II Sam 9:11 - Sơ̆p Hlabơar Nơ̆r 'Bok Kei-Dei

¹¹ Siba drơ̆ng khan: Đĭch đam ih gô pơm kiơ̆ tôm tơdrong đơ̆ng yŏng pơtao inh pơkă khan. Thoi noh Mêphibôset sŏng sa hơdai minh pôm gơ'bang hăm pơtao Đawit thoi minh 'nu kon drŏ-nglo pơtao.

II Sam 9:11 Referans Kwoze

II Sam 19:26

Sư tơl: “Ơ pơtao yŏng tơ'ngla inh! Đĭch đam inh hơlĕnh kơ inh,” inh athei sư: “Năm chă ăn kơ inh aseh iĕ, inh wă hao năm kiơ̆ pơtao, yua kơ inh đĭch đam ih âu jopo

II Sam 19:17

Simêi chông ba minh-rơbâu 'nu bơngai Bênjamin kiơ̆ sư. Siba, đĭch đam wei-lăng hnam Sôl, hăm mơjĭt-pơđăm 'nu kon drŏ-nglo, păng 'bar-jĭt 'nu đĭch đam sư, lu sư năm hăt hot truh tơ đak Krong Jôrđăn, adrol kơ pơtao.

II Sam 9:10

Thoi noh ih hăm lu kon drŏ-nglo păng đĭch đam ih athei choh pơtăm teh mir noh ăn kơ sư, đei plei phe 'ba na yua iŏk 'me hnam dơnŏ yŏng tơ'ngla ih, mă-lei gah Mêphibôset sư gô oei sŏng sa hơdai inh pôm gơ'bang hlŏng hloi boih. Siba đei mơjĭt-pơđăm 'nu kon drŏ-nglo păng 'bar-jĭt 'nu đĭch đam.

II Sam 9:12

Mêphibôset đei minh 'nu kon drŏ-nglo 'lơ̆p, anăn sư Mika; păng đĭ-đăng lu bơngai oei lăm hnam Siba jing đĭch đam Mephibôset ngăl.

II Sam 9:13

Thoi noh Mêphibôset oei tơ pơlei Jêrusalem, yua kơ sư sŏng sa hơdai pơtao minh gơ'bang ling-lang, mă sư hơwen hơwo 'bar pah jơ̆ng ră.

II Sam 19:24

Mephibôset sâu drŏ-nglo Sôl, kư̆m năm jur sơng pơtao, sư ưh kơ đei ôp jơ̆ng, yuă sŏk kang dah pih hơbĕn ao sư iŏk đơ̆ng năr pơtao yak năm truh tơ năr pơtao wih brŏk hiôk-hian.

II Sam 15:15

Lu bơngai bơ̆jang kơ pơtao tơl khan: “Mă tơdrong pơtao yŏng tơ'ngla lu nhôn wă pơm thoi yơ, lei lu nhôn đĭch đam ih gô pơm kiơ̆ hloi.”