II Sam 8:15 - Sơ̆p Hlabơar Nơ̆r 'Bok Kei-Dei

¹⁵ Đawit pơm pơtao pơgơ̆r kơ đĭ-đăng dêh char Isơrael, pơgơ̆r kon pơlei sư hăm tơdrong juăt trŏ tơpăt.

II Sam 8:15 Referans Kwoze

Am 5:15

Areh bĕ kơ tơdrong kơnê̆, na 'mêm bĕ kơ tơdrong 'lơ̆ng; pơm pơjing bĕ tơdrong 'lơ̆ng tơpăt 'bơ̆t 'măng jang pơlei. Rŏ lăng Kră Yang 'Bok Kei-Dei Tih hloh gô mơnat ăn kơ dôm lu bơngai Jôsep mă oei arih.

Horiso 89:14

Tơdrong 'lơ̆ng tơpăt păng tơdrong tơpăt hơnơ̆ng jing hơnă tăng dŏ pơtao Ih. Tơdrong 'mêm, tơdrong 'lơ̆ng tơpăt năm 'bơ̆t anăp Ih.

Horiso 72:2

Sư gô sek tơlang kon pơlei Ih tơpăt hơnơ̆ng. Sek lu bơngai dơnuh hin trŏ tơpăt.

Am 5:24

Kơtrơ̆m jah lê̆ lu tơdrong 'lơ̆ng tơpăt sĭt ro thoi đak păng tơdrong tơpăt kơkhŭr thoi đak glung ro ling-lang.

Êsai 9:7

Nơ̆r Kră Yang hơtă hil kơ Jakôp păng nơ̆r noh tuh ăn kơ Isơrael.

Horiso 75:2

Truh 'bơ̆t jơ Inh pơkă boih, Inh gô đei sek tơlang tơpăt.

I Ho 18:14

Đawit pơm pơtao pơgơ̆r đĭ-đăng bơngai Isơrael; sư pơm dôm tơdrong 'lơ̆ng tơpăt, tơdrong trŏ hăm đĭ-đăng lu kon pơlei sư.

II Sam 5:5

Tơ Hêbrôn, Đawit pơgơ̆r lu bơngai Juđa tơpơh sơnăm tơdrâu khei, păng tơ Jêrusalem, sư pơm pơtao pơgơ̆r đĭ-đăng Isơrael păng Juđa pêng-jĭt pêng sơnăm.

II Sam 3:12

Apner wơh hloi bơngai năm roi truh tơ Đawit khan dêh char bu âu? Ih athei pơkă pơgơ̆p hăm inh, na inh gô tơgŭm chông ba pơđĭ kon pơlei Isơrael brŏk tơ ih.

Hêbrơ 11:33

Lu sư đei đon lui tơpă, na lu sư kĕ blah iŏk lơ teh đak noh nai. Lu sư bơngai pơgơ̆r tơpăt ling-lang, lu sư 'bôh tơpă boih tơdrong 'Bok Kei-Dei pơkă wă ăn kơ lu sư noh. Lăm lu sư kư̆m đei gơh pơŏm 'bơ̆r kiĕk.

II Sam 8:14

Sư pơm kơđông pơgơ̆r jơ̆p kơ dêh Eđôm, păng đĭ kon pơlei Eđôm bơ̆jang kơ Đawit. Kră Yang ăn kơ Đawit kĕ jei tơ rim anih mă sư tơblah.

II Sam 8:16

Jôap kon tơdăm yă Sêruia pơm yŏng pơgơ̆r linh; Jêhôsaphat kon tơdăm Ahilut pơm yŏng chih răk dôm tơdrong truh.

I Pot 10:9

Kơkuh bơnê kơ Kră Yang 'Bok Kei-Dei ih, yua kơ Sư lăp đon kơ ih ăn kơ ih hơ-oei kơpal tang-dŏ pơtao lu bơngai Isơrael! Yua kơ Kră Yang 'mêm kơ Isơrael ling-lang, thoi noh na Sư ăn kơ ih pơm pơtao wei-lăng wă kơ ih pơm tơdrong trŏ păng 'lơ̆ng tơpăt.

Horiso 119:121

Inh pơm boih tơdrong tơpăt păng tơdrong trŏ, 'Nĕ jao inh kơ lu bơngai pơjuă pơđep inh.

I Sam 14:47

Đơ̆ng rŏng kơ Sôl pơm pơtao pơgơ̆r teh đak Isơrael, na sư tơblah hăm bơngai ayăt kơ sư puăn pah, wă khan sư tơblah hăm bơngai Môap, Ammôn, Eđôm, lu pơtao Sôba păng hăm bơngai Philistin; sư tơblah tơ yơ, kư̆m jei sư ngăl.

II Sam 15:3

Apsalôm juăt kơ pơma: “'Lơ̆ng dêh, tơdrong ih apinh trŏ păng lăp tơpă; mă-lei pơtao ưh kơ đei wơh bơngai bu wă mơ̆ng ih ôh.”

II Sam 20:23

Jôap pơgơ̆r đĭ-đăng lu linh Isơrael; Bênaia kon drŏ-nglo Jêhôiada pơm yŏng lu bơngai Kêrêthit păng Pêlêthit;

I Pot 4:1

Pơtao Sôlômôn pơgơ̆r đĭ-đăng dêh Isơrael.