II Yo 1:1 - Sơ̆p Hlabơar Nơ̆r 'Bok Kei-Dei

¹ Inh kră wei-lăng bơngai lui chih hơpong kơ iĕm 'nhŏng oh. Yua kơ 'Bok Kei-Dei rơih iŏk iĕm na inh 'mêm kơ iĕm tơpă. Bơ̆n jing 'nhŏng oh bơngai lui. Mă-lei ưh kơ sĭ kơdrô̆ inh ôh 'mêm kơ iĕm, dôm lu bơngai băt tơdrong 'Bok Kei-Dei tơpă sư kư̆m 'mêm kơ iĕm mơ̆n.

II Yo 1:1 Referans Kwoze

I Yo 3:18

Ơ lu kon hơ'lơ̆p, tơdrong 'mêm mơnat dih băl, bơ̆n ưh kơ wă 'bơ̆r bơ̆n đĕch ôh mơnat. Bơ̆n athei 'mêm mơnat dih băl păng jơhngơ̆m đon bơ̆n tơpă păng tơdŏng băl tơdrong jang.

I Tim 2:4

Păng Sư wă kơ đĭ-đăng bơngai gơh klaih đơ̆ng pơm yoch păng wă kơ lu sư băt tơdrong 'Bok Kei-Dei:

Yo 8:32

Na iĕm gô băt tơdrong 'Bok Kei-Dei tơpă, thoi noh na iĕm gô rơngei.”

II Yo 1:5

Na inh wă apinh athei iĕm băt pơm thoi âu: Bơ̆n athei adrin tơpă gah tơdrong 'mêm mơnat dih băl. Tơdrong pơkă noh ưh kơ sĭ tơdrong pơkă 'nao ôh. Bơ̆n đei tơdrong pơkă noh đơ̆ng tơm hmơm sơ̆ boih.

I Pet 5:1

Yua kơ thoi noh na dang ei inh wă bơtho 'biơ̆ lu bơngai pơm kră wei-lăng lu bơngai lui, yua kơ inh trŏ tơdrong jang noh păng 'bôh tơdrong Yêsu Krist gleh pơmat krưp tơpă. Thoi noh truh năr Yêsu Krist jur ning-mônh 'Bok Kei-Dei gô atŏk inh oei hơdai hăm Yêsu hiôk jơnap na inh wă pơma kơ iĕm thoi âu:

II Yo 1:13

Lu 'nhŏng oh bơngai lui đơ̆ng nhôn mă 'Bok Kei-Dei rơih boih, lu sư kư̆m đei nơ̆r jet gia pơma apơi rơnguơ̆ ră kơ iĕm mơ̆n.

I Yo 2:21

Inh chih ăn kơ iĕm kơthơ âu ưh kơ sĭ khan iĕm ưh kơ băt tơdrong 'Bok Kei-Dei ôh. Inh chih ăn kơ iĕm kơthơ âu yua kơ iĕm băt tơdrong 'Bok Kei-Dei tơpă păng iĕm kư̆m băt tơdrong 'Bok Kei-Dei ưh kơ hơlĕnh ôh.

I Pet 1:2

'Bă tơm bơ̆n 'Bok Kei-Dei băt kơ iĕm đơ̆ng blŭng-a sơ̆ boih, na Sư rơih iŏk iĕm jing kon Sư. Na Yang Bơhngol 'Lơ̆ng ăn kơ iĕm jing bơngai 'lơ̆ng tơpăt wă kơ iĕm lui yom kơ Yêsu Krist, na yua kơ pham Yêsu Krist iĕm klaih đơ̆ng tôm tơdrong yoch iĕm. Inh krao khan apinh Sư wei-lăng iĕm tôm tơdrong wă kơ Sư ăn kơ iĕm hiôk-hian ling-lang.

Hêbrơ 10:26

Bơ̆n băt boih tơdrong Yêsu Krist, mă bơ̆n wih lê̆ tơdrong lui pơm yoch dơ̆ng, bơ̆n ưh pă đei tơdrong soi kiơ mă gơh pơklaih bơ̆n đơ̆ng tơdrong yoch,

Galati 5:7

Sơ̆ iĕm lui kơ Yêsu Krist kơjăp tơpă, na liơ iĕm lui kơ đe pơhlŭ pơlung iĕm dang ei dơ̆ng?

Galati 3:1

Ơ bơngai Galati, iĕm ưh kơ hlôh tơpă iih, iĕm lui kiơ̆ kơ đe pơtuah iĕm? Sơ̆ nhôn bơtho iĕm nhên tơpă boih gah tơdrong Kră Yang Yêsu Krist lôch tang iĕm tơ 'long pơglang.

Galati 2:14

Inh 'bôh lu sư kiơ̆ tơdrong 'nao 'lơ̆ng Yêsu ưh kơ 'blep trŏ thoi noh boih na inh bơtho Pêtrôs 'bơ̆t anăp lu sư thoi âu: “Ih bơngai Juđê, krô hmă ih ưh pă wă kiơ̆ boih tơdrong juăt bơngai Juđê, na dang ei thoi yơ ih wă athei lu bơngai ưh kơ khŭl bơ̆n kiơ̆ tơdrong juăt bơ̆n so dơ̆ng?”

Galati 2:5

Dôm tơdrong lu sư wă kơ nhôn pơm, nhôn ưh kơ chu ôh. Nhôn ưh kơ đei layơ wă tơplih tơdrong 'nao 'lơ̆ng Yêsu Krist mă 'lơ̆ng tơpăt ôh. Nhôn wă kơ iĕm huay kăl kiơ̆ dôm tơdrong juăt bơngai Juđê.

Kôlôsê 1:5

Tơdrong lui iĕm rai wơ̆ băt 'mêm mơnat kơ đe thoi noh, yua kơ iĕm băt nhên tơpă bơ̆n gô đei tơdrong hiôk tơ kơpal plĕnh thoi Sư khan kơ bơ̆n boih, kơplah mă đe bơtho kơ bơ̆n tơdrong 'nao 'lơ̆ng sơ̆; tơdrong noh tơdrong tơpă, ưh kơ tơdrong kư̆ kă ôh.

Luka 1:3

Na inh kư̆m chă jet pơnhên đe gah tơdrong Yêsu đơ̆ng tơm hmơm sơ̆, na inh kư̆m wă roi ăn kơ ih mă đơ̆ng tơm truh tơ wĕch,

Jang 11:30

Na lu sư ăn jên kơ bre 'Barna'ba păng Sôl. Bre sư chĕp ba jên 'noh tơ dêh Juđê wă ăn kơ lu kră pơgơ̆r bơngai lui.

Rom 16:13

Inh kư̆m đei nơ̆r wă jet gia Ruphus, đe ư-ang kơ sư tơpă yua kơ sư lui kơ Kră Yang Yêsu Krist kơjăp. Inh kư̆m wă jet gia mĕ sư thoi yơ, mă mĕ sư kư̆m dang mĕ inh mơ̆n.

I Pet 5:13

Lu bơngai lui tơ Pơlei Babilôn nhôn, 'Bok Kei-Dei rơih iŏk lu sư thoi sư rơih lu iĕm mơ̆n, lu sư đei nơ̆r jet gia pơma dơnuh păng iĕm. Markôs sư dang kon inh, sư hơdai lei-lăi jet gia iĕm mơ̆n.

III Yo 1:1

Inh kră wei-lăng bơngai lui chih kơthơ âu. Hmach kơ ih, Guơs. Inh 'mêm kơ ih tơpă kơlih kơ ih bơngai lui 'lơ̆ng.