II Yo 1:3 - Sơ̆p Hlabơar Nơ̆r 'Bok Kei-Dei

³ 'Bă tơm bơ̆n 'Bok Kei-Dei păng Kon Sư Yêsu Krist gô 'mêm mơnat kơ bơ̆n, wei-lăng bơ̆n tôm tơdrong păng ăn kơ bơ̆n hiôk-hian ling-lang yua kơ bơ̆n lui kơ Sư mă trŏ păng bơ̆n băt 'mêm kơ Sư.

II Yo 1:3 Referans Kwoze

I Yo 4:10

Âu boih tơdrong 'Bok Kei-Dei 'mêm mơnat kơ bơ̆n: Sư 'mêm mơnat kơ bơ̆n mah ăn Kon pôm Sư lôch tang bơ̆n, pơklaih bơ̆n đơ̆ng tơdrong yoch. Bơ̆n 'mêm kơ Sư ưh kơ đei dang noh ôh.

Rom 1:7

Na dang ei inh chih kơthơ ăn kơ iĕm bơngai Rôm mă 'Bok Kei-Dei 'mêm kơeng. Iĕm boih 'Bok Kei-Dei krao wă kơ iĕm jing kon Sư. Inh krao khan apinh Sư 'Bă tơm bơ̆n hăm Kră Yang bơ̆n Yêsu Krist wei-lăng iĕm tôm tơdrong wă kơ Sư ăn kơ iĕm hiôk-hian ling-lang.

I Tim 1:14

Kră Yang bơ̆n Yêsu Krist 'mêm mơnat kơ inh tơpă ăn kơ inh lui kơ Sư păng ăn kơ inh 'mêm kơ Sư hăm đĭ-đăng bơngai. Sư kư̆m ăn kơ đĭ-đăng bơngai lui lei-lăi mơ̆n.

Galati 5:6

Bu kiơ̆ Kră Yang Yêsu Krist, tơdrong kăt tơdra akar ưh kơ đei kăl kiơ ôh. Minh tơdrong lui kơ Kră Yang Yêsu Krist păng 'mêm mơnat kơ đe, noh kăl.

II Yo 1:1

Inh kră wei-lăng bơngai lui chih hơpong kơ iĕm 'nhŏng oh. Yua kơ 'Bok Kei-Dei rơih iŏk iĕm na inh 'mêm kơ iĕm tơpă. Bơ̆n jing 'nhŏng oh bơngai lui. Mă-lei ưh kơ sĭ kơdrô̆ inh ôh 'mêm kơ iĕm, dôm lu bơngai băt tơdrong 'Bok Kei-Dei tơpă sư kư̆m 'mêm kơ iĕm mơ̆n.

II Tim 1:13

Ih athei pơm kiơ̆ dôm tơdrong 'lơ̆ng inh bơtho ih păng ih kư̆ lui mă kơjăp băt 'mêm mơnat kơ bôl buăl. Yêsu Krist gơh ăn kơ bơ̆n lui kơjăp păng 'mêm mơnat kơ đe.

Sa 8:19

Kră Yang Tih Hloh đei khan thoi âu: “Tơdrong ơ̆t kơ sŏng sa lăm khei puăn păng tơdrong ơ̆t kơ sŏng sa lăm khei pơđăm, tơdrong ơ̆t kơ sŏng sa lăm khei tơpơh, tơdrong ơ̆t kơ sŏng sa lăm khei mơjĭt noh gô đei tơdrong chơt hiôk, 'nă hal păng et sa chơt hiôk kơ hnam Juđa. Thoi noh hưch hanh bĕ tơdrong tơpăt păng chơt hiôk.”