II Tim 2:5 - Sơ̆p Hlabơar Nơ̆r 'Bok Kei-Dei

⁵ Âu nơ̆r pơtih gia dơ̆ng, gah tơdrong pơjei băl kơdâu: Bơngai bu kơdâu ưh kơ kĕ na khô̆i jơ̆ng buăl sư dah tơlơ̆ buăl sư, bơngai 'noh đe ưh kơ apah sư tơmam ôh, kơlih kơ sư ưh kơ kiơ̆ nơ̆r đe pơkă adrol kơ lu sư wă kơdâu hei.

II Tim 2:5 Referans Kwoze

Tơdrông Tơ'bôh 3:11

Ưh kơ đunh ôh Inh wă jur dơ̆ng. Dang ei iĕm lui kơjăp boih, iĕm 'nĕ kơ achăng lê̆ dôm tơdrong Inh, wă kơ Inh huay kơ iŏk agăl pơkao iĕm, ăn kơ bơngai nai.

Ya 1:12

Bơngai bu đei tơdrong đe pơlong lăng sư, tơdrong gleh truh kơ sư mă sư oei lui kơ 'Bok Kei-Dei kơjăp, bơngai noh hiôk rai loi; 'Bok Kei-Dei gô ăn kơ sư arih hiôk-hian ling-lang tơpă. Tơdrong 'noh Sư pơkă kơ rim 'nu bơngai, bơngai bu mă 'mêm kơ Sư.

Kôlôsê 1:29

Inh gơnang kơ Yêsu Krist, na mă inh đei tơdrong anat anot dang ei, Sư ăn kơ inh jơhngơ̆m pran oei adrin jang tôch bơneh tơdrong Sư khŏm khŏm.

Hêbrơ 12:4

Gah tơdrong lu bơngai yoch tơblah păng iĕm, iĕm ưh tam mă mah adrin truh kơ pham lĕch sĕch huŏng ôh.

Luka 13:24

“Iĕm athei adrin mơ̆t trong 'măng iĕ bĕ yua kơ đei lơ bơngai nŏng wă mơ̆t ră ưh kơ gơh.

Tơdrông Tơ'bôh 2:10

Iĕm 'nĕ hli mă tơdrong wă truh kơ iĕm kơnh pơgê, yua kơ yang kơnê̆ wă tah lu iĕm mơ'nah tơ lăm hnam phak, wă pơlong lăng tơdrong lui iĕm. Iĕm oei tơ lăm hnam phak dang mơjĭt năr đe đei pơm kơ iĕm pơmat-tat dêh, mă-lei apinh iĕm adrin bĕ truh lôch, đơ̆ng noh na Inh gô tơ'băk kơ iĕm agăl pơkao tơdrong arih ling-lang.

Hêbrơ 2:9

Bơ̆n 'bôh pôm Yêsu đĕch kơplah Sư oei tơ teh âu sơ̆ Sư dang lĕ kơ iĕ 'biơ̆ kơ lu linh jang, mă-lei lăp minh yuh đĕch. Pôm Sư đĕch bơ̆n 'bôh thoi lĕ kơ kon bơngai mă 'Bok Kei-Dei pôk Sư pơgơ̆r pơm Pơtao, yua kơ Sư chu iŏk tơdrong lôch pơmat tang đĭ rim 'nu bơngai, yua kơ 'Bok Kei-Dei 'mêm kơ bơ̆n.

Hêbrơ 2:7

Ih ăn kơ nhôn kơđeh 'biơ̆ kơ lu linh jang, mă-lei ưh kơ mah kơđeh dêh. Ih kư̆m ăn kơ nhôn dang lĕ kơ pơm 'bok pơtao;

Philip 1:15

Đei lu mơ'nah bơtho tơdrong Yêsu Krist kư̆m nuih mơ̆n, mă lu sư bơtho tơgar yua kơ lu sư 'nhĕng inh đei bơngai lui lơ. Đei lu mơ'nah bơtho kiơ̆ kơ jơhngơ̆m sư hiôk,

I Pet 5:4

Thoi noh na mưh blư kơ Tơ'ngla Tơm Wei Triu jur ning-mônh Sư bơnê kơ iĕm păng apah iĕm agăl pơkao 'lơ̆ng rŏ ưh kơ layơ jô kro, iĕm gô arih ling-lang.

Tơdrông Tơ'bôh 4:10

na đĭ-đăng 'bar-jĭt puăn 'nu lu đe kră ei 'nap kơkuh kơ 'Bok Pơtao mă oei tơ tang-dŏ, 'Bok mă arih ling-lang ưh kơ layơ tôch ei. Môk maih lu sư 'măn 'bơ̆t anăp tang-dŏ 'Bok Pơtao, na lu sư hơri thoi âu:

Tơdrông Tơ'bôh 4:4

Tăp dăr kơ tang-dŏ 'Bok Pơtao ei đei 'bar-jĭt puăn tŏ tang-dŏ nai, đei 'bar-jĭt puăn 'nu lu đe kră oei tơ tang-dŏ ei. Lu sư tă hrŭk ao tai kok păng yơ̆l môk maih.