II Tim 4:19 - Sơ̆p Hlabơar Nơ̆r 'Bok Kei-Dei

¹⁹ Inh jet gia yă Prisil păng Akila păng hnam dơnŏ Ônêsip.

II Tim 4:19 Referans Kwoze

Jang 18:2

Tơ ei sư tơ'bơ̆p minh 'nu bơngai Juđê anăn sư Akila. Bơngai ei mĕ sư tơpŭ sư tơ dêh char Pôntơ. Sư păng akăn sư, anăn sư Prisil, 'nao jăk đơ̆ng dêh char Itali yua kơ pơtao Klôt athei đĭ-đăng bơngai Juđê jăk đơ̆ng lăm Pơlei Rôm.

I Kor 16:19

Lu khŭl lui kơ 'Bok Kei-Dei tơ dêh Asi đei nơ̆r jet gia iĕm. 'Bok Akila, yă Prisil păng đĭ dôm lu bơngai lui juăt kơ akŭm tơ hnam bre sư kư̆m đei nơ̆r jet gia iĕm mơ̆n yua kơ bơ̆n minh khŭl bơngai lui kơ Kră Yang.

Jang 18:26

Apôlê năm tơ Pơlei Êphêsô bơtho tơ hnam akŭm bơngai Juđê. Sư bơtho kư̆m nuih tơpă mơ̆n. Lăp Prisil păng Akila mơ̆ng sư bơtho bre sư anhăk ba sư truh tơ hnam bre sư. Bre sư bơtho ăn kơ Apôlê tơdrong 'Bok Kei-Dei wă kơ sư hlôh băt tôm 'biơ̆.

Jang 18:18

Đơ̆ng rŏng kơ noh Pôl oei tơ Pơlei Kôrintô kư̆m đunh 'biơ̆ mơ̆n. Klaih kơ noh sư tơklah đơ̆ng bơngai lui wă năm tơ dêh char Siri. Bre Prisil păng Akila kư̆m kiơ̆ hơdai păng sư mơ̆n. Lu sư năm tơ Pơlei Sankrê. Tơ ei Pôl yuă sŏk. Đunh boih sư ưh kơ yuă sŏk yua kơ sư pơkă hăm 'Bok Kei-Dei tơdrong kiơ kiơ. Dang ei sư pơm đang tơdrong sư pơkă noh na sư gơh yuă sŏk dơ̆ng.

Mathiơ 5:47

Dah iĕm bôl tơduă lu 'nhŏng oh iĕm đĕch, lei 'Bok Kei-Dei lăng iĕm ưh kơ đei pha kiơ ôh. Lei lu bơngai mă ưh kơ lui kư̆m pơm thoi noh mơ̆n.