II Tim 4:22 - Sơ̆p Hlabơar Nơ̆r 'Bok Kei-Dei

²² Inh apinh Kră Yang Yêsu Krist oei păng ih ling-lang păng apinh Sư wei-lăng rim 'nu kơ iĕm tôm tơdrong.

II Tim 4:22 Referans Kwoze

Phil 1:25

Nhôn apinh Kră Yang Yêsu Krist wei-lăng rim 'nu kơ iĕm tôm tơdrong.

Galati 6:18

Ơ lu 'nhŏng oh, nhôn apinh Kră Yang Yêsu Krist wei-lăng rim 'nu kơ lu iĕm tôm tơdrong. A-men.

Kôlôsê 4:18

Kơthơ âu nơ̆r inh Pôl pơma, buăl inh chih; lăp wă jê̆ tôch na ti inh chih kơdih. Iĕm 'nĕ hiơt kơ inh, đe oei chô̆ hăm tơlei glang mam ling-lang. Inh apinh 'Bok Kei-Dei wei-lăng iĕm tôm tơdrong.

Rom 1:7

Na dang ei inh chih kơthơ ăn kơ iĕm bơngai Rôm mă 'Bok Kei-Dei 'mêm kơeng. Iĕm boih 'Bok Kei-Dei krao wă kơ iĕm jing kon Sư. Inh krao khan apinh Sư 'Bă tơm bơ̆n hăm Kră Yang bơ̆n Yêsu Krist wei-lăng iĕm tôm tơdrong wă kơ Sư ăn kơ iĕm hiôk-hian ling-lang.

Tơdrông Tơ'bôh 22:21

Inh apinh Kră Yang Yêsu wei-lăng đĭ-đăng kơ lu kon 'Bok Kei-Dei lăm tôm tơdrong. A-men.

I Pet 5:14

Inh apinh 'Bok Kei-Dei ăn kơ iĕm mă lui kơ Yêsu Krist hiôk-hian. Na kơnh pơgê apinh iĕm sơng iŏk rôp băl ti mă 'lơ̆ng wă kơ băt tơdrong 'mêm băl.

Êphêsô 6:24

Inh apinh sư wei-lăng lu bơngai mă băt 'mêm kơ Kră Yang bơ̆n Yêsu Krist ling-lang.

I Tim 6:21

Thoi noh boih na đei bơngai lui kiơ̆ thoi gah bơ̆n, sư lui kiơ̆ gah đe bơtho dơ̆ng, sư mơ̆ng gah đe bơtho khan trŏ, na sư lui kiơ̆ đe ei na achăng hŭt gah tơdrong lui kơ Yêsu. Inh apinh 'Bok Kei-Dei wei-lăng rim 'nu kơ lu iĕm tôm tơdrong.

I Kor 16:23

Inh apinh Kră Yang Yêsu Krist wei-lăng iĕm lăm tôm tơdrong.

Rom 16:20

'Bok Kei-Dei wă kơ bơ̆n gơh oei hiôk hăm bôl buăl, thoi noh na Sư ưh kơ ăn kơ tơdrong kơnê̆ pran hloh kơ iĕm, Sư ăn kơ iĕm pran hloh kơ tơdrong kơnê̆; noh dang Sư ăn kơ iĕm juă bơhlơ̆r kơ̆l yang Satan. 'Noh na inh apinh Kră Yang Yêsu Krist wei-lăng iĕm.

Mathiơ 28:20

Bơtho kơ lu sư pơm kiơ̆ tôm tơdrong Inh đei pơkă kơ lu iĕm. Inh oei hơdai hăm lu iĕm ling-lang truh năr tôch ning-mônh.”

Philip 4:23

Inh apinh Kră Yang Yêsu Krist wei-lăng lu iĕm tôm tơdrong.