na dang ei thoi yơ ih wă athei lu bơngai ưh kơ khŭl bơ̆n kiơ̆ tơdrong juăt bơ̆n so dơ̆ng?”

I Kor 13:6

sư ưh kơ lăp đon kơ tơdrong kơnê̆, sư lăp đon kơ tơdrong 'lơ̆ng tơpăt.